1 Ramiz Də
Yüklə 2,51 Mb. Pdf görüntüsü
|
182 da ədəb-ərkanla bilirdi ki, nə kapitan, nə də ki, evin yiyəsi evdədir. Migel daha bilmirdi nə bəhanə gətirsin. Həyətdə də heç kimi görmək olmadı. Halbuki evin qapısı ilə həyətin qapısı arasındakı məsafə az idi. İndi günorta yeməyinə çox az qalırdı. Görünür, hamı içəridə idi. Özündən asılı olma- yaraq, Migel qulluqçudan su istədi. O, da qulluğunu yerinə yetirmək üçün evə yollandı. Elə qulluqçu içəri girmişdi ki, birdən qapının ağzında cavan bir qız göründü. Bu, İlona idi. O, atlını görən kimi cəld ona tərəf gəlib, salamlaşandan sonra ehtiramla dedi: - Yaxşı ki, siz özünüz buraya gəlmisiniz. Siz bizə lazımsınız. - Bu nə sözdür sinyorita, mən həmişə sizin qulluğu- nuzda hazıram. - deyə Migel ədəb-ərkanla dilləndi və tərəddüd etmədən atın belindən yerə endi. - Bilirsiniz, sizin köməyiniz bizə lazımdır. - İlona evə tərəf gedə-gedə sözə başladı. - Florida özünü Barselonada pis hiss edir. O, Seviliyaya getmək istəyir. Əgər, atam razılığını bildirsə, onda onu Seviliyaya aparmaq lazım olacaq. Onlar balaca otağa gəlib çıxdılar. Bu otağın əks qapısı birbaşa həyətə açılır və buradan həyətin bağına çıxmaq olurdu. İlona başa saldı ki, Floridanın indi yataq otağı, bu otaq ilə bitişikdir. Migelə aydın oldu ki, onlar nə üçün
183 maneəsiz olaraq gecə vaxtı oğlanlarla görüşə bilir və bundan nə atasının, anasının, nə də ki, ev sahibinin xəbər olur. Elə bu otağın özündə də görüş təyin etmək olardı. İlonanın söhbətindən məlum oldu ki, özü, atası Mərkəzi Çili sahillərinə yola düşənə kimi Barselonanı tərk etmək istəmir. Bu fikir yalnız məlum hadisələrdən sonra İlonanın beynində canlanmışdı. Deməli, Florida inadkarlıq göstərsə, onda Migel hökmən hər iki bacını Seviliyaya aparmalı idi. Bəlkə də keçmiş yunqanı görəndən sonra qız həmin fikri başından atmalı olacaq? Nəyin bahasına olursa-olsun, Migel qızı bu fikirdən döndərməli idi. Çünki səyahətə yola düşməyə çox az vaxt qalır və bu günlərdə o, rahatca dincəlməli idi. Düzdür, Floridanı aparıb Seviliyaya qoya bilərdi, ancaq dincəlmək üçün onun demək olar ki, vaxtı qalmayacaqdı. Bir sözlə, Migel Floridanı bu fikirdən döndərməli idi. Nədənsə, qız Migelin yanına gəlməyə tələsmirdi. Onu başa düşmək olardı: yuxudan durunca, üst- başını səliqəyə salıb üzünü kosmetika ilə bəzəmək və sinəsinə xoş qoxulu ətir səpmək üçün, lazımi qədər vaxt keçməliydi. O vaxta qədər İlona da bu otağa gəlmədi. Deməli, o, yenə də Migel ilə Floridanı təklikdə bu otaqda qoyacaqdı. İndi isə Migeli bir şey maraqlandırırdı, Florida ilə söhbəti hansı mövzuda aparmaq lazımdır?
184 Nə az, nə çox, düz bir saatdan sonra Florida otağın girəcəyində peyda oldu... Migel ilə salamlaşmağına baxma- yaraq, qız utandığından başını qaldıra bilmədi. O, Karlosun dünənki hərəkətlərinə görə xəcalət çəkirdi. Qız dəqiq bilirdi ki, Osvaldo dünənki münaqişəni bütün təfsilatı ilə dostuna çatdırıb. Migel bir balaca da olsun, qızın üzünü görə bilmir- di. Qız başını aşağı saldığından seyrək saçları gözlərinin üstünə tökülmüşdü. Elə ilk növbədə Migel sırtıqlıq edib Floridaya öz yanında oturmağı təklif etdi. Onsuz da qız həyəcan içində idi və belə bir məqamda kiməsə ümid bəsləmirdi. Florida da heç bir etiraz etmədən gəlib düz Migelin yanında əyləşdi. Onların arasında müvvəqəti olaraq sükut yarandı. Nə Migel, nə də ki, Florida cürət edib danışa bilirdi. Qız utanığından, oğlan isə bilmirdi nədən başlasın. - Sinyorita, görürəm ki, siz özünüzü pis hiss edirsiniz? deyə Migel nəhayət cürət edib söhbətə başladı. - Artıq mən sizin kədər və dərdinizdən agaham. İstəyirsiniz, mən həmin binamusa yaxşıca dərs keçim? - Sinyor, yaxşısı budur, bir daha bu mövzuya qayıt- mayaq. - deyə Florida yenə də Migelin üzünə baxmadan etirazını bildirdi və həmin tərzdə sözünə davam etdi. - Mən Seviliyaya evimizə qayıtmaq istəyirəm. Barselonanın ab- havası mənə çox soyuq göründü.
185 - Sinyorita, mənim fikirimcə atanız yola düşənə kimi siz Barselonada olmalısınız. - deyə Migel qəti olaraq Florida ilə razılaşmadı. - Əgər, Karlos sizə bu işdə mane olursa, mən hər gün sizi mühafizə etməyə hazıram. Necə olsa da, bizim əvvəlki dostluğumuz hələ də möhkəmdir. Florida bu dəfə heç bir söz demədi. Ona görə ki, Migelin etdiyi təklif onun ürəyindən idi. Bu sükutdan Migel canlandı və onun üzündə təbəssüm sezilməyə başladı. O, ürəklənib cəsarətlə dedi: - Sinyorita, siz Barselonada qalsanız, nəinki atanız üçün, həm də bir çoxları üçün xoş olardı. Mən sizin yanınızda olsam, heç bir mərdimazar, sizin xətrinizə dəyə bilməz. Heç kim bir şey şübhələnməsin deyə, mən hava qaralanda buraya gəlim. Əgər, siz cavab vermirsinizsə, deməli, mənim fikrim ilə razısınız. İstəmirsinizsə, mən çıxıb gedə də bilər və bir daha buralarda görünmərəm. Mən sizin hər bir xahişinizi yerinə yetirməyə hazıram. Bu sözlər qızın ürəyindən idi. Sanki çiynindən ağır bir yük götürüldü. Onun daxilində sakitlik və sevinc hissi yarandı. Nəhayət o, ürək edib başını qaldırdı. Floridanın nazik gözlərinin altı azacıq şişmiş, gözlərinin içi isə qızırmışdı. Söz yox ki, o, bütün gecəni Karlosun alçaq hərəkətlərinə görə ağlamışdı. Elə Migel gələnə qədər Florida kədər və mənəvi sıxıntı içərisində idi. Bununla
Yüklə 2,51 Mb. Dostları ilə paylaş:
|