27
Regional hadisələrin Türkiyə-Azərbaycan münasibətlərinə təsiri
Rusiyada Putinin hakimiyyətə gəlməsi, enerji layihələrinin həyata
keçməsi, münaqişə zonalarında nisbi sakitliyin yaranması regionda rəqabəti
azaltdı. 2001-ci il Əfqanıstan əməliyyatı və 2003-cü il İraq əməliyyatları
qlobal mənada diqqəti Cənubi Qafqazdan sözügedən yerlərə çəkdi. ABŞ-ın
mübarizəsinə dəstək verən Azərbaycan İraq və Əfqanıstana əsgər yolladı,
Əfqanıstandakı Azərbaycan əsgərləri türkiyəli həmkarlarının komandanlığı
altında fəaliyyət göstərdi. Türkiyə və Azərbaycan kimi Rusiya da ABŞ-a
dəstək verərək, bu məsələdə Türkiyə və Azərbaycanla eyni mövqedə yer aldı.
Regional mənada Türkiyə-Azərbaycan-Rusiya arasında fikir ayrılığına
səbəb olacaq digər bir hadisə 2004-cü ildə Gürcüstanda yaşanan inqilab
və Mixail Saakaşvilinin hakimiyyətə gəlməsi olub. Regionda Rusiya ilə
Qərbi qarşı-qarşıya gətirən növbəti hadisə 2008-ci ilin avqustunda baş
verən Rusiya-Gürcüstan müharibəsi idi. Saakaşvilinin hakimiyyətə gəlmə
metodu və qərb meyilli, Rusiyaya qarşı radikal xarici siyasəti Azərbaycan
və Türkiyədə müsbət qarşılanmasa da, Gürcüstanı qorumaq hər iki dövlətin
regional siyasətinin əsasını təşkil etdi.
2000-ci illərdən etibarən Türkiyənin Rusiya siyasəti soyuq müharibə
əhval-ruhiyyəsindən daha fərqli bir vəziyyətə keçdi və Türkiyə-Rusiya
münasibətləri xüsusilə ticarət sahəsində inkişaf etdi. Ədalət və İnkişaf
Partiyasının (AK Parti) hakimiyyəti dövründə isə bu inkişaf siyasi sahəyə də
yayılmağa başladı. 2008-ci ildə baş vermiş Rusiya-Gürcüstan müharibəsində
müttəfiqi ABŞ və Gürcüstanın narazılığı bahasına Gürcüstana yardım
aparan ABŞ hərbi gəmilərinə 1936-cı il Montro Boğazlar Müqaviləsini
tətbiq etdi və nəticədə, ABŞ gəmiləri 21 gün ərzində Qara dənizi tərk etmək
məcburiyyətində qaldı. Rəsmi Ankara Rusiyanın da daxil olduğu Sülh və
Sabitlik Platformasını təklif etdi. ABŞ ekspertləri Türkiyənin bu təklifindən
Vaşinqtonun xəbərsiz olmasını iradla qarşıladı. Gürcüstan Avropa İttifaqı və
ABŞ-ın bu platformda yer almamasından narazılığını bildirdi, Azərbaycan
isə qeyri-şərtsiz platformaya dəstək verdi. Əslində, bu dəstək Türkiyənin
Cənubi Qafqazda qurmaq istədiyi sistemə dəstək anlamına gəlirdi.
2009-cu ildə Türkiyə-Azərbaycan münasibətlərində Türkiyə-Ermənistan
protokolları səbəbindən yaşanan böhranı Rusiya daha da dərinləşdirməyə
çalışdı. Bir tərəfdən Türkiyənin Ermənistanla gizli protokollar imzaladığını
rəsmi Bakıya bildirərək münasibətlərə zərər verməyə çalışan Rusiya
Azərbaycanı öz tərəfinə çəkərək enerji müqavilələrində bu fürsətdən
bəhrələnmək istədi. Digər tərəfdən Türkiyə-Ermənistan sərhədlərinin
açılmasına qarşı çıxmayan Rusiya protokolların təsdiqlənməsi üçün
Türkiyənin Qarabağ şərtinin qəbuledilməz olduğunu bildirdi. Azərbaycanın
28
Regional hadisələrin Türkiyə-Azərbaycan münasibətlərinə təsiri
Rusiya ilə enerji müqaviləsi imzalaması və Prezident İlham Əliyevin
Rusiya səfəri Ankarada “Türkiyəyə qarşı gözdağı” kimi qiymətləndirildi.
