129
Əlində güllü dəsmal,
Qan-tərin silə-silə.
Nar, nar, nar gilə,
Gedəy, gedəy yar gilə.
ç) Qışın bitməsi və Novruz bayramının gəlişi ilə bağlı
mövsüm nəğmələri:
Novruz gəlir, yaz gəlir,
Nəğmə gəlir, saz gəlir.
Bağçalarda gül olsun,
Gül üstə bülbül olsun.
d) Misraların əvvəlində və ya sonunda təkrar olunan nəqa-
rətli mahnılar:
Hey yar əli, iynə taxdım divarə.
Hey yar əli, elçi göndərdim yarə.
Hey yar əli, elçi cavabsız oldi.
Hey yar əli, özüm elçiyəm yarə.
***
Evləri köndələn yar,
Əşrəfidən şanəsi var gəlünün.
Bizə gül göndərən yar,
Əşrəfidən şanəsi var gəlünün.
***
Gülün yarpıza dönsün,
Əşrəfidən şanəsi var gəlünün.
Bizdən üz döndərən yar,
Əşrəfidən şanəsi var gəlünün.
e) Məzmunca qəmli, kədərli və həzin olan bayatılarda ay-
rılıq hissləri üstünlük təşkil edir:
Mən aşiq, gedər qalmaz,
Su
axar gedər, qalmaz.
131
f) Ana öz övladına olan məhəbbətini onun beşiyi başında
oxuduğu laylalarda bildirir:
Layla beşiyim, layla,
Evim, eşiyim, layla.
Sən get şirin yuxuya,
Mən çəkim keşiyin, layla.
Balam layla, a layla!
Gülüm layla, a layla!
***
Layla dedim yatasan,
Qızılgülə batasan.
Qızılgülün içində,
Şirin yuxu tapasan.
***
Balama can demişəm,
Ağlama, can demişəm.
Balam dil açan günə,
Quzu qurban demişəm.
g) Ana yuxudan oyanan körpə uşağını əzizləmək, nazla-
maq məqsədilə oxşama-nazlama deyir:
Tüstüsüz damlar,
Sarı badamlar,
Tənbəl adamlar,
Bu balama qurban.
***
Mən çalım oyna,
Qurban boyuna,
El-oba gəlsin,
Bir gün toyuna.
***
132
Dağın maralı,
Gözü qaralı,
Dünyanın malı,
Bu balama qurban.
***
Dağda darılar,
Sünbülü sarılar,
Qoca qarılar,
Bu balama qurban.
ğ) Tapmacalar insanın zehni qabiliyyətini, ağlının çevikli-
yini yoxlamaq məqsədilə yaradılır:
Bir tabaq almaz,
Sabaha qalmaz (Ulduz).
Üstü zəmi biçərlər,
Altı bulaq içərlər (Qoyun).
h) Atalar sözləri xalqımızın həyatda sınanmış, müdrik və
nəsihətli fikirlərindən ibarət olur və böyük əxlaqi-tərbiyəvi
əhəmiyyət daşıyır. Daha çox məcazi mənada işlənən atalar söz-
lərinin xüsusiyyəti hikmətli və nəsihətli olmasıdır: Tək əldən
səs çıxmaz; El gözü tərəzidir; Yüz ölç, bir biç; Dövlətdə dəvə,
övladda nəvə.
Yığcamlığına və hikmətli məzmununa görə atalar söz-
lərindən fərqlənən məsəllər (zərb-məsəllər) müəyyən hadisə ilə
bağlı olur, müstəqil işlənə bilmir, məzmunu müəyyən iza-
hatdan sonra aydınlaşır.
x) Molla Nəsrəddin lətifələri ilə bağlı olanlar:
Sən çaldın; Qələt yağ küpəsindədir; Zülmətdə bir daş var,
götürən də peşmandır, götürməyən də.
ı) “Koroğlu” dastanı ilə bağlı:
Çünki oldun dəyirmançı, çağır gəlsin dən, Koroğlu.
i) Ü.Hacıbəylinin operettaları üzrə:
O olmasın, bu olsun; Heç hənanın yeridir?
133
j) Bunlardan başqa müəllifi bəlli olmayan atalar sözləri də
vardır:
Doyan o rəhmətlik kimi olar; Mıxı mismara döndərən var;
Karın könlündəki; Bir gül ilə bahar olmaz; Dağ dağa qo-
vuşmaz, insan insana qovuşar; Balığı at dəryaya, balıq bilməsə
də, xaliq biləcək.
Epik növdə olan əfsanələr xalqımızın tarixini, dünyagörü-
şünü, xəyal və arzularını özündə əks etdirir. “Pərvanə və od”,
“Turac”, “Hut-hut quşu”, “Yusif – Nəsib quşu”, “Daş gəlin”,
“Gəlin qayası”, “Kəklik”, “Şirin qala” ən məşhur əfsanələrdir.
Şifahi xalq ədəbiyyatının epik növünün ən qədim və daha
çox yayılmış janrı nağıllardır. Nağıllarda xalqın həyatı və
məişəti, dünyagörüşü və inancları, arzu və xəyalları əks olunur.
Nağıllarda haqqın haqsızlıqla, xeyirin şərlə mübarizəsinin
təsviri əsas yer tutur. Mövzusuna və məzmununa görə nağıllar
əfsanəvi (sehrli) və realist nağıllara bölünür. Sehirli nağıllarda
uçan xalça, sehirli papaq, sehirli tütək, divlər, yeddibaşlı
əjdahalar, əfsanəvi quşlar (Zümrüd quşu) və s. iştirak edir. Belə
nağıllara “Məlikməmməd”, “Sehirli üzük”, “Uçan xalça”, “Ax-
vax”, “Ağ atlı oğlan”, “Cırtdan” və s. daxildir. Belə nağıllarda
xalçalar uçur, heyvanlar dil açıb danışır, qəhrəmanlar divlər və
əjdahalarla vuruşur, simurq quşları, göyərçinlər, sehirli üzüklər
qəhrəmanlara kömək olur, alma qocaları cavanlaşdırır və s.
Sehirli nağıllardakı cadu, tilsim, əfsun dini, mövhumi xarakter
daşımır, nağılın sonunda xeyir qüvvələr şər qüvvələr üzərində
qələbə çalır, beləliklə də haqq, ədalət qalib gəlir.
Realist nağılları sehrli nağıllardan fərqləndirən cəhət onla-
rın real ictimai həyatla, xalqın məişəti ilə bağlı olmasındadır.
“Saleh və Valeh”, “Daşdəmirin nağılı”, “Göygöz kosa”, “Usta
Abdulla”, “Nuşpəri xanım”, “Dərzi şagirdi Əhməd”, “Gülnar”
və s. kimi nağıllarda xalqın içərisindən çıxmış zəhmət adamları
– naxırçılar, keçəllər, kosalar, çobanlar, muzdurlar, ağıllı,
fərasətli qadınlar xalq mənafeyini müdafiə edir, zülmkarlara
qarşı mübarizə aparır və qalib gəlirlər.