1. O’yin texnikasi. Darvozabon o‘yinining texnikasi

Chalg‘itishlar (fint). Bu usulni to‘psiz va to‘p bilan bajarish mumkin. To‘psiz chalg‘itishlarda ko‘proq uni qarshiliksiz qabul qilish uchun himoyachilarning yaqinida turganda ta’qibdan qutilish maqsadida foydalaniladi. To‘p bilan chalg‘itishlar uzatish, otish yoki yerga urib yurishni qarshiliksiz bajarish uchun qo‘llaniladi.
Chalg‘itishlar murakkab harakatlar yordamida bajariladi, hammasidan ko‘proq bir-biriga bog‘liq bo‘lgan bosqich (faza): anchagina sekin chalg‘itish harakati texnik usulining qulay paytida qo‘llanilishi va tez asosiy usulni amalga oshirishga bog‘liqdir.
Ikki va undan ortiq usullardan tashkil topgan chalg‘itishlar ikki turga bo‘linadi: oddiy va murakkab. Bir harakatdan ikkinchi harakatga o‘tishda qancha kam vaqt sarflansa, raqibni aldab o‘tish shuncha imkoniyat yaratiladi.
To‘pni uzatishda usullarni o‘zgartirib to‘p yo‘nalishini va to‘p uzatishda to‘xtab qolish paytlarida chalg‘itishlar qo‘llaniladi. Eng ko‘p tarqalgan chalg‘itish bu to‘pni otmoqchi bo‘lib, so‘ng to‘pni uzatishdir (bosh orqasidan, orqa va yon tomondan).
To‘p otishda to‘pni uzatayotganday harakat qilish yoki bir usulda to‘p otmoqchi bo‘lib, ikkinchi usuldan foydalanish, sakrab to‘p otmoqchi bo‘lib yerga tushib himoyachini aldab o‘tish juda foydalidir.
Chalg‘itishlarni, ayniqsa, himoyachini aldab o‘tishda qo‘llash muhimdir. Bu bir va ikki qadamli harakat bo‘lishi mumkin. Chalg‘itish sifatida qadam qo‘yish, hamla qilish va to‘p uzatishlardan foydalaniladi.
To‘siq. Bu hujumchilarning himoyachilar panohidan qutilishi uchun qo‘llaniladigan foydali vositadir. Gandbol o‘yinida to‘siqlar yakka holda va o‘yinchilar guruhi tomonidan qo‘yilishi mumkin.
Guruh bo‘lib to‘siq qo‘yish 9 metrli erkin to‘p tashlash chizig‘idan to‘p otishda qo‘llaniladi, bu bir necha hujumchining bir -biriga yaqin turib, to‘p egallamoqchi bo‘lgan hujumchiga peshvoz chiqayotgan himoyachilar yo‘lini to‘sishdan iboratdir.
Himoya o‘yini texnikasi
O‘yinchilarning himoya texnikasiga to‘pni olib yurish, urib qaytarish, to‘siq qo‘yish va darvozabon orqali to‘pni ushlab olishlar kiradi.
Dastlabki holatda to‘g‘ri turish himoya harakati tayyorgarligiga zamin yaratadi. O‘yinchi oyoqlarini bukib, gavda og‘irligini kaftlarning oldingi qismiga barobar taqsimlab, qo‘llarni bukkan holda (burchagi taxminan 90 %) bir oz ikki tomonga yoyib, qo‘l kaftlarini oldinga qaratib turishi kerak. Yon tomonga erkin yura olish va orqa bilan yugura bilish himoyachi harakati texnikasining eng muhim usullaridir.