51
Parlamentlərarasi əlaqələr: nailiyyətlər və perspektivlər
ildə 1416 saylı qətnaməni qəbul etməsinə də Türkiyə nümayəndə heyəti
kömək edib. Bu qətnamə Ermənistandan işğal etdiyi Azərbaycan torpaq-
larından geri çəkilməsini, azərbaycanlı qaçqın və məcburi köçkünlərin
yurd-yuvalarına dönməsinin təmin olunmasını tələb edir. Eyni zaman-
da, Azərbaycan nümayəndə heyəti də daim Türkiyə ilə münasibətlərdə
birmənalı olaraq qardaş ölkəni dəstəkləyib. Türkiyə nümayəndə heyətinin
üzvü Mövlud Cavuşoğlunun AŞPA-nın sədri vəzifəsinə şeçilməsinə aktiv
dəstək verib.
AŞPA-dan başqa iki dövlətin nümayəndə heyətləri ATƏT, NATO, QİƏT
və s. beynəlxalq qurumların parlament təşkilatlarında ciddi əməkdaşlıq
edirlər. Azərbaycan nümayəndə heyətləri bu xarakterli təşkilatlarda qəbul
olunacaq ümumi maraqlara xidmət edən hər hansı bir sənədə imza atmazdan
əvvəl türkiyəli həmkarları ilə də məsləhətləşmələr aparırlar. Hər iki tərəfin
bəzi məsələlərə dair məsləhətləşməsi və müzakirələr aparması, demək olar
ki, ənənəvi xarakter alıb.
2000-ci illərin əvvəllərində iki ölkə parlament üzvlərinin qarşılıqlı
səfərlərində, hər iki ölkənin parlamentində mövcud olan dostluq qrupları-
nın keçirdiyi görüşlərdə ən çox Ermənistanın təcavüzü nəticəsində yaran-
mış Dağlıq Qarabağ münaqişəsi, enerji (Bakı-Tbilisi-Ceyhan neft kəməri;
Bakı-Tbilisi-Ərzurum qaz kəməri; Türkmənistan qazının Azərbaycan və
Türkiyədən keçərək Avropaya idxalı və s.) məsələləri, qondarma erməni
soyqırımı mövzusu, türkiyəli iş adamlarının Azərbaycandakı yatırımları
kimi məqamlar müzakirə olunub.
2002-ci ildən iki ölkənin parlamentləri arasındakı əlaqələr daha da canlan-
mağa başlayıb. TBMM-in sədri Bülənt Arıncın 2005-ci il fevralın 9-da Ba-
kıya səfəri, ardından Milli Məclisin sədri Oqtay Əsədovun 2006-cı il fevralın
8-12-də Türkiyəyə rəsmi səfəri iki ölkə arasında çoxsahəli əlaqələrin inkişa-
fına təkan verib. Bülənt Arıncla keçirilən görüşdə Oqtay Əsədov Atatürkdən
“Azərbaycanın üzüntüsü bizim üzüntümüzdür, Azərbaycanın sevinci bizim
sevincimizdir” sitatını gətirərək iki ölkə parlamentlərarası əlaqələrinin va-
cibliyini vurğulayıb. Azərbaycan-Türkiyə dostluq qrupunun da səfərdə iş-
tirakından danışan Oqtay Əsədov bunun Azərbaycan parlamentində ən bö-
yük qrup olduğunu qeyd edərək “əgər imkan olsaydı, 125 millət vəkilinin
hamısı bu dostluq qrupunda olmaq istəyərdi” fikrini əlavə edib. Türkiyə iş
adamlarının Azərbaycandakı yatırımlara görə 2-ci yerdə olduğunu bildirən
Azərbaycan parlamentinin sədri əlaqələrin güclənməsi üçün parlamentlərarası
əməkdaşlığın əhəmiyyətli olduğunu xatırladıb.
52
Parlamentlərarasi əlaqələr: nailiyyətlər və perspektivlər
2008-ci il iyunun 17-19-da TBMM-in yeni spikeri Köksal Topta-
nın Azərbaycana səfəri zamanı parlamentlərarası əməkdaşlıq məsələləri
müzakirə edilib. Keçirilən görüşlər sadəcə dostluq qrupu və millət
vəkillərini deyil, Azərbaycan parlamentində qanunvericiliyin, informasi-
ya texnologiyalarının, modern kitabxana sisteminin inkişafı üçün aparat
nümayəndələrini də əhatə edib. Görüşün nəticəsi olaraq Milli Məclisin ge-
niş tərkibli qruplarından biri 2010-cu ilin iyulunda TBMM-in təcrübəsindən
yararlanmaq məqsədi ilə Ankarada olub.
2008-ci il iyunun 16-da Azərbaycan-Türkiyə Tarix Araşdırma Cəmiyyəti
(ATAF) qondarma erməni soyqırımını araşdırmaq məqsədilə fəaliyyətə
başlayıb. ATAF-ın təsis edilməsində hər iki ölkənin parlamentləri ciddi səy
göstərib. Qurumun fəxri sədrləri iki ölkənin prezidentləri, sədr müavinləri
isə Türkiyə və Azərbaycanın parlament sədrləri olub.
