68
Verilənləri çap etmək, başqa sözlə, çıxışa vermək üçün Python dilində print()
funksiyası nəzərdə tutulub. Bu funksiya vasitəsilə eyni zamanda həm mətn, həm də
dəyişənlərin qiymətlərini çıxışa vermək olar.
Bu nümunədə print() funksiyası bütün qiymətləri bir sətirdə çıxışa verir və
onları bir-birindən ayırmaq üçün aralarına boşluq simvolu artırır. Ancaq qiymətləri
ayırmaq üçün başqa üsullar da vardır. Məsələn, çıxışa verilən qiymətlərin arasına
vergül, defis kimi simvollar qoymaq olar. Ayırıcı kimi istifadə olunan simvol sep
parametri vasitəsilə göstərilir (məsələn: sep = '-'). Əgər sep = '\n' olarsa,
onda hər bir qiymət yeni sətirdə çap olunacaq.
Bildiyiniz kimi, hər bir obyekt müəyyən xassələrə malikdir. İnformatikada bu
xassələrin iki növünü fərqləndirirlər:
əlamət xassələri və
hərəkət xassələri. Əlamət
xassələrinə, sadəcə,
obyektin xassələri, hərəkət xassələrinə isə
obyektin metodları
deyilir.
Proqramlaşdırma dillərində hər hansı obyektin metodunu göstərmək üçün xüsusi
yazılışdan istifadə olunur: öncə obyektin adı, sonra onun metodu yazılır, onları bir-
birindən ayırmaq üçünsə aralarına nöqtə qoyulur (məsələn: s1.upper(),
S.find(
'a'
, 5, 10)). Python dilində sətirlərə obyekt kimi baxılır və hər bir
obyekt kimi onların da öz metodları olur. Onlardan daha tez-tez istifadə olunanı
s =
input
()
print
(s[2])
...
Bu proqram fraqmenti aşağıdakı alqoritmin ilk iki addımına uyğundur. Həmin alqo-
ritmin qalan addımlarına uyğun operatorları da proqrama əlavə edin.
Alqoritm
1. Klaviaturadan hər hansı simvollar sətrini daxil edin.
2. Daxil edilən sətrin 3-cü simvolunu çıxışa verin.
3. Sətrin sonuncu simvolunu çıxışa verin.
4. Sətrin ilk beş simvolunu çıxışa verin.
5. Sətrin sonuncu iki simvolu istisna olmaqla qalan simvollarını çıxışa verin.
6. Sətrin cüt indeksli simvollarını çıxışa verin.
7. Sətrin tək indeksli simvollarını çıxışa verin.
8. Sətrin uzunluğunu çıxışa verin.
Araşdıraq-
öyrənək
4
69
• IV fəsil •
Proqramlaşdırma
•
find metodudur. Bu metod verilmiş sətirdə onun altsətrini tapmaq üçün nəzərdə
tutulub. Axtarılan altsətir tapılırsa, metod altsətrin birinci dəfə rast gəlindiyi yerin
indeksini qaytarır. Əgər axtarılan altsətir tapılmırsa, metod -1 qiymətini qaytarır.
Məsələn:
>>>
S =
'Maraqlanıb soruşmaq bilik əldə etməyin yarısıdır.'
>>>
print
(S.find(
'bilik'
))
20
>>>
print
(S.find(
'ar'
))
1
>>>
print
(S.find(
'kitab'
))
-1
find metodunun başqa parametrləri də ola bilər. S.find(T, a, b) yazılışı
S sətrində T altsətrinin S[a:b] kəsiyində axtarıldığını göstərir. Ancaq nəzərə
almaq lazımdır ki, S.find(T, a, b) metodunun qaytardığı qiymət T altsətrinin
kəsikdəki
indeksi deyil, S sətrindəki indeksi olur.
>>>
print
(S.find(
'a'
, 5, 10))
6
Proqramda istifadə olunacaq dəyişənlərin təsviri:
s – daxil edilən sətir;
soyad, ad – sətirdəki
birinci və ikinci söz;
k – sətirdə sözlərin arasında olan boşluq simvolunun mövqeyi.
Məsələnin həll alqoritmi:
1. Sətir daxil edilir.
2. find metodu vasitəsilə boşluq simvolunun yeri müəyyən olunur.
3. Sətrin başlanğıcdan boşluq simvolunadək hissəsi soyad dəyişəninə
mənimsədilir.
4. Sətrin boşluqdan sonrakı simvolundan sonadək
hissəsi ad dəyişəninə mənim-
sədilir.
5. İkinci sözdən (ad) , boşluq simvolundan və birinci sözdən (soyad) ibarət
yeni sətir yaradılır.
6. Yeni sətir çıxışa verilir.
s =
input
()
p = s.find(
' '
)
soyad = s[:p]
# birinci söz – soyad
ad = s[p + 1:]
# ikinci söz – ad
s = ad +
' '
+
soyad
print
(s)
Soyadınız və adınızı klaviaturadan daxil edən və onların yerlərini dəyişərək
(yəni öncə adınızı, sonra soyadınızı) çıxışa verən proqram yazın.
Məsələ
70
Sətir obyektinin başqa metodları da vardır ki, onlardan bəzilərinin təsviri aşağıdakı
cədvəldə göstərilib.
Metod
Təsviri
s1.count(s0)
s1 sətrində s0 altsətrinə neçə dəfə
rast gəlindiyini müəyyən
edir. Məsələn:
>>>
s1 =
'abrakadabra'
>>>
s1.count(
'ab'
)
2
s1.strip()
Sətrin başlanğıcında və sonundakı boşluq simvolları
uzaqlaşdırılır. Məsələn:
>>>
s1 =
' abc '
>>>
s1.strip()
'abc'
s1.replace(s2,s3)
Verilmiş sətrin s2 fraqmenti s3 fraqmenti ilə əvəz olunur.
Məsələn:
>>>
s1 =
'Qırğızıstan'
>>>
s1.replace(
'Qırğız'
,
'Qazax'
)
'Qazaxıstan'
s1.capitalize()
Sətirdə birinci hərf baş (böyük) hərfə çevrilir. Məsələn:
>>>
s1 =
'diqqətli olun'
>>>
s1.capitalize()
'Diqqətli olun'
s1.upper()
Sətirdəki bütün hərflər baş hərflərlə əvəz olunur. Məsələn:
>>>
s1 =
'Qusar Quba Xaçmaz'
>>>
s1.upper()
'QUSAR QUBA XAÇMAZ'
s1.lower()
Sətirdəki bütün hərflər kiçik hərflərlə əvəz olunur. Məsələn:
>>>
s1 =
'Abı-Sırğaçiçəyi-Sarı-Qara'
>>>
s1.lower()
'abı-sırğaçiçəyi-sarı-qara'
1. Sətir nədir?
2. Proqramda giriş və çıxış əməlləri nəyi bildirir və Python dilində onlar hansı funksiyalar
vasitəsilə ifadə olunur.
3. Metod nədir?
4. Verilmiş sözün hərflərini tərs ardıcıllıqla çıxışa verən proqram tərtib edin.
5. Sətrin ortasındakı simvolu çıxışa verin. Əgər simvolların sayı cütdürsə, ortadakı iki
simvolu çıxışa verin.
Öyrəndiklərinizi
yoxlayın