166
bərpa olundu. Onun qardaşı isə həmin gəmidə həkim
vəzifəsində çalışırdı. Bir sözlə, onlar Migel ilə birlikdə bu
ekspedisiyada iştirak edəcəkdilər.
Migel dostunu görən kimi üzündəki həyəcan hissini
gizlətmək istədi. O, Ameriqo ilə görüşüb skamyada əyləşdi
və başını aşağı salıb dostunun vəziyyətini soruşdu. Ameri-
qo gərək uşaq olmalı idi ki, dostunun üzündəki qəribə
cizgiləri görməsin. Artıq ona xəbər çatmışdı ki, dünən,
Florida öz valideynləri ilə birlikdə bu evdə olub. Deməli,
Migelin həyəcanlanmasının əsas səbəbkarı ya Florida, ya
da ki, onun barəsində gedən söhbətlər olub. Başqa cürə
Migeli heç bir şey həyəcanlandıra bilməzdi, ona görə ki,
Ameriqo dostunun xasiyyətinə çox yaxşı bələd idi. O,
Migelin yanında əyləşib ehtiramla onun sağ əlindən tutdu
və yavaşca sıxaraq təmkinlə dedi:
- Migel, mən özümü çox yaxşı hiss edirəm və işlərim də
çox yaxşı gedir. Kapitan Markos Atlantik okeanı keçməkdə
mənə böyük ümid bəsləyir və açığını desəm, səni gəminin
vitse-kapitanın təyin etməklə, məhz səninlə fəxr etdiyini
bildirir. Sən özün çox gözəl bilirsən ki, yalnız qohum öz
qohumuna bu cür hörmət bəsləyə bilər. Necə olsa da, sənin
iyirmi yaşın var və sən bu iş üçün hələ çox cavansan.
- Sən elə danışırsan ki, guya sənin qırx yaşın var və bu
işdə sənin böyük təcrübən var. - deyə Migel gözlənilmədən
167
kobud halda dilpəndi və yenə də Ameriqoya nəzər salma-
dan sözünə davam etdi. - Sənin də iyirmi yaşın var, lakin
sənə o cür məsuliyyətli bir iş tapşırılıb. Başa düşürsən,
gəminin bütün taleyi sənin əlindədir?
- Gəminin taleyi mənim əlimdə olsa belə, mən də bütün
komanda kimi sənə tabeyəm, - deyə Migelin kobud sözləri-
nə əhəmiyyət verməyən Ameriqo elə həmin tərzdə dilləndi
və kefini pozmadan təmkinlə sözünə davam etdi. - sən
kapitandan sonra ikinci adam sayılırsan. Migel, mən sənə
ürəkdən deyə bilərəm ki, sənin bu vəzifəyə təyin edilməyin
məni çox sevindirir. Bütün bu təyinatlarda biz öz təşək-
kürümüzü yalnız və yalnız kapitan Markosa bildirməliyik.
Sən bilirsən, o, gəmidəki əksər vəzifələri cavan kadrlara
paylayıb və bununla da ekspedisiyada bir növ eksperiment
aparmaq istəyir. Biz “Destino”nu “Vanquardia”dan yaxşı
idarə etməliyik. Bir sözlə, kapitan Markos bizim kimi
cavanlara bu cür məsuliyyətli iş tapşırmaqla, İspan hərbi
dəniz donanması üçün yeni kadrlar yetişdirir. Kapitan
Markos kimi adam üçün, hətta canımdan keçməyə hazıram.
- Kapitan Markos elə bir addım atıbsa, onda mən də
sənin təklifinlə şərikəm. - deyə Migel başını qaldırıb
müəmmalı şəkildə bu cümləni vurğuladı.
Bu dəfə Ameriqo dəqiq gördü ki, Migelin bənizi yaman
dəyişib və o, özünü hansı səbəblərə görə isə pis hiss edir.