Bakıda səfərdə olan TBMM-in sədrləri Azərbaycan parlamentində
çıxış edərək dəfələrlə “Dağlıq Qarabağ münaqişəsi həll olunmadan,
Azərbaycanın ərazi bütövlüyü təmin olunmadan, Azərbaycanın 1 mil-
yona yaxın köçkünü dədə-baba yurduna dönmədən Türkiyə-Ermənistan
münasibətlərindən söz gedə bilməz” bəyanatlarını veriblər. Lakin 2009-cu
ilin əvvəllərində Türkiyə və Ermənistan nümayəndələrinin iki ölkə ara-
sındakı münasibətlərin normallaşdırılması və sərhədlərin açılması barədə
Sürixdə gizli müzakirələr aparması həm Azərbaycan-Türkiyə hökumətləri,
həm də iki ölkə parlamentləri arasındakı münasibətlərdə yumşaq sözlə yeni
“qayğılar” yaratmışdı. Bu zaman MHP-li İzmir millət vəkili Şenol Balın
dəvəti ilə 2009-cu il aprelin 15-də Türkiyəyə səfər edən bir qrup qadın
millət vəkili Türkiyədə Prezident Abdullah Gül, TBMM-in sədri Köksal
Toptan, müxalifət partiyaları olan MHP-nin sədri Dövlət Baxçalı, CHP-nin
sədri Dəniz Baykal və digər siyasətçilərlə görüşlərdə son hadisələrlə bağlı
Azərbaycanın narahatçılığını ifadə ediblər.
Millət vəkilləri bütün görüşlərdə qeyd ediblər ki, Türkiyə-Ermənistan
münasibətlərinin qaydaya salınması üçün görülən işlərdə Azərbaycanın ma-
raqlarının nəzərə alınması vacibdir. Türkiyəli millət vəkilləri Azərbaycanın
narahatçılığını anlayışla qarşılayıblar.
Bu səfərinin ardından, aprelin 19-da TBMM-də təmsil olunan müxalifət
partiyaları MHP və CHP üzvü millət vəkillərindən ibarət nümayəndə heyəti
Bakıya gəlib.
TBMM-in yeni sədri Məhmət Əli Şahin ilk xarici ölkə səfərini
Azərbaycana edib. Azərbaycan rəsmiləri ilə görüşən Şahin bildirib ki,
53
Parlamentlərarasi əlaqələr: nailiyyətlər və perspektivlər
Türkiyə hakimiyyətinin Azərbaycanla bağlı siyasətində heç bir dəyişiklik
baş verməyib və Dağlıq Qarabağ məsələsi həll edilmədən, Azərbaycanın
ərazi bütövlüyü təmin olunmadan Ermənistanla heç bir diplomatik
əlaqələrin qurulmasından və sərhədlərin açılmasından söhbət gedə bilməz.
TBMM sədrinin bu səfəri iki ölkə arasında yaranmış gərginliyi azalt-
sa da, “Protokol böhranı” ilə meydana çıxan gərginliyi aradan qaldırmaq
üçün Milli Məclisin Beynəlxalq münasibətlər və parlamentlərarası əlaqələr
komitəsinin sədri Səməd Seyidovun başçılıq etdiyi 11 nəfərlik deputat qru-
pu Ankarada Baş nazir Rəcəb Tayyib Ərdoğan, TBMM-in sədri Məhmət
Əli Şahin, ana müxalifət partiyalarının rəhbərləri ilə görüşlər keçirərək
məsələni müzakirə edib.
Bu səfərdən qısa bir müddət sonra TBMM-in Xarici əlaqələr komitəsinin
sədri Murad Mərcanın rəhbərliyi ilə nümayəndə heyəti Azərbaycana gəlib.
Prezident İlham Əliyev və parlamentin sədri Oqtay Əsədovla görüşən
nümayəndə heyəti Azərbaycanın maraqlarını zədələyəcək heç bir addım
atılmayacağını bir daha bəyan edib.
Türkiyə Ermənistan ilə sərhədini açmayıb. Bu məsələ ilə bağlı görüşlərin
birində Azərbaycan Respublikasının Prezidenti İlham Əliyev “dünyada
Türkiyə ilə Azərbaycan qədər səmimi əməkdaşlıq edən ölkələr yoxdur”
deyərək ölkələr arasındakı münasibətlərin səviyyəsini qiymətləndirib.
Ɔ
Türkdilli Dövlətlərin Parlament Assambleyasının qurulmasına
gedən yol
Dövlət müstəqilliyinin bərpasından ötən illər ərzində Azərbaycan ilə
Türkiyə arasında çoxtərəfli parlament əlaqələri özünəməxsus yer tutub. Belə
əməkdaşlıq qurumlarından biri Türkdilli Dövlətlərin Parlament Assamble-
yası olub. Dövlətçilik, müstəqillik, ərazi bütövlüyü, milli təhlükəsizliyin
qorunması, beynəlxalq aləmə çoxtərəfli inteqrasiyanın təmin olunması,
iqtisadi və geostrateji maraqların həyata keçirilməsi xarici siyasətdə mü-
hüm vəzifələrdən biridir. Dövlətlərin ikitərəfli əməkdaşlıqla yanaşı, regio-
nal və daha geniş qlobal mexanizmlər çərçivəsində çoxtərəfli əməkdaşlığı
bu istiqamətlərin reallaşması baxımından mühüm əhəmiyyət kəsb edir.
Beynəlxalq münasibətlərin mövcud vəziyyətində hər bir dövlətin beynəlxalq
həyatda nüfuz və mövqeyinin möhkəmlətməsi, ümummilli problemlərin
həllinə yönəlmiş addımlarını beynəlxalq təşkilatlar çərçivəsində reallaş-
dırması məhz çoxtərəfli əməkdaşlıqla, digər dövlətlərin kollektiv dəstəyini
Dostları ilə paylaş: |