149
Azərbaycan və Türkiyə QHT-ləri arasında əlaqələr
şübhəsiz, xarici siyasət və eyni zamanda dövlətin digər dövlətlərlə
ikitərəfli münasibətləri də qeyri-hökumət təşkilatları (QHT) adlandırılan
strukturların təsir sahəsinə daxil olmağa başladı. Əvvəlki mərhələyə dair
az sayda nümunələr olsa da, qeyri-hökumət təşkilatlarının xarici siyasətdə
iştirak etməsi daha çox II Dünya müharibəsindən sonrakı dövrə təsadüf
edir. Bu prosesi iki mərhələyə ayırmaq mümkündür. Birinci mərhələ soyuq
müharibənin başladığı, ikinci mərhələ isə soyuq müharibənin sona çatdığı
dövrdür. II Dünya müharibəsindən sonra (soyuq müharibənin başladığı
dövrdə) beynəlxalq qurumların və QHT-lərin beynəlxalq münasibətlərin
yeni elementi kimi ortaya çıxması ənənəvi diplomatiya anlayışının
dəyişməsinə səbəb olub. QHT-lərin xarici siyasətdəki rolunun müasir
səviyyəyə çatması isə birbaşa soyuq müharibədən sonrakı mərhələyə aiddir.
Bu, bir tərəfdən beynəlxalq münasibətlərin təbiətinin dəyişməsi ilə əlaqəli
olub, digər tərəfdən ölkələrin yaşadıqları dəyişikliklərdən və ehtiyaclardan
qaynaqlanıb. Yuxarıda da qeyd edildiyi kimi, demokratik transformasiyalar,
iştirakçılıq və yaxşı idarəetmə qeyri-hökumət təşkilatlarının siyasi
qərarvermə mexanizmində və eyni zamanda, xarici siyasətdə iştirakını
zəruri edib. Dövlətlər yalnız digər hökumət və ya beynəlxalq təşkilatları
deyil, xarici ictimai rəyi də nəzərə alan siyasətləri inkişaf etdirmək
məcburiyyətində qalıb. Bunun nəticəsində klassik diplomatiya anlayışından
və terminlərindən əlavə olaraq ictimaiyyətin, medianın, informasiyanın,
ictimai rəyə təsirin və gündəmin müəyyənləşdirilməsinin əhəmiyyətinin
artması QHT-lərə yeni imkanlar yaratmışdır. Ümumiyyətlə, bu qeyd
olunanlar nəticəsində xarici siyasətdə sadəcə dövlətlər deyil, ictimai
rəy, media, QHT-lər, ictimai xadimlər, elm adamları və ziyalılar, iqtisadi
güclər (milli və beynəlxalq/beynəlmiləl şirkətlər), dövlətin üzvü olduğu və
olunmasını hədəflədiyi beynəlxalq qurumlar, imzalanan və imzalanması
planlaşdırılan beynəlxalq və regional anlaşmalar, dini liderlər və qurumlar
xarici siyasətdə təsir və təzyiq vasitəsi kimi iştirak etməyə başlayıb.
