1 Ramiz Də
Yüklə 2,51 Mb. Pdf görüntüsü
|
170 Qətiyyətlə etiraf edirəm ki, yox. Ona görə ki, o vaxtlar onlar bir-birlərini heç tanımırdılar da. Elə tanıyandan sonra da başa düşmək olardı ki, Floridanın Karlosdan zəhləsi gedir. Artıq bundan sonrakı ifadələri Migel eşitmirdi, çünki, o, vacib olan sözləri eşidəndən sonra ağır xəyala dalmışdı: Deməli, Florida nə Ameriqonu, nə də ki, Karlosu sevirdi. O, heç kimə məlum olmayan üçüncü bir şəxsi sevir. O da ki, sual altında qalır. Qızın daxilindəki hissləri təyin etmək çətindir. Çünki sirr kimi olan söz onun daxilində qalırsa, deməli, həmin həqiqəti özündən başqa ikinci bir şəxs bilməzdi. Bəs, görəsən Karlos neçə müddət idi ki, Floridanı tanıyırdı? Əgər, Florida nəcib bir adamdırsa, onda (uzun müddət keçibdirsə) o, özünü Karlosa çoxdan qurban vermiş olurdu. Karlos Florida kimi nəcib, sadəlövh, yrəyiyumuşaq və hər şeyə inanan adamları çox asanlıqla yoldan çıxarırdı. Bir-iki sorğu-sualdan Migelə bəlli oldu ki, altı aya yaxındır ki, Karlos Florida ilə tanışdır. Bir dəfə elə olub ki, Ameriqo kapitan Markosun evinə gedəndə, Karlosu qızı qucaqlayan yerdə görmüş və bu səhnədən sonra qızdan birdəfəlik əl çəkmişdir. Lakin onu da izah etdi ki, Karlos qızı zor gücünə qucaqlayırdı. - Migel, xeyir ola, sən məndən Florida haqqında soruşursan, olmaya sən qıza vurulmusan? deyə Ameriqo
171 gözlənilmədən müəmmalı tərzdə soruşdu. - Məgər, hər hansısa bir qız haqqında məlumat topla- maq, həmin qıza vurulmaq deməkdir? - deyə Migel qeyri- müəyyən tərzdə dillənərək dəqiq cavab verməkdən boyun qaçırdı. Ameriqo bir daha sualını təkrarladı, lakin Migel bu dəfə də dəqiq cavab verməkdən boyun qaçırdı. Elə bu dəmdə çəpərin ağzında eşidlən atın tappıltısı həyətin qapısının ağzında dayandı. Kimin gəldiyini bilmək üçün Migel cəld çığıra tərəf çıxdı və orada Osvaldonu gördü. Osvaldo atının yüyənini Sançosa tapşırıb cəld Mdostunun yanına gəldi. Osvaldo elə Migeli boyda idi. Orta bədənli, çevik hərəkətli, enlikürək ciddi sifətli bir adam idi. Qara qalın saçları çiyninə tökülmüşdü. Sifətində qalın saqqal vardı. O, Migeldən iki-üç yaş böyük idi. Osvaldonun təvazökar bənizində həm sevinc, həm də, həyəcan hisslərini görmək olurdu. Sevinc hissi ona görə idi ki, o, gözəl qızla görüşdən gəlirdi, həyəcan hissi isə həmin görüşdə nəsə, fövqaladə bir hadisə baş verdiyindən xəbər verirdi. Migel cəld ondan nə baş verdiyini soruşdu. Osvaldo da əlindəki dəsmal ilə üzünün, alnının və boynunun tərini silə-silə yavaş səslə dedi: - Eh Migel, Migel. Sən çox səhlənkar adamsan. İndicə İlonanın yanından gəlirəm. Yaramaz Karlos da orada idi.
172 Bilirsən, Florida ilə evin içərisində təklikdə söhbət edirdi- lər. İş ondadır ki, Florida onunla görüşmək istəmir. Ancaq Karlos sırtıqlığına salıb həmin evin qapısını kəsdirir. İlona isə mənə dedi ki, sən Floridanın xoşuna gəlirsən. İstəyir ki, siz bir-birinizlə yaxından dost olasınız. Dünən Florida səndən yalnız müsbət cavab gözləyirdi. Sən isə utandığın- dan onunla açıq söhbət edə bilməmisən. İş o yerə çatıb ki, qız səndən inciyərək narazı halda evi tərk etmişdi. Əgər, sən bu günlərdə ürəyini açıb Floridaya söyləməsən, onda qız əbədi olaraq öz varlığını Karlosun ixtiyarına tapşırmalı olacaq.
- Osvaldo sən elə danışırsan ki, guya mən Floridanın bir neçə aydır ki, sevirəm. - deyə Migel çiyinlərini çəkərək dilləndi
və ətrafa ötəri nəzər salaraq astaca sözünə davam etdi. - Bəlkə, Floridanın özü belə fikirləşir? - Heç kim demir ki, sən Floridanı sevirsən. - deyə Osvaldo dilləndi və dostunu başa salmaq üçün aludəliklə sözünə davam etdi. - Siz bir neçə il bundan əvvəl bir- birinizlə möhkəm dost olmusunuz və həmin dostluq yenə də bərpa olunmalıdır. Yoxsa, qız bədbəxt olar. İlonanın utandığından və bacısının qəribə hərəkətlərindən mənə elə gəlir ki, Florida səni sevir və öz həyatını səninlə bağlamaq istəyir.
173 Bu sözlərdən sonra Migelin ürəyi daha da möhkəm döyünməyə başladı. Gözlərinin bəbəklərində isti buxar dumanlandı. Ameriqonun dediyinə görə Florida tamamilə başqa bir adamı, Osvaldoya isə elə gəlir ki, qız Migeli sevir. Bunun isə dəqiq cavabını o, Florida ilə olan növbəti görüşündə öyrənə bilərdi. Bu cür oyunlara isə girmək həddindən artıq risq tələb edirdi. Yuxarıda deyildiyi kimi hələlik Migelə heç bir məhəbbət lazım deyildi. Lakin hər dəfə qızın adı çəkiləndə o, ürəyi ilə bacara bilmir və istər- istəməz onun gözləri önündə Florida canlanırdı. Yenə də Migel bütün bunlara heç bir əhəmiyyət verməzdi. Ancaq o, dələduz və sırtıq Karlosun adını Floridanın adı ilə bir yerdə eşidəndə cin atına minir və əsəb gərginliyindən özünə yer tapmırdı. Karlosun yerinə başqa bir adam olsa idi, Migel onların məhəbbətinə heç bir əhəmiyyət verməz və əksinə hər ikisinə xoşbəxtlik arzulayardı. Karlos isə alçaq və vicdansız olduğundan Migel dəqiq bilirdi ki, Florida gec- tez bədbəxt olacaq. Ona görə də məcburiyyət qarşısında qalan Migel qızı Karlosun pəncəsindən qurtarmaq üçün qəti tədbirlərə əl atmalı idi. Bunun üçün bir kənarda əyləşib yalnız bu haqda fikirləşmək lazım idi. Migel üzünü dostuna tutub təmkinlə dedi: - Əlbəttə ki, bunların hamısı həqiqət deyil, yalnız fərziyyələrdir. Lakin bütün bunlara baxmayaraq, səndən
Yüklə 2,51 Mb. Dostları ilə paylaş:
|