168
Məhz bunun üçün də keçmiş yunqa köhnə dostu ilə bu cür
kobud tərzdə söhbət edir. Ameriqo indiyənə qədər o, Migeli
belə vəziyyətdə görməmişdi. Onun başına nə gəldiyini
soruşanda, Migel əvvəlcə boyun qaçırmaq istədi, ancaq
Ameriqo bir dost kimi təkid edəndən sonra o, məcburiyyət
qarşısında qalıb qeyri-müəyyən tərzdə dedi:
- Bilirsən Ameriqo, heç özüm də bilmirəm, mənə bu
gün nə olub? Bütün gecəni qəribə yuxular görmüşəm.
Qorxuram ki,.. Eh nə isə. Ancaq əvvəlcə səndən bir şey
soruşmaq istəyirəm. Etişdiyimə görə sən kapitan Markosun
kiçik qızı Florida ilə yaxından tanış idin? Bəs, hansı
səbəblərə görə sən ondan ayrıldın? Əgər, mümkündürsə
bütün bunları mənə izah et. Bilmək istəyirəm qız özü
səndən əl çəkib, yoxsa sizin aranızda nə isə qeyri-adi bir
hadisə baş verib?
- Nə deyirəm ki, bir dost kimi sənə izah edirəm, - deyə
Ameriqo bir az tərəddüd edəndən sonra qeyri-ixtiyari tərzdə
dilləndi və başını məyus halda tərpədərək, dərindən köksü-
nü ötürdü. - açığını desəm, Florida mənim birinci məhəbbə-
tim sayılır. Bir adam bizim aramıza girməmişdən əvvəl
mən onu bərk sevirdim. Bilirsən, Florida kimi füsünkar və
ecazkar bir qızla yaxından dostluq etmək, hökmən gətirib
amansız məhəbbətə çıxarmalı idi. Lakin bütün bunlara
baxmayaraq, bizim aramızda heç bir şey olmayıbdır.
169
Sadəcə olaraq, bir dəfə təsadüf nəticəsində onun üzündən
öpmək mənə nəsib olmuşdur. Elə həmin öpüşdən sonra
Florida məndən incidi və bu zaman bizim aramıza Barselo-
nalı leytenant Karlos girdi. Sən onu çox yaxşı tanıyırsan.
Migel təqdiredici tərzdə başını tərpətdi. - Başa düşürəm, o,
qıza məndən nələr dedi-demədi, Florida birdəfəlik məndən
əl çəkdi. Hətta iş elə gətirdi ki, Karlos bir neçə dəfə mənə
hədə-qorxu gəlmək istədi, lakin buna nail ola bilmədi.
- Mən bilmək istəyirəm, Florida səni sevirdi, ya yox? -
deyə Migel dəqiqliklə soruşdu. - Ancaq xahiş edirəm,
düzünü söylə.
- Yox, sevməyinə o, məni sevmirdi. - Ameriqo tərəddüd
etmədən dilləndi.
- Onda belə çıxır ki, qız boş-boşuna vaxtını keçirirdi? -
deyə Migel başını məyus halda yellətdi.
- Başa düşürsən Migel, Florida çox nəcib və sadəlövh
insandır. - deyə Ameriqo çox səmimi dilləndi və daxilin-
dəki yorğunluğu və nigarançılığı dəf etmək üçün ayağa
qalxaraq həmin tərzdə sözünə davam etdi. - Çox vaxt nə
deyirsən o, həmin şeyə inanırdı. Hətta Karlos ilə görüşən-
dən sonra da, onda mən məhəbbət hisslərini duymadım. O,
mənimlə görüşə-görüşə fikri tamam başqa yerdə idi. Mənə
elə gəlirdi ki, kimi isə ürəkdən sevir və bu sirri öz daxilində
gizli saxlayırdı. Soruşarsan ki, bəlkə o, Karlosu sevirdi?
Dostları ilə paylaş: |