151
Azərbaycan və Türkiyə QHT-ləri arasında əlaqələr
ünsiyyətdə olacağı ölkənin cəmiyyətlərini deyil, digər əlaqədar ölkələrin də
ictimaiyyətini nəzərə almaq məcburiyyətində qalır.
Azərbaycanda QHT-lərin ictimai həyatda, xüsusən də xarici siyasətdə
yer alması kifayət qədər yeni mövzudur və peşəkar mərhələyə, demək
olar ki, keçə bilməyib. Türkiyədə TİKA, Azərbaycanda QHT-lərə Dövlət
Dəstəyi Fondunun yaradılması, həm bu iki qurum, həm də digər vətəndaş
cəmiyyəti təşkilatları vasitəsilə ölkə daxilində və onun xaricində layihələr
təşkil edilməsi bu sahənin güclənməsinə ciddi təsir göstərib.
Ɔ
Ümumilikdə Azərbaycan-Türkiyə əlaqələri
Türkiyə və Azərbaycan türkləri eyni millətin övladları kimi uzun illər
boyunca eyni bölgədə yaşayıblar. Lakin tarixin müəyyən dövrlərindən
etibarən bu iki cəmiyyət ayrı-ayrı dövlətlər qurub. Xüsusilə Osmanlı və Səfəvi
dövründə bu iki türk cəmiyyəti arasında ciddi qopma, ictimai səviyyədə
olmasa da dövlət səviyyəsində qarşıdurma yaşanıb. Səfəvi dövlətinin
dağılmasından sonra Azərbaycanda meydana çıxan xanlıqlar ilə Osmanlı
dövləti arasında əlaqələr mövcud olub. Osmanlı dövləti ilə çar Rusiyası
arasında yaşanan döyüşlərdə digər Qafqaz xalqları kimi Azərbaycan türkləri
də cəmiyyət olaraq Osmanlıya yaxın olublar. Azərbaycan və Anadolu
türkləri arasındakı əlaqələr XIX əsrin sonları, XX əsrin əvvəllərində yüksək
səviyyəyə çatıb. Sovet işğalı altında olarkən Azərbaycanın Türkiyə cəmiyyəti
ilə əlaqəsi tam kəsilməsə də, çox məhdudlaşıb. 1991-ci ildə Azərbaycanın
müstəqillik əldə etməsindən sonra iki cəmiyyət arasında əlaqələr yenidən
inkişaf etməyə başlayıb. Azərbaycan müstəqilliyinə qovuşduğu zaman onu
ilk olaraq Türkiyə tanıyıb. Rusiyadan dəstək alan Ermənistan ona hücum
edən zaman Türkiyə Azərbaycanın yanında olub. Müstəqillikdən bu günə
qədər keçən müddətə nəzər saldığımızda iki ölkə arasındakı əlaqələrin
əhəmiyyətli mərhələlər qət etdiyini söyləyə bilərik.
Bu əlaqələr başlanğıcda hisslərə və ideologiyaya əsaslanan dövr keçib.
Çünki həm Türkiyədə, həm də Azərbaycanda müstəqilliyə qovuşmadan öncə
milliyyətçi bir seqment formalaşıb. İkinci mərhələdə fərdi əlaqələr ön plana
çıxıb. Azərbaycan Prezidenti Heydər Əliyev ilə Türkiyə Respublikasının
Prezidenti Süleyman Dəmirəl arasındakı şəxsi əlaqələr ikitərəfli əlaqələrin
təməlini təşkil edib. Üçüncü isə əlaqələrin təşkilatlanması mərhələsidir.
Bünövrəsi əvvəlki idarəçilər tərəfindən qoyulan münasibətlərin inkişafı
Azərbaycanda İlham Əliyevin, Türkiyədə Ədalət və İnkişaf Partiyası (AK
Parti) hökumətinin vəzifədə olduğu dövrlərdə diqqəti cəlb edir.