QHT-lər fəaliyyətlərini xarici siyasət kontekstində müxtəlif formalarda
həyata keçirməyə çalışıblar. Onlar dövlətlə əməkdaşlıq edərək, rəsmi
siyasətin tamamlayıcısı kimi bəzi sahələrdə fəaliyyət göstərirlər. QHT-
lər, xüsusilə, dövlətin xarici siyasətində boş saxladığı, ya da çox maraq
göstərmədiyi sahələr üzrə fəaliyyət göstərirlər. Onlar xarici siyasət
mövzularında qərar qəbul edən orqanlarla əməkdaşlıq edir, bu orqanlara
mütəxəssis dəstəyi verir, ictimaiyyəti istiqamətləndirmə mövzusunda
köməklik göstərirlər. QHT-lər rəsmi dövlət siyasətinin təsirinin az olduğu
ölkəyə bu və ya digər yollarla təsir göstərməyə çalışırlar. Məsələn, QHT-
150
Azərbaycan və Türkiyə QHT-ləri arasında əlaqələr
lər xarici siyasətin hədəfinə (digər ölkənin ictimaiyyəti, siyasətçiləri və
mediasına) xitab edərək, bu yolla təsir etməyə cəhd göstərirlər. QHT-lər
beynəlxalq qurumlar vasitəsilə də (birlikdə layihələr həyata keçirməklə və
s.) effektiv fəaliyyət göstərməyə çalışırlar. Vurğulamaq istərdik ki, bəzi
dövlətlər QHT-ləri digər ölkələrin daxili siyasətinə müdaxilə vasitəsi kimi
istifadə edir, nəticədə bəzi dövlətlər də bu mövzuda ciddi narahatlıqlar
keçirirlər. Xüsusilə, postsovet məkanında bu mövzuda ciddi narahatlıqlar
dilə gətirilir. Demokratiyadan çəkinən və QHT-lərin xarici ölkələr tərəfindən
birbaşa olmayan təsir vasitəsi kimi istifadəsi barədə məlumatlara sahib olan
idarəçilər ictimai qurumlarla sərt rəftar edirlər.
QHT-lər Türkiyə və Azərbaycanın xarici siyasətlərində yuxarıda
qeyd edilənlər çərçivəsində, xüsusilə, gözlənilməz proseslər baş verdiyi
zaman daha çox əhəmiyyət qazanmışlar. Məsələn, Türkiyənin ətrafındakı
regionlarda baş verən proseslər bu ölkədəki müxtəlif təbəqələri, yəni
fərqli etnik, dini, dil, mədəni, coğrafi (məsələn, qafqazlı və s.), ideoloji
və s. icmaları hərəkətə keçirib. Türkiyədə yaşayan müxtəlif təbəqələrin
özlərini yaxın hiss etdikləri coğrafiyalarda baş verənlər, yaşanan
müxtəlif problemlər (Bosniya-Herseqovinada yaşananlar, Ermənistanın
Azərbaycan ərazilərini işğal etməsi, Fələstin problemi, Çeçenistan
müharibəsi, Kosova problemi, Abxaziya problemi, İraqda yaşananlar və
xüsusilə türkmənlərin vəziyyəti, uyğurlarla əlaqədar problemlər, Kəşmir
problemi, Krım türklərinin və Ahıska türklərinin vəziyyəti və s.) və
müxtəlif hədəflər (AB üzvlüyü, türk dünyasının inteqrasiyası, müsəlman
dünyasının birliyi, avrasiyaçılıq və s.) ötən əsrin 90-cı illərində Türkiyədə
xarici siyasətin “ictimailəşməsinə”, cəmiyyətin xarici siyasət mövzularına
marağının artmasına və müxtəlif vasitələrlə xarici siyasətdə qərar qəbuluna
təsir etməsinə səbəb olub.
Bununla yanaşı, bir az qlobal, bir az da milli səbəblərə görə xarici siyasət
soyuq müharibə dövrünün standart qəlibindən kənara çıxıb. İqtisadi, ictimai
və siyasi liberallaşmanın təsirləri də hiss edilib. Xarici siyasətdə rəsmi
olmayan vasitələrin öhdəçilik daşıması dövlətdən rol “oğurlama”
kimi şərh
olunur və düşünmək olar ki, bu, xarici siyasətdə yeni kanalların açılmasını
təmin edir. QHT-lər Türkiyənin qardaş toplumlarla əlaqələrində - Qarabağ,
Çeçenistan və Bosniya-Herseqovina nümunələrindən göründüyü kimi
müharibələrdə, Abxaziyada olduğu kimi dövlətin rəsmi siyasətinə paralel
siyasətin inkişaf etdirilməsində əhəmiyyətli bir vasitə funksiyası daşıyıb.
Hazırda beynəlxalq əlaqələr o qədər ictimailəşib ki, bir ölkə (o cümlədən
Türkiyə) ikinci bir ölkə ilə əlaqələrini müəyyən edərkən yalnız daxili və