154
çamaata böhtan atmasın. Mənim elə əvvəldən ondan zəh-
ləm gedirdi. Ancaq onun bu qədər alçaq olduğunu heç
təsəvvürümə belə gətirmirdim. Görünür, o, nakişi məni
yaxşı tanımır.
- Sinyor, mənə görə başınızı cəncələ salmayın və
ağrımayan başınızı ağratmayın. - deyə Florida məyus halda
başını tərpədərək, ikrah hissi ilə dilləndi. - Yaxşısı budur,
Karlosla ədavət aparmayın. Öz həyatınızı təhlüklə altına
qoya bilərsiniz. Mən isə istəmirəm ki, sizə bir şey olsun.
Çünki siz hələ öz məqsədinizə nail olmamısınız.
- Sinyorita, mən dedim ki, Karlos öz alçaqlığına görə
hələ cavab verməli olacaq, - deyə Migel qətiyyətlə dilləndi
və sağ əli ilə alnının tərini silib təmkinlə sözünə davam
etdi. – indi isə xahiş edirəm öz yerinizdə əyləşəsiniz. Sizin
gedişiniz məni pis vəziyyətdə qoyur.
Migel istər-istəməz Floridanı bu vəziyyətdə otaqdan
buraxmaq istəmirdi. O, çox həyəcanlı və keçmiş yunqadan
narazı idi. Karlos isə onun zəifliyindən istifadə edərək, qızı
ələ keçirməkdən ötrü, Migelin boyuna olmazın böhtanlar
atmışdı. Yazıq qız isə bilmirdi ki, o, nə yuvanın quşudur.
Sözsüz ki, Florida çox qəşəng bir qız idi və hər bir
adam ona vurula bilərdi. Lakin onun artıq on səkkiz yaşı
vardı. Bu yaşa kimi ərə getməmək çox müəmmalı idi.
Zadəgan ailəsində qız ən uzağı on üç-on dörd yaşlarında ərə
155
getməli idi. İndiki zaman cavan qızlar üçün ağır zaman
sayılırdı. Cavanların əksəriyyəti ad-san qazanmaq və şan-
şöhrət əldə etmək üçün İberiya sahillərini tərk edib Yeni
Dünyaya can atırdılar. Ölümdən qorxmayan hər bir adam
öz taleyini okeanın o tayında sınamaq istəyirdi. Bütün
bunların əzəb-əziyyətini isə cavan qızlar çəkirdi.
Florida o qədər də balaca və dolu bədəni olmayan,
yumrusifət, gözəl bir qız idi. Qəhvəyi rəngli seyrək saçı
qabaqdan qalın olmayan qaşının üstünə, arxadan isə çiyinə
tökülmüşdü. Onun nazik balaca burnunun ucu dik idi, ağzı
o qədər də yekə deyildi, alt dodağı üstəkindən bir balaca
enli, gözləri isə nazik (şərqi Asiyada yaşayanların gözünə
tam olmasa da oxşarlığı vardı) idi. Bir sözlə, bu qızda təbii
gözəllik vardı.
- Sinyor Migel, qoy siz deyən olsun, mən burada bir az
da qalaram, - deyə Florida təşəxxüsslə dilləndi və divanda
əyləşərək qətiyyətlə sözünə davam etdi. - Sizdən artıq
dərəcədə xahiş edirəm, Karlosla heç bir işiniz olmasın. Belə
olan halda mən pis vəziyyətdə qalaram. O dəqiqə biləcək
ki, bu sözləri mən sizə çatdırmışam. Köhnə dostluğumuz
naminə onunla işiniz olmasın. Bu yaxşı nəticə verməz.
Eşitdiyimə görə onun atası Barselonada böyük adamdır.
Kral II Filipplə şəxsən tanışdır. Sinyor, sizdən artıq dərəcə
xahiş edirəm, mənə su gətirin.