152
Azərbaycan və Türkiyə QHT-ləri arasında əlaqələr
Sahib olduqları tarixi keçmiş, dövlət ənənələri və təşkilatanma
səviyyələri arasındakı fərqliliklər, I və II Dünya müharibələrinə və soyuq
müharibə dövrünə bağlı fərqli qəbul etmələr, soyuq müharibə dövrü sonrası
mərhələ ilə əlaqəli, ümumiyyətlə, ortaq müşahidələrə baxmayaraq, məruz
qaldıqları fərqli faktorlar Azərbaycan və Türkiyənin xarici siyasətlərinin
formalaşma müddətləri arasında ciddi fərqliliklər ortaya çıxarmışdır. Yenə
də, ümumiyyətlə, 1991-2011-ci illərdəki dövrün siyasi əlaqələrini daima
güclənən dövrlər olaraq xarakterizə etmək mümkündür. Bu müddətdə
ikitərəfli münasibətlərdə qısa, davamlı və nisbi, lakin əhəmiyyətli iki
gərginlik məqamından bəhs etmək mümkündür. Bunlardan ilki 1995-
ci ilin mart ayında Azərbaycandakı hərbi çevriliş cəhdinin Türkiyə ilə
əlaqələndirilməsi ilə başlayan və Heydər Əliyev ilə Süleyman Dəmirəl
arasındakı şəxsi əlaqələrin dəstəyi ilə ortadan qaldırılan gərginlik olmuşdur.
İkincisi, Türkiyə-Ermənistan əlaqələrinin son dövrlərdəki inkişafı ilə
bağlı (protokolların imzalanması və sərhədlərin açılması barədə müzakirələr)
Azərbaycanla “dərdini qardaşına izah edə bilməmə” və ya “doğru çatdıra
bilməmə” kimi xarakterizə olunan problemlər meydana çıxmışdı. Bu dövr
ikitərəfli əlaqələrdə QHT-lərin rolu baxımından, bəlkə də, ən sıx dövr olub.
Liderlər bir-birinə və ictimaiyyətə daha çox xitab etməyə başladıqdan
sonra isə ikitərəfli əlaqələrdə zirvə sayıla biləcək dövr başlayıb və iki ölkə
arasında Strateji Əməkdaşlıq Razılaşması (2010-cu ildə) imzalanıb və Ali
Strateji Əməkdaşlıq Şurası yaradılıb. Daha sonra Azərbaycan-Türkiyə Ali
Strateji Əməkdaşlıq Şurasının ilk toplantısı keçirilib və Türkiyənin Baş
naziri Rəcəb Tayyib Ərdoğan bu görüşü “sanki iki ölkənin ortaq kabinet
toplantısı” kimi xarakterizə edib.
Ɔ
Azərbaycan-Türkiyə əlaqələrində qeyri-hökumət təşkilatları
Azərbaycan-Türkiyə əlaqələrinin təşkilatlandığı bir dövrdə cəmiyyətin
bütün təbəqələrini əhatə edəcək şəkildə münasibətlərin genişlənməsinin
vacibliyi, bu istiqamətdə mövcud ciddi çatışmazlığın aradan qaldırılması
zəruriliyi QHT-lər üçün xüsusi rol müəyyən edir .
QHT-lərin rolu baxımından ifadə ediləcək cəhətlərdən biri iki ölkənin
qeyri-hökumət təşkilatları arasında yüksək səviyyəli əlaqələrin olmasıdır.
Bu münasibətlər ikitərəfli əlaqələrə töhfə vermək məqsədilə göstərilən
fəaliyyətlərin geniş sahəsini əhatə edir. Bu, arzu olunan səviyyədə olmasa da,
ictimai, hərbi, təhsil, iqtisadi, idman, hüquq (insan haqları), sağlamlıq, ətraf
mühit, media, peşə və digər sektorlar üzrə əməkdaşlıqları inkişaf etdirib.
153
Azərbaycan və Türkiyə QHT-ləri arasında əlaqələr
Son illərdə bu sahələrə araşdırma mərkəzləri arasındakı əməkdaşlıqlar da
əlavə olunub.
İki ölkə arasındakı əlaqələrdə QHT-lərin rolunu bir neçə qrupa
ayırmaq mümkündür. Bunların içərisində ən əhəmiyyətlisi Türkiyədəki
Azərbaycan dərnəklərinin bu ölkədəki tanıtma işləri, Azərbaycandakı
bəzi türk dərnəklərinin tanıtma fəaliyyətləri, Azərbaycandakı bəzi qeyri-
hökumət təşkilatlarının Türkiyədəki işləri, Türkiyədəki bəzi qeyri-hökumət
təşkilatlarının Azərbaycandakı işləridir. Bundan başqa, Azərbaycan və
Türkiyə QHT-lərinin ortaq bir mövzu və ya problemlə bağlı üçüncü ölkədəki
birgə fəaliyyətləri, habelə ATƏT, NATO və digər beynəlxalq təşkilatlara,
müsəlman, ya da türk şəxsiyyətinə istiqamətlənmiş işləri mövcuddur.