Azərbaycan regionun böyük dövləti, Qarabağ məsələsində açar rolu
oynayan və qonşusu Rusiya ilə yaxın əməkdaşlıq edərkən bəzən Türkiyənin
narazılıqları ilə qarşılaşır. “Qarabağın işğalında əsas rol oynayan Rusiya”
ilə Azərbaycanın əməkdaşlığını tənqid etməsi Türkiyə-Azərbaycan arasında
bu məsələdə yanaşma fərqliliyini göstərir.
Türkiyə son illərdə xarici siyasətdə aktivliyini artırmaqla yanaşı,
regionda Azərbaycana dəstəyini də çoxaldıb. Türkiyə Prezidenti
Abdullah Gül 2010-cu il avqustun 16-da Azərbaycana səfəri zamanı uzun
illərdən sonra ilk dəfə iki ölkə arasında “Strateji tərəfdaşlıq və qarşılıqlı
yardım haqqında” Müqavilə imzalanıb.
27
Müqavilənin 1-ci maddəsinə
əsasən, Tərəflərin hər hansı biri ərazi bütövlüyünün, suverenliyinin və
sərhədlərinin toxunulmazlığının təhdid edildiyi və ya təhlükə altında
olduğu qənaətində olduqda, Tərəflər bu təhdid və təhlükələrin aradan
qaldırılması istiqamətində görülə biləcək tədbirlər barədə təxirəsalınmadan
məsləhətləşmələr aparacaqlar. 2-ci maddəyə görə isə Tərəflərdən biri
üçüncü dövlət və ya bir qrup dövlət tərəfindən silahlı basqın və ya hərbi
təcavüzə məruz qaldıqda, Tərəflər BMT Nizamnaməsinin 51-ci maddəsi ilə
tanınan fərdi və ya kollektiv özünümüdafiə hüququnun həyata keçirilməsi
üçün hərbi imkan və qüdrətlərindən istifadə etmək də daxil olmaqla,
mövcud imkanları çərçivəsində bütün zəruri tədbirlərin görülməsi məqsədi
ilə bir-birinə qarşılıqlı yardım göstərəcəklər. Bu yardımın forması və həcmi
təxirəsalınmadan Tərəflər arasında razılaşdırılacaqdır. Bu müqavilə
əsasən Azərbaycanı Rusiya-Ermənistan ikiliyinin hücumundan qorumaq
xarakteri daşıyır. Bu səfərdən üç gün sonra Rusiya Prezidenti Dmitri
Medvedev Ermənistana səfər edərək Ermənistandakı rus hərbi bazasının
qalma müddətini 49 il uzatdı. İmzalanan müqaviləyə əsasən, rus hərbi
bazaları Ermənistanda olduğu müddət ərzində Ermənistan silahlı qüvvələri
ilə birlikdə Ermənistanın təhlükəsizliyini qoruyur və bu məqsədlər üçün
Rusiya tərəfi Ermənistan Respublikasının müasir və uyğun silahlar, hərbi
(xüsusi) texnika ilə təminatının gerçəkləşməsinə yardımçı olur.
28
Türkiyə və Azərbaycanın Rusiya ilə münasibətləri düzəltmək üçün
gərgin fəaliyyətlərinə baxmayaraq, rəsmi Moskva Ermənistan kartından
istifadə edir. Rusiya Cənubi Qafqazda Türkiyə ilə rəqabətini davam etdirir
27 Türkiyə ilə Azərbaycan arasında bağlanmış “Strateji tərəfdaşlıq və qarşılıqlı yardım haqqında”
Müqavilənin mətni üçün bax. http://www.mediaforum.az/articles.php?lang=az&page=02&article_
id=20101215054430699, (15 avqust 2010).
28 http://www.tert.am/tr/news/2011/04/12/base/ (2 dekabr 2010)
Dostları ilə paylaş: |