123
6. Bədii nitqdə hansı cəhətlər üstünlük təşkil edir?
7. Nitqdə eyni dil ünsürlərinin təkrarlanması, eyni cümlə
konstruksiyalarının və formalarının ardıcıl verilməsi nitqi zən-
ginləşdirirmi? Misallar gətirməklə fikrinizi izah edin.
8. Bədiilik nədir? Bədiilik hansı üslub və hansı əsərlər
üçün səciyyəvidir?
9. Nitqin ahəngdarlığı dedikdə nə başa düşülür?
10. İfadəliyi gücləndirən vasitələr hansılardır?
ÇalıĢma. Verilmiş dialekt sözlərinin mənasını izah edin və
ədəbi dildəki qarşılığını verin:
ciyi, becid, ələrdan, deşdəbəkur, dənab, düşgü, hancarı, kə-
bə, məkə, nimdər, məhrəba, qəməlti, qarqundey, qəlbi, qəmbər,
peyğəmbəri, təlis, zir, yelpənək.
ÇalıĢma. Verilmiş frazeoloji birləşmələri cümlələrdə iş-
lədin: ağzına su almaq; dil-dil ötmək; dilotu yemək; bürnünün
ucu göynəmək; can vermək; üz vermək; üz ağartmaq: əl-ayağı
işdən soyumaq; ürəyi düşmək; mənəm-mənəm demək; gözü
ayağının altını görməmək; ürəyi dağa dönmək; çiçəyi çırtla-
maq; bir göz qırpımında; aydan arı, sudan duru; qılığına gir-
mək; qəlbinə yol tapmaq; tükləri biz-biz olmaq.
ÇalıĢma. Mətn parçalarını oxuyun, intonasiya növlərini
göstərin. Durğu işarələrinin nəyin hesabına qoyulduğunu izah
edin:
Vüqarı dəhşət bürüdü. Professorla stəkan-stəkana vurub
şərab içsin?! Bu necə ola bilər?.. Bəlkə professor onu sınayır,
qanacağını öyrənir? (V.Babanlı. Vicdan susanda. Bakı, 1978,
səh.10)
İndi mən bu ağzından süd iyi gələn cavandan qorxaca-
ğam?! (Durub ayağa). Bir at görməmiş, tüfəng əlinə almamış,
övrət sifətdə uşaqdan çəkinəcəyəm? Mən, mən Rüstəmi-zə-
manə? (N.Vəzirov. Əsərləri.Bakı, 1977, səh.131).
Yaz günü, səhərin oğlan çağında,
Muğan düzlərindən keçdinmi atla?
124
Min turac ötdükcə ellər bağında
Göylərə uçdunmu sən o qanadla? (S.Vurğun)
ÇalıĢma. Frazeoloji birləşmələri tapıb onların ümumişlək
sözlərə uyğun qarşılığını göstərin:
Gözüm bir alagöz xanıma düşdü, Sındı qol-qanadım yanı-
ma düşdü. (A.Ələsgər); Mənim ürəyim yumşaqdır. Hicran qə-
mini çəkib, sənin halına yanır; Bilirsən ki, hər nə vardı, hamısı
əldən getdi; O, xırda oğurluqla məşğul olmur, həmişə qaz vu-
rub qazan doldurmağa çalışır; Üz vermə nadana, sirr vermə pi-
sə; Sənin ona əl qaldırmağa ixtiyarın yoxdur; Söz vermişəm,
yalan gəlməz dilimə.
ÇalıĢma. Frazeoloji birləşmələrə uyğun gələn ümumişlək
sözləri tapıb qarşı-qarşıya yazın:
a) üzü gülmək; əl altından; yada salmaq; yola düşmək; əl-
dən düşmək; dabanına tüpürmək; ürəyi ağzına gəlmək; ağzına
su almaq; dilotu yemək; başa düşmək; göz verib, işıq vermə-
mək; yola salmaq;
b) qorxmaq, qaçmaq, susmaq, yorulmaq, çox danışmaq, get-
mək, anlamaq, xatırlamaq, ötürmək, gizli, sevinmək, incitmək.
ÇalıĢma. Səslənməsinə və yazılışına görə eyni olan, mə-
naları arasında heç bir əlaqə olmayan omonim sözlərin məna-
larını tapın, hansı nitq hissələrinə aid olduğunu qarşısında gös-
tərin: axmaq, divan, dava, əlli, alıcı, düz, başlıq.
ÇalıĢma. İsimlə felin kökünü omonim saymaq olarmı?
Fikrinizi əsaslandırın: bit-bitmək, az-azmaq, çat-çatmaq, yol-
yolmaq, saç-saçmaq, tut-tutmaq, sol-solmaq, sağ-sağmaq, üz-
üzmək, qırx-qırxmaq, ağrı-ağrımaq, gül-gülmək, yay-yaymaq,
say-saymaq, qız-qızmaq, yaz-yazmaq, aş-aşmaq, qır-qırmaq,
inci-incimək.
ÇalıĢma. İndiyə qədər gördüyünüz afişaları xatırlayaraq
bir konsert afiĢası tərtib edin.
ÇalıĢma. Elan ilə bildiriĢ arasında fərq varmı? Bir bil-
diriĢ yazın.
125
NĠTQĠN NÖVLƏRĠ
Dilin mövcudluq forması olan nitq fəaliyyəti danışma, din-
ləmə, yazı və oxu proseslərini birləşdirir. Buna görə də nitq da-
ha çox şifahi və yazılı, monoloji və dialoji, zahiri və daxili (lal)
növlərinə bölünür.
ġifahi nitq
Xalq danışıq dilinin cilalanmış forması olan şifahi ədəbi
dil ciddi fonetik, leksik, morfoloji və sintaktik normalar əsa-
sında təzahür edir. Bu normalarla dialektlərdən və danışıq di-
lindən fərqlənən ədəbi dilin şifahi forması qədim dövrlərdən,
hələ əlifba və yazı meydana gəlməmişdən xalq yaradıcılıq dili
kimi insanlar arasında holavarlar, sayaçı sözləri, ağılar, atalar
sözləri, zərb-məsəllər, qaravəlli, tapmaca, nağıllar, bayatılar,
mahnılar, xalq oyun-tamaşaları şəklində yayılmışdır. Bugünkü
şifahi ədəbi dil ali və orta məktəb müəllimlərinin, səhnədə ak-
tyorların, söz ustalarının, radio və televiziya verilişlərində dik-
torların, aparıcıların, müəyyən məsələlərlə ekrana çıxan jurna-
listlərin, şair və yazıçıların, ümumiyyətlə, həqiqi mənada ziya-
lıların dilidir ki, daima forma və məzmunca, intonasiya qayda-
larına uyğun olaraq səlisləşir və zənginləşir. Şifahi nitqi xarak-
terizə edən başlıca cəhət onun eşidilməsidir. Bu nitq danışılan,
söylənilən, səslənən nitqdir. O, əl-qol, bədən hərəkətləri, üz,
göz, qaş, dodaq-mimika hərəkətləri və səsin ahəngi ilə müşa-
yiət olunur, başqa cür desək, şifahi nitqdə danışan intonasiya-
dan (avaz, vurğu, fasilə, ritm, temp, intensivlik və s.), mimika,
pantomim elementlərindən və jestikulyasiyadan istifadə edə
bilir. Şifahi nitqin ayrılmaz hissəsi olan səsin ahəngi və bədən
üzvlərinin hərəkətləri söylənilən fikri müxtəlif çalarda çat-
Dostları ilə paylaş: |