Azərbaycandakı QHT-lər ikili əlaqələrdə rəsmi siyasətin tamamlayıcısı
rolunda çıxış edirlər. Bəzi QHT-lər dövlətin xarici siyasətdə nisbətən daha
az maraq göstərdiyi sahələrdə fəaliyyət göstərirlər. Türkiyə ilə Azərbaycanın
daha çox inteqrasiyasına istiqamətlənən səylər, yaxud Şimali Kipr Türk
Respublikasının (SKTR) tanınmasında Türkiyənin fəaliyyətini dəstəkləmək
üçün görülən işlər bu çərçivədə qiymətləndirilə bilər.
Türkiyədəki vətəndaş cəmiyyəti təşkilatları içərisində araşdırma
mərkəzi kimi fəaliyyət göstərənlərin bəziləri dövlətlə əməkdaşlıq edərək,
rəsmi siyasətin tamamlayıcısı rolunda ciddi işlər görüblər. Məsələn,
SETAV, TASAM, USAK, ORSAM kimi strateji araşdırma mərkəzlərinin
və digər bəzi qeyri-hökumət təşkilatlarının təşkil etdikləri toplantılarda hər
iki ölkənin səlahiyyətli şəxsləri iştirak edib, toplantılar daha çox mövcud
idarəçilərin siyasətlərini izah etməyə, əsaslandrmağa və mövcud əlaqələrə
töhfə verməyə istiqamətlənib. Rəsmilərin siyasətinə daha çox USAK-ın
peşəkarlıq və ictimaiyyəti istiqamətləndirmə mövzusunda dəstək verdiyi
də müşahidə edilib. Uzun müddət ərzində Avrasiya Strateji Araşdırmalar
Mərkəzinin (ASAM) çox ciddi işlər gördüyünü xatırlatmaq lazımdır.
ASAM Türkiyə və Azərbaycanda ikitərəfli əlaqələrə və ümumi mövzulara
aid çoxlu sayda toplantı təşkil edib.
Türkiyə dövlətinin xarici siyasətdə çox maraq göstərmədiyi sahələr üzrə
işləyən və Azərbaycan ilə əlaqələrə ciddi töhfələr verən QHT-lər arasında
Türk Ocağı, Azərbaycan Mədəniyyət Dərnəyi, Mərmərə Qrupu, TÜDEV
ciddi işlər görüblər.
Azərbaycan və türk ictimai rəyinə, siyasətçilərinə, mediasına xitab
edərək, ikitərəfli əlaqələrin inkişafı üçün ciddi çalışmalar aparan QHT-lərdən
biri TÜRKSAM-dır. TÜRKSAM həm də Azərbaycan və Azərbaycanın
maraq göstərdiyi əsas mövzulara dair davamlı işlər (araşdırma, nəşr,
154
Azərbaycan və Türkiyə QHT-ləri arasında əlaqələr
fəaliyyət, şərh və s.) aparan azsaylı QHT-lər arasında yer alır.
Hələ ötən əsrin 90-cı illərində adında “Azərbaycan” sözü keçən, türk və
müsəlman coğrafiyasında marağı olan dərnək və vəqflər Türkiyədə müəyyən
işlər görüblər. Türk Ocağı, Azərbaycan Kültür Dərnəyi, Azərbaycan
Dayanışma Dərnəyi, Türkiyə-Azərbaycan Dostluq və Dayanışma
Dərnəyi, KÖKSAV və digər dərnək və vəqflər Türkiyədə, ümumiyyətlə,
Azərbaycanın Qarabağ problemi başda olmaqla digər problemlərinin,
həmçinin Azərbaycan mədəniyyətinin tanınmasına, qarşılıqlı əlaqələrin
müxtəlif sahələrdə inkişafına ciddi töhfələr veriblər.
