94
çiçəklə dolu geniş bağçanı gəzərək həmin gözəllikdən həzz
almaqda sərbəst idi. Bu zala daha iki otaq birləşirdi: onların
biri istirahət otağı idi, o birində isə kim istəsə bir-biriləri ilə
rahat söhbət edə bilərdilər. Qonaqları bütün bunlarla tanış
etmək üçün evdə ayrılmış xüsusi qulluqçular, topa-topa
dayanmış adamlara yaxınlaşıb, onlara qısaca izahat verir-
dilər. Kimin ürəyi nə istəyirdisə, həmin şeydən də istifadə
edə bilərdi. Şənlik və buradakı hər bir şərait yaxşı təşkil
olunmuşdu.
Birdən-birə zala müəyyən sakitlik çökdü. Hamı nəzərini
zalın qapısına tərəf yönəltdi. İçəriyə bir zabit daxil oldu və
Migelgilə nəzər salan kimi onlara tərəf yeridi. Migel dərhal
həmin zabiti tanıdı. Bu, Barselonanın ən nüfuzlu adamların-
dan biri olan polkovnik Alonso odovaldo de Kamaço idi.
Alonsoya heç ortaboy da deyildi, o, bir balaca alçaqboy,
ortabab bədənli, fiziki cəhətcən möhkəm, gözəl görünüşü
olan, qırx yaşlı ciddi baxışlı bir adam idi. Onun balaca
burnu, kiçik ağzı, nazik dodaqları, böyük olmayan gözləri
bənizinə xususi gözəllik verirdi və o, belə bir xarici
görünüşü ilə hər bir sinyoraya xoş gələ bilərdi. Vəzifəsinin
bu qədər yüksək olmasına baxmayaraq, o, özünü çox sadə
aparır və hər bir zadəganla xoş rəftar edirdi. Onun həm
Katalon hersoqunun, həm də İspaniya kralının yanında
böyük hörməti vardı. Alonso on səkkiz yaşından Niderland-
95
da inqilabçılara qarşı böyük fədakarlıqla döyüşmüşdür.
Onun, Niderlandın canişini tanınmış hersoq Alba Ferdi-
nand Alvares de Toledonun yanında həddindən artıq böyük
hörməti olmuşdu. 1571-ci ildə türklərə qarşı Lepanto
döyüşündə iştirak etmişdi. O, 1580-ci ildə vətənə qayıtmış
və bir də Antverpenin alınmasında (1585) iştirak etmişdi.
“Məğlubedilməz armada”nın tərkibində (1588) Qravelin
döyüşündə ingilislərə qarşı xüsusi fədakarlıqla döyüşərək
həmin döyüşdən güclə salamat çıxmışdır.
Migel elə bilirdi ki, Alonso qardaşına görə bu masaya
yaxınlaşır. Həqiqətdə isə o, keçmiş dəniz səyyahına görə
onlara yaxınlaşmışdır. Migel keçmiş ustadını görən kimi
ruhlandı. Polkovnik yaxınlaşan kimi o, mərhəmətlə keçmiş
ustadına təzim edir və onu salamlayaraq ehtiramla dedi:
- Möhtərəm sinyorlar, polkovnik don Alonso Odovaldo
de Kamaço.
Qoca səyyahdan başqa hamı ayağa qalxıb onu salamla-
dılar. Vəziyyəti belə görən qoca səyyah idalqoya xoş nəzər
salıb ayağa qalxmaq istədi, lakin polkovnik əlini onun
çiyninə qoyub nəzakətlə dedi:
- Sinyor Kartahena, bircə o qalmışdı ki, siz də mənim
qarşımda ayaq üstə qalxasınız. İlk növbədə, mənim xahişi-
mi və dəvətimi qəbul etdiyiniz üçün sizə öz minnət-
96
darlığımı bildirirəm, həqiqətən də sizin gəlişiniz mənim
ürəyimi açdı.
- Don Alonso, iltifatınıza görə çox sağ olun, ancaq məni
çox tərifləməyin, yoxsa qanad açıb bu işıqlı zalda uçmağa
başlayaram. - nadir hallarda sevinən qoca səyyahın üzündə
təbəssüm sezilirdi, o, ehtiramla baş əyib sözünə davam etdi.
– Açığını desəm, mən də sizi görməyimə çox şadam.
Yaxşıdır ki, sizin kimi komandanlar hələ də İspaniyada var
və hər bir cəngavər və döyüşçü sizin kimi sərkərdə ilə fəxr
edə bilər. Don Alonso, bilirəm ki, siz təvazökar adamsınız.
Lakin yadda saxlayın ki, bu tərif deyil, sadəcə olaraq, əsl
həqiqətdir ki, mən sizə söylədim. Sözsüz ki, hamı bu
fikirdədir.
- Sinyor Kartahena, bu tərifinizə görə sizə təşəkkürümü
bildirirəm. - deyə polkovnik dilləndi. – Həqiqətən də sizin
gəlişiniz mənim ürəyimdən oldu.
- Don Alonso, mən öz sözlərimin üstündə dururam, -
deyə qoca səyyah üzünə ciddi ifadə verib və sağ qaşını
qaldıraraq təmkinlə sözünə davam etdi. – bilirsiniz, mən bir
çox şəxsiyyətlərlə oturub-durmuş və onlarla bir çox
səyahətlərdə iştirak etmişəm. Ən çox xətrini istədiyim
adam isə, adı tarixə düşmüş məşhur dəniz səyyahı, təcrü-
bəli, bacarıqlı dənizçi və qorxmaz adam olan Fernan
Magellan olub. Siz öz hərəkətlərinizlə, mənə onu xatırla-
97
dırsınız. Nə vaxt sizi görürəmsə, həmin anda mərhum
Fernan Magellan gözümün qabağında durur. Siz dəniz
səyyahı olsaydınız, çoxdan bütün Avropada ad çıxarardınız.
Çox təəssüflər olsun ki, siz həyatınızı hərbi xidmətə
bağladınız. Çox təəssüflər.
Bu sözlərdən sonra polkovnik ağır xəyallara daldı.
Birdən-birə tarixin köhnə səhifələri onun gözlərinin
qabağında vərəqləndi. Müəyyən mənada polkovnik öz
keçmişindən narazı idi. Bəlkə də qoca səyyahın sözlərindən
sonra o, bir anlığa səyyah olmaq istədi? Qəlbində hansı
fikirlər olursa-olsun, o, bəzən bunları öz dostlarına
açıqlayırdı. Elə bu anda Alonso sanki yuxudan ayılmış və
qoca səyyahın üzünə müəmmalı nəzər salıb ehtiramla dedi:
- Sinyor Kartahena, əksəriyyəti elə hey deyir ki, mən
təzədən anadan olsaydım, öz həyatımı başqa cür yaşayar-
dım. Elə mənim özüm də əsrin ən iri döyüşləri varsa,
onların ikisində, Lepanto (1571) və “Məğlubedilməz
armada”nın La-Manşdakı döyüşlərində iştirak etmişəm.
Daha dəqiq desəm, bunlar əsrin ən iri dəniz döyüşləri
sayılır. Həmin döyüşlərin birində qalib gəlmiş, o birisində
isə məğlub olmuşam. Birinci döyüşdə bizim iştirak
etməyimiz heç də vacib deyildi, ancaq həmin döyüşdə biz
qalib gəldik. İkinci döyüşdə isə bizə qalibiyyət əldə etmək
hava-su kimi lazım idi, lakin həmin o döyüşdə biz XVI
Dostları ilə paylaş: |