122
- Cavan oğlan, tanımadığın adam haqqında bu cür
əxlaqsız söz işlətmək, sənin özbaşnalığından xəbər verir. O,
səni yaşda olanda İspaniyanın şan-şöhrətini qaldırmaq üçün
ömrünün ən ağır günlərini Yeni Dünyada keçirib. Valdiviya
İspaniyanın xeyri üçün çox işlər görüb, hətta canından belə
keçib. Sən isə onun gördüyü işlərinin onda birini görsən,
deyərəm ki, onun haqqında hər hansı bir söz deməyə sənin
ixtiyarın var.
- Sinyor Kartahena, siz nə üçün narazı olursunuz, axı
Valdiviya doğrudan da İspaniyanın adını Mərkəzi Çili
sahillərində batırıb. - deyə kapitan Alonso yenə də Pedro
Valdiviyanı təhqir etdi və ağzını büzüb ikrah hissi ilə
sözünə davam etdi. - Valdiviya aborigenlər tərəfindən edam
olunmasaydı, sözsüz ki, İspaniyada yerli zadəganlar tərəfin-
dən edam olunacaqdı. O, millətin
beynində acı xatirələr
qoyub gedib. Ölən həmvətənlərimizin qanını almaq üçün
biz gərək Mərkəzi Çilidə yaşayan bütün araukanları
qılıncdan keçirib, onların bütün nəsillərini yer üzündən
silək.
- Bütün araukanlar darmadağın olunmalıdırlar.
- Qılınclarınız pas atmasın deyə, biz tezliklə yola
düşməliyik.
- Qardaşlarımızın qanı alınmalıdır.
123
- Təslimçilik ruhunda gedən müzakirələr dayandırıl-
malıdır.
- Qoca səyyahın fikri ilə biz araukanlardan qorxub
missiyamızdan imtina etməliyik.
Hərə ağzına gələni deyir, qışqıra-qışqıra qoca səyyahın
ünvanına təhqirlər də yağdırırdılar. Sözsüz ki, hamı belə
deyildi. Qoca səyyahı dinlənmək istəyənlər də vardı.
Kapitan Xuan qoçanın dedikləri ilə razılaşmasa belə,
yerdən söz atanların tam əleyhinə idi və bunu pis hal kimi
qiymətləndirirdi. Elə bir hərəkətlə sözsüz ki, qoca səyyahın
xətrinə dəymək olardı. Çünki Pedro Valdiviya qoca
səyyahın qohumu və şəxsən, ekspedisiya iştirakçısı Migelin
babası idi. Bu həqiqəti içəridəkilərin bir neçəsi bilirdi və
həmin adamlar vəcdə gələn Migeli birtəhər sakitləşdirir-
dilər. Qoca səyyah isə məyus halda başını aşağı salıb
replikalara əhəmiyyət vermirdi. Bu yığıncağa ağsaqqallıq
edən kapitan Xuan ayağa qalxıb, bütün söz-söhbətə son
qoymaq üçün qururla dedi:
- Mən sizi sakitliyə riayət etməyi çağırıram. Xahiş
edirəm, deyilən sözlərə fikir verəsiniz. Şəxsən mən
hinduların heç birisini özüm üçün ciddi rəqib saymıram.
Valdiviya isə doğrundan da İspaniyanın xeyri üçün çox
işlər görüb. İnklərin imperiyasının fəth edilməsində şəxsən
124
Valdiviyanın böyük rolu olub. İndi isə qulaq asın,
Valdiviya Migel Kartahenanın doğma babasıdır.
Bu gözlənilməz xəbər hamını mat-məəttəl qoydu. Migel
mərhum səyahətçi Pedro Valdiviya ilə qohum idi. Bununla
da heç kim Valdiviyanı bir daha yada salmağa ürək etmədi.
Necə olsa da Migel də himin ekspedisiyanın iştirakçısı
sayılırdı.
- Sinyor Kartahena, məsləhətinizə görə çox sağ olun, -
deyə kapitan Xuan birbaşa qoca səyyaha öz minnətdarlığını
bilirdi. - lakin axırıncı məqamda son fikrinizi bildirsəydiniz
pis olmazdı.
- Mən sizə araukanlar barəsində əsl həqiqəti söylədim, -
deyə qoca səyyah təmkinlə dilləndi. – siz isə bütün bunları
qulaq ardına vurursunuz. Sizlər nizam-intizama riayət
olunmasa, hamınız məğlubiyyətə düçar olacaqsınız. Buna
baxmayaraq, mən ən əziz nəvəmə sizin ekspedisiyanızda
iştirak etməyinə icazə vermişəm. Halbuki Mərkəzi Çilidə
mən çoxlu yaxın qohumlarımı itirmişəm. Bilirsiniz, bu
gecəni mən fikirdən demək olar ki, heç yatmamışam. Siz
Mərkəzi Çiliyə yola düşsəniz, mən bu evdə özümə yer
tapmayacam. Hamı bilir ki, mən altmış yaşına kimi məşhur
dəniz səyyahları ilə birlikdə müxtəlif ekspedisiyalarda
iştirak etmişəm. Sizdən bircə xahişim odur ki, keçmiş dəniz
səyyahına sizin ekspedisiyada iştirak etməyə icazə verə-
125
siniz. Mən bir müşahidəçi kimi bu ekspedisiyada iştirak
etmək istəyirəm. Mərkəzi Çili sahillərində mənim sizə xeyli
köməyim dəyə bilər.
Bir dəqiqə, bir dəqiqə, xahiş edirəm sözümü kəsməyin.
Mənim bir xahişim də var. Çoxlarının tanıdığı coğrafiya-
şünas Bartolomeu Salvatyero da bu ekspedisiyada iştirak
etmək və bu ekspedisiyanın xronikasını yazıb Seviliyada
çap etdirmək istəyir.
Bu təklif çoxları üçün gözlənilməz idi, bəzilərinə isə bu
təklif gülməli göründü. Təəccübdən hətta Migelin gözləri
bərələ qaldı. Dostları da fəhimsizlikdən yerlərində donub
qaldılar. İlk növbədə kapitan Xuan dilləndi:
- Mən başa düşürəm ki, sizin bu təklifiniz ciddi deyil.
Bu yaşda ağır bir ekspedisiyada iştirak etmək aqlasığmaz-
dır.
- Bu heç də zarafat deyil, - deyə qoca səyyah qətiyyətlə
dilləndi. - yaşımın doxsan olmasına baxmayaraq, bu
ekspedisiyada iştirak etmək üçün məndə böyük enerji var.
Mən hökmən bu ekspedisiyada iştirak etməliyəm. Yoxsa,
mən dərddən bu dörd divar arasında ölərəm. Bilirsiniz,
məni araukanların aqibəti maraqlandırır. Bəlkə, doğrundan
da biz bu dəfə araukanları məğlub edəcəyik. Hə, nə oldu,
məni bir müşahidəçi kimi ekspedisiyaya qəbul edirsiniz, ya
yox?
Dostları ilə paylaş: |