Xüsusilə 2000-ci illərdə Türkiyədə bu cür dərnəklərin sayında ciddi
artım müşahidə edilib. Bu, həm münasibətlərin inkişafındakı sürət, həm
Türkiyədəki müvafiq qanunvericilikdəki dəyişikliklər, həm də Azərbaycanın
Diasporla İş üzrə Dövlət Komitəsinin fəaliyyətinin nəticəsi idi. Əlbəttə,
kəmiyyət artımı keyfiyyət artımında arzuolunan şəkildə əks olunmasa da və
tənqid edilsə də, bu QHT-lərin sadəcə təsis toplantısı ilə əlaqədar xəbərlərin
mediada və ictimaiyyətdə yaratdığı effekt vurğulanmalıdır. Türkiyənin
müxtəlif şəhərlərində həmin şəhərin adı və “Azərbaycan” sözünü daşıyan
dərnəklərin yaradılması iki ölkənin köklü şəkildə yaxınlaşma potensialından
xəbər verir. İzmir Azərbaycan Mədəniyyət və Dayanışma Evi Dərnəyi,
Çanaqqala Azərbaycan Evi Dərnəyi, Kocaeli Azərbaycan Evi Dərnəyi,
Ankara Azərbaycan Evi Dərnəyi, İstanbul Türk-Azərbaycan Dostluq
Mədəniyyət və Dayanışma Dərnəyi, Əskişəhər Azərbaycanlıları Dərnəyi,
Antalya Azərbaycan Evi Dərnəyi, İstanbul Azərbaycan Mədəniyyət və
Sənət Dərnəyi kimi təşkilatları buna misal göstərə bilərik. Bu dərnəklərin
bir qismi Türkiyə-Azərbaycan Dərnəkləri Federasiyası adı ilə ortaq bir
platformada birləşib.
Türkiyədə “Azərbaycan” adlı dərnəklərin ilki olan Azərbaycan Kültür
Dərnəyi 1949-cu il fevralın 1-də yaradılıb və 1952-ci il aprelin 1-dən
etibarən “Azərbaycan” adlı jurnal da nəşr etməyə başlayıb. Dərnək eyni
zamanda Azərbaycanın tarixini, sənətini və siyasi həyatını əhatə edən 56
ədəd kitab nəşr edərək ölkənin Türkiyədə daha yaxşı tanınmasına ciddi səy
göstərib.
Son illərdə qurulan dərnəklər içərisində isə Türkiyə-Azərbaycan Dərnəyi
daha çox diqqəti cəlb edir. 2010-cu il iyulun 31-də Ankarada yaradılan
dərnək qısa müddət ərzində ciddi fəaliyyətlərə imza atıb. 24 sentyabr 2011-
ci ildə dərnəyin İstanbul şöbəsi açılıb ki, bu mərasimdə millət vəkilləri və
Azərbaycanın səlahiyyətli nümayəndələri də iştirak edib.
Azərbaycanda daha ciddi işlər görən təşkilatlardan Azərbaycan Türkiyə
155
Azərbaycan və Türkiyə QHT-ləri arasında əlaqələr
İş Adamları Birliyi (ATİB), Türkiyə Sənayeçi və İş Adamları Birliyi
(TÜSİAB) və Gəncliyə Yardım Fondunun adları da mütləq qeyd edilməlidir.
Bu qurumlar müxtəlif ictimai, akademik, mədəni fəaliyyətlər təşkil edir və
Türkiyə adına yardımları həyata keçirirlər.
İkitərəfli əlaqələrə töhfə verən ən əhəmiyyətli qurumlardan biri də
Azərbaycandakı “İrəli” İctimai Birliyidir. Bu ictimai birlik ikitərəfli
əlaqələrdə orijinal sayıla biləcək fəaliyyətləri həyata keçirib. Birlik 2010-
cu il 27 yanvar - 06 dekabr arasında Ərzurumda təşkil edilən 25-ci Dünya
Universitetlərarası Qış Olimpiadalarında 20 nəfərlik bir qrupla iştirak
edərək xarici heyətlər üçün təmənnasız əlavə tərcüməçi dəstəyini göstərib.
Buna bənzər fəaliyyət 2011-ci il 23-30 iyul tarixində Trabzonda keçirilən XI
Avropa Gənclər Yaz Olimpiadalarında da təşkil olunub. Hər iki iş Türkiyə
və Azərbaycan mediasının diqqətini yaxından çəkib və “İrəli”nin addımları
ikili əlaqələrdə qarşılıqsız dəstək nümunəsi olaraq müsbət qarşılanıb.
