24
artmağa başlayır. Bu fəallıq abbasilər xilafətinin zəiflədiyi X əsrin əvvəllərində daha ciddi
xarakter alır. Elə həmin dövrdə (934-938-ci illərdə)
Deysəm ibn İbrahim əl-Kürdi
Azərbaycna əyalətində hakimiyyəti ələ keçirərək müstəqil dövlət qurmağa nail oldu (Bu
barədə II hissədə geniş məlumat verilir)
928-ci ildə görkəmli kürd sərkərdəsi, deməli (sonralar Azərbaycandili mənbələrdə
milli) tayfasının başçısı Mərdəvic ibn Ziyar (Ziyar ibn Müsafir 890-cı ildə Deyləm və
Təbəristanı ərəblərdən azad etmişdi) Təbəristan və Gürgan (Qorqan) əyalətlərində
hakmiyyəti ələ keçirərək Ziyarilər sülaləsinin (928-1045) əsasını qoydu (34,81). Mərdəvic
ibn Ziyar Həmədandan sonra Xalvan İsfaham ərəb işğalçılarından azad etdi. Beləliklə Şərq
Kürdüstan əyalətləri üzərində ərəb xilafətinin hakimiyyətinə son qoyuldu.
945-ci ildə Əhməd Buheyvinin başçılığı ilə Bağdadı ələ keçirən və abbasilər
sülələsinin hakimiyyətinə son qoyan buheyvilərin qoşununda kürdlərin iştirakını bir çox
ərəb mənbələri təsdiq edir (33,64). Hətta, bəzi tətqiqatçıların fikrinə görə abbasilər
sülaləsinin (başqa sözlə ərəb xilafətinin) hakimiyyətinə son qoyan Buheyvilərin mənşəyi
kürdlərlə bağlıdır.
Ərəb xilafətinin dağılmağa doğru getdiyini görən bəzi kürd fedalları öz
hakimiyyətlərini gücləndirərək, müstəqil dövlət qurmağa başladılar. Məsələn, 961-ci ildə
bir sıra kürd tayfalarını öz ətrafında birləşdirən Həsənvayh ibn əl-Kürdi paytaxtı Dinavər
olan müstəqil
Həsənvayhilər əmirliyinin və sülaləsinin (961-1015) əsasını qoydu
(35,114). Həsənvay ibn əl- Kürdinin ölümündən sonra hakimiyyət onun oğlu Bədrə keçdi
(979-1015). Həsənvayh əmirliyinə Həmədan, Dinavər, Həhavənd, Əsədabad və digər
rayonlar daxil idi. Böyük kürd tarixçisi Şərəf xan Bidlisi yazır ki, Bədrin hakimiyyəti
zamanı Dinavərdən Əhvaza, Xuzistana, Burucizdə, Əsədabada və Nəhavəndə qədər olan
bütün qalalar, dağlar və düzənliklər Həsənvayh əmirliyinə tabe idi (11, 91).
Ərəb mənbələri Bədrin öz əmirliyində islam dininin yayılmasına və inkişafına
böyük diqqət yetirdiyini qeyd edirlər. Məsələn, İbn əl-Cauzi yazır ki, Bədr hər il 20
nəfərin həccə getməsi üçün min dinar xərcləyir, hər cümə günü yoxsulları və dul qadınlara
1000 dirhəm verir, Həccə gedənlər üçün ayaqqabı tikilməsinə hər il 3000 dinar ayırır, hər
ay 20000 dirhəm ölənlərin kəfəni üçün xərcləyir. Daha sonra həmin müəllif qeyd edir ki,
Bədr öz ərazilərində 3000-dən çox məscid tikdirmişdir (33,72-73).
Ümumiyyətlə, X-XIII əsrlərdə yadelli işğalçılara qarşı mübarizəni daha da
gücləndirən kürdlər böyük tayfa imperiyası yaratmağa nail olmuşdur. Kürd
tarixşünaslığının “şah əsəri” olan “Şərəfnamə” də və digər xalqlara aid bir çox elmi
mənbələrdə qeyd edildiyi kimi, bu dövrdə kürd sülalələri və tayfa birləşmələri Diyarbəkir,
Cəzirə, Dinavər, Şəhrizur, Luristan, Şam (Suriya), Misir, Fars, Azərbaycan (Gəncə),
Ərməniyyə (indiki Ermənistan) və s. əyalətlərdə müstəqil hökumət təşkil etmişlər (29,51).
