1 Ramiz Də
Yüklə 2,51 Mb. Pdf görüntüsü
|
90 etmək onun üçün xeyli maraqlı və şərəfli idi. Kapitan Xuan da başa düşdü ki, bu təklif Migelin ürəyindən deyil və söhbətin məzmununu dəyişmək üçün istehza ilə dedi: - Sinyor Kartahena, qardaşım Alonsonun oğlu Kamaço iki illik əsirlikdən sonra öz evinə qayıdıb. Bildiyiniz kimi o, “Məğlubedilməz armada”nın tərkibində idi və Qravelin yaxınlığındakı döyüşdə ingilislərə əsir düşmüşdü. Alonso on min dukata Kamaçonu əsirlikdən azad edib. Beş gündən sonra yəni, sentyabrın 1-də qardaşım öz evində oğlunun şərəfinə bal təşkil edir və sizi Migel ilə birlikdə həmin bala dəvət edir. Bundan əlavə Seviliyada yaşayan coğrafiya- şünas Bartolomeu Salvatyero da bütün ailəsi ilə birlikdə həmin bala dəvət olunub. Əgər çətin deyilsə, Migel həmin dəvətnaməni Seviliyaya çatdırardı. Seviliyaya getməyə imkan olmasa, əvvəlcədən bizə xəbər verin. Rodriges söz deməyə hazırlaşdı ki, kapitan Xuan ona imkan verməyərək, tələsik sözünə davam edib üzrxahlıqla dedi: - Sinyor Kartahena, başa düşürəm nə demək istəyirsiniz. Qoca olduğunuz üçün gələ bilməyəcəksiniz. Ancaq onu da bilin ki, sizin iştirakınız bizim üçün şərəfli olacaq. Sizə əziyyət olmasın deyə, mən şəxsən özüm karetlə dalınızca gəlib sizi rahat evimizə apararam. Sizin iştirakınız həmin balı Günəş şüası kimi işıqlandıracaq. Bir çox zadəganlar
91 sizinlə yaxından tanış olmaq isəyirlər. Necə olsa da, siz bizim şəhərdə ən hörmətli dəniz səyyahısınız. IX fəsil. Kamaço Odovaldonun şərəfinə verilən bal
Axşam saat 9-da qonaqlar Rodrigeslə vidalaşıb yola düşmək üçün aşağı endilər. Karet həyəti tərk edəndə kapitan Xuan atını qapının ağzında saxlayıb Migeli yanına çağırdı. Xuan o qədər də hündür olmayan, enlikürək, iri qamətli, möhkəm bədənli otuz bir yaşlı bir zabit idi. Köynəyinin üst düymələri açıq olduğundan onun sinəsinin nə qədər iri olmasını görmək olurdu.Zabitin möhkəm qolları və ayaqları güclü əzələlidir. Enli sifətini bığ və saqqal örtsə də, onun yaraşıqlı bənizi bir çox subay xanımların diqqətini çox asanlıqla özünə cəlb edə bilərdi. O qədər də iri olmayan gözlərinin üstünü qalın, lakin hamar qaşlar örtürdü. Baxışlarından onun hiyləgər olmamasını hamı ayırd edirdi. Sözü üzə deyəndir. Başının qəhvəyi seyrək saçları ortadan
92 ayrılmış və az qala çiyinlərinə çatırdı. Xuan həmişə asta hərəkət edər və tələsməyi xoşlamırdı. Amma hirslənəndə, xüsusən də döyüşlərdə olan zaman, pişik kimi rəqibinin üstünə atılır və onu ram etməmiş əl çəkən deyildi. O, fiziki cəhətcə çox möhkəm idi və qolunun gücünə görə Barselo- nada güclü adamlardan biri sayılırdı. Qılınc oynatmaqda tək-tük adamlar onunla bacarırdı. Əzizlərini təəccüblən- dirən hal o idi ki, evlənmək barəsində söz düşəndə, bunu qəti şəkildə inkar edir və subay qalmağı xoşlayırdı. Lakin gözəl qadınlarla dostluq etməkdən heç vaxt boyun qaçır- mırdı.
- Migel, əgər çətin deyilsə, sabah dostlarınla birgə bizə gəl. – Xuan səmimiyyətlə dilləndi və sağollaşmaq üçün əlini ona tərəf uzadıb ehtiramla əlavə etdi. – Mümkünsə, özünüzü günorta yeməyinə çatdırın. Migel razılığını bildirən kimi kapitan atını birbaşa atını karetin ardınca sürdü. Kapitan Xuanın məqsədi-məramı bəlli idi. Migelgil deyilən vaxt ora gedəndə o, böyük bir təkidlə köhnə döyüşçüləri öz ekspedisiyasına dəvət etdi. Onlara böyük imtiyazların veriləcəyini söz verərək, istədiyinə nail olur. Ertəsi günü Migel yalnız axşam tərəfi saat 4-də yuxudan ayıldı. Osvaldo ilə Ameriqo bağda gəzişirdilər. Coğrafiya- şünas aynabənddə əyləşib qoca səyyah ilə maraqlı söhbət
93 edirdi. Qısa hazırlıqdan sonra saat 6-da Migel bala getməyi evdəkilərə bildirdi Migelgil polkovnik Alonsonun evinə gələndə artıq qonaqların əksəriyyəti qonaq zalına toplaşıb şənlikdə iştirak edirdilər. İçəri girən qonaqlar zaldakılara təqdim olundular. Bütün zal demək olar ki, qonaqla dolu idi. Hamı zalın bir tərəfində toplaşıb bir-biri ilə müxtəlif mövzuda söhbər edirdilər, bəziləri isə zalda çalınan musiqiyə qulaq asırdı. Demək olar ki, zala toplaşanların səksən faizi sifətlərinə maska taxmışdı. Yalnız yaşlı zadəganlar üzlərini açıq saxlayırdılar. Evin əsas otağını təşkil edən nəhəng zal saysız-hesabsız şamdanlarla bəzədilmiş və həmin şamlar içərini tam işıqlandırmışdı. Hamı maraqla zalı nəzərdən keçirirdi. Pəncərələr arasındakı divarlar portret şəkillərlə bəzədil- miş, əks divarda isə Təbriz xalçaları asılmışdı. Zalın həm bu, həm də o başında musiqiçilər əyləşmiş və ortada dayanmış adamın işarəsi ilə sifariş olunan melodiyanı çalırdılar. Bu onun üçün belə təşkil olunmuşdu ki, çalınan musiqi zalın hər tərəfində eşidilsin. Bir sözlə, bal yüksək səviyyədə təşkil olunmuşdu. Zala bitişik olan kiçik zalda masaların üstündə süfrə açılmış və qonaqlardan kim istəyir- disə, gəlib həmin zalda boğazını yaşlaya, qarnını bərkidə bilərdi. Bundan əlavə kim istəsə idi, həyətə çıxıb gül-
Yüklə 2,51 Mb. Dostları ilə paylaş:
|