“İrəli” İctimai Birliyi 2009-cu ildən etibarən hər yaz Türkiyədə
(Karabük) və Azərbaycanda (Lənkəran) hər iki ölkədən 20 nəfər olmaqla
cəmi 40 şagird üçün “Türkiyə və Azərbaycan Gənclərinin Dostluq
Düşərgəsi” adlı yaz proqramı təşkil edir. Bundan başqa, 56-cı Avroviziya
Mahnı Müsabiqəsinin yarımfinalında Türkiyənin müsabiqədən kənarda
qalmasından sonra “İrəli” Bakıda bir qrup türk və azərbaycanlı tələbələrlə
Türkiyənin Azərbaycanı dəstəkləməsi istiqamətində fəaliyyət həyata
keçirib. Bəzi QHT-lərin dəstəyi nəticəsində Türkiyənin yardımı ilə
Azərbaycan bu yarışmada birincilik əldə edib.
Son dövrlərdə göründüyü kimi, Türkiyə-Ermənistan və Azərbaycan-
İsrail əlaqələrində dövlətlər bəzən yalnız daxili ictimaiyyətin rəyini deyil,
bir-birlərinin ictimai rəyini də diqqətə almaq məcburiyyətindədirlər.
Türkiyə-Ermənistan əlaqələrindəki protokollar müddətində, Türkiyədə
terror hücumlarının artdığı dövrlərdə, ŞKTR-ə dəstək mövzularında və son
Van zəlzələsi əsnasında bir daha müəyyən oldu ki, hər iki ölkənin vətəndaş
cəmiyyəti təşkilatları inanılmaz qarşılıqlı dəstək nümunəsi göstərir. Xüsusilə
protokollar müddətində Azərbaycan və Türkiyədəki çoxlu sayda QHT ortaq
hədəf üçün ikitərəfli əlaqələrin əsl potensialını ortaya qoydu. Eyni zamanda
ikitərəfli əlaqələrdə QHT-lərin fəaliyyətinin inkişafına daha çox ehtiyac
olduğu aydınlaşıb.
Protokollara qədər Türkiyə-Ermənistan əlaqələrinin inkişafını müdafiə
edən QHT-lər daha ön planda olublar. Bu təşkilatlar media üzərindən çox
ciddi işlər həyata keçirməklə dövlət orqanlarını istiqamətləndirmək və
ictimai fikri yönəltmək üçün addımlar atıblar. Protokollar müddətində hər
156
Azərbaycan və Türkiyə QHT-ləri arasında əlaqələr
iki ölkədəki QHT-lərdə “həssaslığı bir kənara buraxaq, Ermənistan ilə daha
yaxşı əlaqə yaradaq” deyənlər və dövlətin rəsmi siyasətinin bir parçası
olanlar mövcud idi, həmçinin rəsmi siyasəti tənqid edərək fərqli görüşlər
ortaya qoyanlar da var idi. Bu zaman Azərbaycanda Türkiyənin mövqeyi
sərt şəkildə tənqid edilmişdi (tənqidin böyük hissəsi Türkiyə rəhbərliyinə
yönəlmişdi). Bu dövrdə QHT-lərin çoxsaylı qarşılıqlı ziyarətləri baş
tutub və birgə toplantılarda inanılmaz yaxınlaşma müşahidə olunub.
Azərbaycandan edilən ziyarətlər içərisində QHT Milli Forumu və QHT
Dövlət Dəstəyi Fondu nümayəndələrinin etdikləri səfərlər və keçirdikləri
tədbirlər ictimaiyyət arasında ciddi əks-səda doğurub.
Azərbaycan və Türkiyənin iqtisadi sahədə araşdırma aparan QHT-
ləri layihələr əsasında əməkdaşlıqlar ediblər. Bu sahədə daha intensiv
işləyən dərnəklərdən biri olan Azərbaycan İqtisadi Araşdırmalar Mərkəzi
Türkiyədəki İqtisadi Araşdırmalar Vəqfi ilə əməkdaşlığı inkişaf etdirmək
üçün qarşılıqlı ziyarətlər həyata keçirib və toplantılar təşkil edib.
Toplantılarda belə qərara alınıb ki, iki ölkə arasındakı iqtisadi əlaqələrin
inkişafı haqqında elmi konfransın təşkili üçün birgə fəaliyyətə start verilsin.