156
Migel heç bilmirdi qıza nə cavab versin, lakin qızın
çöhrəsindəki kədəri görüb ona itaət oldu. Su gətirənə kimi
o, hər şeyi öz-özünə götür-qoy edə bilərdi. Bircə şey aydın
idi ki, Karlos qızın başını aldadıb onu ələ almaq istəmişdi.
Dəhlizlə çıxıb mətbəxə getmək istəyirdi ki, burada İlona ilə
rastlaşdı və tərəddüd etmədən təmkinlə dedi:
- Sinyorita, bacınız yaman dəyişibdir. Ondan muğayat,
olun. Deyəsən o, Karlosun şirin vədlərinə aldanıb?
- Mənim isə Karlos haqqında fikrim tam başqadır. -
deyə İlona tərəddüd etmədən cavab verdi və şıltaqlıqla
gülümsəyib giley-güzarla sözünə davam etdi. - Karlos elə
ilk baxışdan Floridaya vurulub və bütün bunları bacıma
açıb danışıb. Mənə elə gəlir, burada qəbahət bir iş yoxdur.
- Deməli, Karlos öz məhəbbətini Floridaya açıqlayıb? -
deyə Migel vəcdə gələrək təşvişlə dilləndi və dəhşətdən
özünü saxlaya bilməyib sözünə davam etdi. – O, yaramaz
lap həddini aşıb. Onun Barselonada eşqi-namə söyləmədiyi
sinyora qalmayıb. O, bütün qızların başını şirin vədlərlə
aldadıb ələ keçirir. Daha mənim ona sözüm yoxdur.
Bacınıza izah edin ki, Karlos bütün Barselonada qızbaz
adam kimi tanınır və ən böyük yalançıdır.
- Bu barədə mən bacımın qarşısında gücsüzəm. - İlona
laqeydliklə dilləndi. - Bunu siz özünüz izah edə bilərsiniz.
157
Bu sözlərdən sonra İlona Migeldən uzaqlaşdı. Keçmiş
yunqa isə ağır xəyala dalaraq mətbəxə yollandı. Karlosun
alçaq hərəkəti onu hiddətləndirmişdi.
O, kətildə əyləşib öz-özünə düşünməyə başladı: Deməli,
o, vicdansız Floridanı yalan vədlərlə ələ keçirib? Qız da ki,
hamıya etibar etdiyindən ona da inanıb. Yox, mən bu işi
belə qoya bilmərəm. Yoxsa, o, Floridanı bədbəxt edib adına
ləkə gətirəcək. Karlos qırmızı adamdır. O, bunu edib sonra
isə Mərkəzi Çiliyə yollanacaq. Deyirəm axı, qız niyə belə
dilxordur? Mənə görə inamını itirib. Məhz buna görə də bu
cür səhvə yol verib, halbuki qız bu günə kimi mənə ümid
bəsləyirdi. Necə olsa da, biz bir neçə il bir-birimizlə
yaxından dostluq etmişik. Qızın məndən xoşu gəlir, kim
bilir, bəlkə də o, mənə vurulub. Lakin, bütün bunlara
baxmayaraq, mən onu bu biabırçılıqdan qurtarmalıyam.
Bunun iki yolu var: ya Karlosun qarşısını kəsib onu bu
yoldan çəkindirməyə çağırmalı, ya da ki, qız ilə gündəlik
ünsiyyət saxlayıb onu özümə bağlamalıyam. Məcburiyyət
qarşısında qalıb ona deyərəm ki, ekspedisiyadan qayıdana
kimi məni gözləsin. Belə çıxır ki, mən cavan vaxtımda
evlənməliyəm. Bu ki, mümkün deyil. Mən hələ öz məqsə-
dimə nail olmamışam. Səyyah olmaya-olmaya mən heç
cürə evlənə bilmərəm. Heç bir həyat yoldaşı uzun müddət
ərinin yolunu intizarda gözləyə bilməz. Onun ürəyi ayrılığa
Dostları ilə paylaş: |