25
Onu da qeyd edək ki, həmin hökumətlərdən və sülalələrdən bəziləri öz müstəqilliyini XIX
əsrin 30-cu illərinədək (Dersim kürdləri) qoruyub saxlaya bilmişdir.
Güclü hökumət qurmuş və əsirlər boyu öz hakimiyyətini davam etdirmiş qüdrətli
kür sülalələrindən Şəddadilər (II hissədə bu sülalənin Azərbaycan və Ermənistan
ərazisində qurduğu feodal dövlət haqqında geniş bəhs edilir), Mərvanilər, Rəvvadilər,
Əyyabilər, Bani Ərdəlan, Bidlisilər, dərsimlilər və s. Xüsusi qeyd etmək lazımdır. Həmin
sülalələrin qurduğu müstəqil hökumət və dövlətlərin tarixinə aid xülasəni burada qeyd
etməyi məqsədəuyğun hesab edirik.
Rəvvadilər sülaləsinin qurduğu Rəvvadilər dövləti haqqında Azərbaycan sovet
Ensklopediyasının VIII cildində oxuyuruq: “Rəvvadilər dövləti-Azərbaycanda orta əsr
feodal dövləti (10 əsrin yarısı-1116/17). Paytaxt təbriz şəhəri idi. Ərəb xilafətinin
zəifləməsi dövründə meydana gəlmiş dövlətlərdən biri olan Rəvvadilər dövlətinin əsasını
Vəcna ibn-Ər-Rəvvad qoymuşdur. Hələ VIII sərdən Azərbaycanda məskən salmış əzdi
ərəb nəslinə mənsub olan Rəvvadilər Marağa, Təbriz, Əhər və s. yerlərdə hakimlik etmiş,
hakimlik etmiş, Salarilər dövlətin. Son qoyaraq, Azərbaycanın cənub və cənub qərb
vilayətlərində hakimiyyəti ələ keçirmişdilər” (37,128). Elmi mənbələrə əsasında verilmiş
bu qısa məlumatda hər şey doğrudur; bircə faktdan-Əzdilərin ərəb əsilli olmasından-başqa
Rəvvadilərin kürd mənşəli olması və hələ VIII əsrdə ərəb xilafətinə qarşı mübarizə
aparması haqqında bir çox tətqiqatçılar, o, cümlədən görkəmli gürcü alimi A.M.
Menteşaşvili fikir söyləmişdir (36,3).
Rəvvadi
dövləti haqqında ASE-də
verilmiş bu qısa məlumatda onu da
dəqiqləşdirməyə ehtiyac vardır ki, bu dövlətin ərazisi Azərbaycanın cənub və cənub-qərb
vilayətlərini deyil, həmçinin Kürdüstanın şərq hissəsini (İran Kürdüstanı) də əhatə edirdi.
Daha sonra ASE-də qeyd olunduğu kimi, Təbrizdə möhkəmlənən Rəvvad əl-Əzdi,
sonralar isə onun oğlu Vəcna ibn ər-Rəvvad xilafətə tabe olmaqdan imtina etdi.
Məhəmməd ibn ər-Rəvvadın dövründə Rəvvadi dövləti yarımmüstəqil fəaliyyət göstərirdi.
Vəhsudan ibn Məhəmməd və onun oğlu Məmlan ibn Vəhsudanın hakimiyyəti illərində
Rəvvadilər dövləti iqtisadi-siyasi və mədəni cəhətdən inkişaf etdi. Müharibə zamanı
Rəvvadi dövləti 100 minə yaxın yaxın piyada və süvari qoşunu döyüş meydanına
çıxarmağa qadir idi (37,128).
Rəvvadi hökmdarları Vəhsadan ibn Məhəmməd və və Məmlan ibn Vəhsudan qərbə
doğru irəliləyən oğuzları, sonralar isə Səlcuqlara qarşı uğurla mübarizə aparmışlar. Belə ki,
1038-ci ildə Azərbaycana soxulmuş oğuzları məğlubiyyətə uğratdı və onlara qarşı Şəddadi
hökmdarı ləşkəri ilə ittifqa girdi. 1054-cü ildə Vəhsudan Azərbaycanı işğal edən Səlcuq
sultanı toğrula tabe oldu. Vəhsudanın yerinə keçən oğlu Məmlan müstəqilliyə can atdığı
Dostları ilə paylaş: |