Azərbaycan İqtisadi Tədqiqatlar Mərkəzi (İTM) Türkiyə-Ermənistan
protokolları ilə bağlı Azərbaycan-Türkiyə əlaqələrində gərginlik yaşandığı
dövrdə prosesləri qiymətləndirmək məqsədilə Bakıda Qafqaz Beynəlxalq
Əlaqələr və Strateji Araşdırmalar Mərkəzi (QAFSAM) ilə ortaq şəkildə bir
konfrans da həyata keçirib. Konfransda ikitərəfli əlaqələrin iqtisadi ölçüləri
ətraflı müzakirə mövzusu olub.
QAFSAM həmçinin Türkiyənin iki QHT-si - TÜRKSAM və Azərbaycan
Birlik Təşkilatı (ABT) ilə ortaq şəkildə Türkiyənin çoxsaylı universitet
tələbəsi üçün təqdimat layihəsi reallaşdırıb.
İki ölkənin QHT-ləri arasında səhiyyə sahəsində əməkdaşlıq az
sayda olsa da mövcuddur. Səhiyyə Mənsubları Dərnəyi (SAMEDER) ilə
Beynəlxalq Qeyri-Hökumət Təşkilatlarını Dəstəkləmə və İnkişaf Etdirmə
Dərnəyi (USİDER) tərəfindən reallaşan əməkdaşlıq istiqamətində Türkiyə
ilə Azərbaycan arasında şəfa körpüsü qurulub. Bu layihəyə Azərbaycandan
Səhhətimiz Naminə Təbiblər Dərnəyi (SNT) də qoşulub. Layihə
çərçivəsində Bakıya səfər edən türkiyəli həkimlər dörd min Azərbaycan
vətəndaşını ödənişsiz müayinə ediblər. Bu sahədə nümunə sayıla biləcək
digər bir fəaliyyət mərkəzi Ankarada olan Avrasiya Gastroenteroloji Dərnəyi
tərəfindən həyata keçirilib. Dərnək davamlı olaraq Azərbaycan QHT-ləri ilə
ortaq şəkildə fəaliyyətlər reallaşdırır, tibb sahəsində ortaq elmi işlərə ciddi
töhfələr verir.
157
Azərbaycan və Türkiyə QHT-ləri arasında əlaqələr
Avrasiya Metal İşçiləri Konfederasiyası çərçivəsində, həmçinin birbaşa
Azərbaycan Həmkarlar Təşkilatı Konfederasiyası ilə Kamu-Sen arasındakı
əməkdaşlıq çərçivəsində həyata keçirilən fəaliyyətlər həmkarlar ittifaqı
sahəsində, Avrasiya İnsan Hüquqları Federasiyası çərçivəsində həyata
keçirilən fəaliyyətlər isə insan hüquqları sahəsindəki qeyri-hökumət
təşkilatlarının fəaliyyətlərinə nümunələr təşkil edir. Bundan başqa, media
sahəsində işlər görən Azərbaycan Parlament Müxbirləri Dərnəyinin
Türkiyədəki çoxsaylı milli və yerli jurnalist dərnəkləri ilə imzaladığı
razılaşmalar və həyata keçirilən fəaliyyətlər, türk dünyası jurnalistlərini bir
araya gətirmə səyləri QHT əlaqələrinin nəticəsi kimi diqqəti cəlb edir.
QHT-lərin Azərbaycan-Türkiyə əlaqələrində nisbətən az yer tutduğunu
söyləyə bilərik. Lakin bu fəaliyyət sahələrinin gün keçdikcə daha da inkişafı
və QHT-lərin ikitərəfli əlaqələrdə oynadığı rolun hər keçən gün artdığı da
müşahidə edilir. QHT-lərin xüsusilə həssas mövzularda (Qarabağ problemi,
ŞKTR, PKK terroru) və mühüm proseslərdə (protokollar, Mavi Mərmərə
hücumu və s.) möhkəm bir körpü funksiyası daşıdığı və ciddi bir potensiala
sahib olduğı artıq sübut edilib. Bu sahənin inkişafı və dərinləşməsi üçün
müsbət cəhdlərin intensivliyinin artması faydalı olacaq.
158
AZƏRBAYCAN-TÜRKİYƏ ƏLAQƏLƏRİ SON 20 İLDƏ: UĞURLAR VƏ İMKANLAR
Redaktor:
Mübariz CƏFƏRLİ
Korrektor:
Aqşin MƏMMƏDOV
Tərcüməçi:
Könül MUXTAR
Dizayner:
İntiqam MƏHƏMMƏDLİ
Tiraj: 1000 (min) ədəd
Nəşriyyat:
CBS
Dostları ilə paylaş: |