3
51
• III fəsil •
Tətbiqi proqramlar
•
üçün bu rejim yetərli deyil. Bunun üçün slaydların çeşid-
lənməsi
(Slide Sorter View) rejimindən istifadə etmək
olar. Bu rejimə keçmək üçün proqram pəncərəsinin aşağı-
sında status zolağında yerləşən
düymələrindən
Slide Sorter View düyməsini, yaxud View menyusunda
Slide Sorter düy-
məsini çıqqıldadın.
Bu rejimdə asanca slaydların yerini dəyişdirmək, yeni slaydlar
əlavə etmək və slaydları uzaqlaşdırmaq olar.
Slaydın yerinin dəyişdirilməsi. Slaydın yerini dəyişdirmək üçün siçanın
göstəricisini onun üzərinə aparın və sol düyməsini basın. Göstəricini yeni yerə
dartıb aparın və sonra siçanın düyməsini buraxın.
Slaydın uzaqlaşdırılması. Slaydı uzaqlaşdırmaq üçün onu seçdirin və
,
yaxud klavişini basın.
Yeni slaydın artırılması. Təqdimata yeni slayd artırmaq üçün öncə onu yerləş-
dirəcəyiniz yerdən qabaqkı slaydı, sonra isə New Slide düyməsini çıqqıldadın.
Yaradılmış slaydı redaktə etmək üçün adi rejimə keçin.
1.
Təqdimatda multimedia obyektləri dedikdə nə başa düşülür?
2.
Səs və video faylını slayda necə əlavə etmək olar?
3.
İstədiyiniz mövzuda təqdimat hazırlayın. Slaydlarda olan obyektlərə Motion Paths ef-
fektlərini tətbiq edin.
Bildiyiniz kimi, təqdimatları daha baxımlı etmək, informasiyanı auditoriyaya hissə-
hissə müəyyən ardıcıllıqla çatdırmaq üçün slaydın ayrı-ayrı obyektlərinə animasiya
effektləri tətbiq olunur. OpenOffice Impress proqramında bunu necə etməyi ötən il
öyrənmisiniz. Təbii ki, bənzər işləri Microsoft PowerPoint proqramında da görmək
mümkündür. Animations menyusunun
düyməsini çıqqıldadın və
proqram pəncərəsinin sağ hissəsində yaranan eyniadlı paneli araşdırın. Yenicə
yaratdığınız Azərbaycan şairləri adlı təqdimatın slaydlarındakı obyektlərə müxtəlif
effektlər tətbiq edin.
Araşdıraq-
öyrənək
Öyrəndiklərinizi
yoxlayın
•
Slaydlar sahəsi
•
Aktiv slayd
S ö z l ü k
3
53
• III fəsil •
Tətbiqi proqramlar
•
Elektron cədvəlin ilk növbədə hesablamaları avtomat-
laşdırmaq üçün nəzərdə tutulduğunu və bu məqsədlə
düsturlardan istifadə edildiyini bilirsiniz. Düsturda ədə-
di verilənlər, əməl işarələri, müxtəlif funksiyalar, eləcə də
cədvəl obyektlərinin ünvanları ola bilər. Xanaların ünvan-
ları olan düsturları riyazi tənliklərlə müqayisə etmək olar:
tənliklərdə xanaların ünvanlarının yerinə dəyişənlərdən
istifadə edilir.
Düsturun yazılışında xananın və ya xanalar diapazonunun ünvanı
istinad vasitə-
silə göstərilir. İstinadlar elektron cədvəlin ixtiyari xanalarını bir-biri ilə əlaqələn-
dirməyə və cədvəl verilənlərinin lazım olan emalını həyata keçirməyə imkan verir.
Çox zaman eynitipli məsələlərin həllində eyni düsturlardan istifadə olunur.
Müəyyən düsturu cədvəlin müxtəlif xanalarına hər dəfə yenidən daxil etməmək üçün
onun kopiyasından yararlanmaq olar. Kopiyalama əməliyyatını eyni sətir və ya
sütunda olan xanalar üzərində aparmaq üçün daha əlverişli üsul vardır. Bunun üçün
öncə kopiyasını köçürmək lazım olan xana seçdirilir (bunu xananın ətrafında
yaranan qalın qara çərçivəyə
görə bilmək olar). Sonra siçanın
göstəricisini çərçivənin sağ aşağı
küncündəki kiçik kvadrat üzərinə
aparıb (göstərici + şəklini alacaq)
siçanın sol düyməsini basıb sax-
lamaqla göstərici sətir, yaxud
sütun boyunca hərəkət etdirilir.
Siçanın düyməsini buraxdıqda ilkin xanadakı düstur seçdirilmiş bütün xanalara
tətbiq olunur. Eyni üsulla istənilən xananın qiymətini başqa xanalara rahat və tez
köçürmək mümkündür.
Elektron cədvəldə düsturu bir xanadan başqasına köçürəndə düsturda istifadə
olunan xanaların ünvanları – istinadlar avtomatik olaraq dəyişir. Belə istinadlar
nisbi
istinadlar adlanır. Nisbi istinad adi formada yazılır, məsələn: F3, E7.
Bəzi hallarda düsturu bir yerdən başqa yerə köçürərkən istinadların dəyişilməsi
tələb olunmur. Belə hallarda elektron cədvəldə
mütləq istinadlardan istifadə
olunur. Mütləq istinadda sütunun hərfinin və sətrin nömrəsinin qabağında
$ simvolu
qoyulur, məsələn: $F$3, $E$7.
Əgər düsturda istinadın iki hissəsindən biri – ya sütunun hərfi,
ya da sətrin nöm-
rəsi dəyişilirsə, onda
qarışıq istinaddan istifadə olunur. Bu zaman $ simvolu is-
tinadın yalnız dəyişilməz qalacaq hissəsinin qabağına qoyulur. Məsələn: $F3, E$7.
Elektron cədvəldə nisbi və mütləq istinadlardan istifadə
1. Elektron cədvəl proqramını başladın. Boş sənəd (iş kitabı) açılacaq.
2. A1 xanasına
1 ABŞ dolları = ... manat mətnini daxil edin.
F ə a l i y y ə t
2
•
Düstur
•
İstinad
•
Nisbi istinad
•
Mütləq istinad
•
Qarışıq istinad
S ö z l ü k