1 xalid mahmud
Yüklə 4,95 Mb. Pdf görüntüsü
|
Əbədiyyət yolçuları 86 ARİF NURİYEV (19?? - 1994) Nuriyev Arif Ələsgər oğlu- Lerik rayonunda anadan olub. Orta məktəbi bitirdikdən sonra Qorki Ali Hərbi İnşaat Mühən- disləri məktəbinə daxil olur. Qara- bağ savaşı başlandığından təhsilini yarımçıq qoyaraq vətənə qayıdır, burada Ali Umumqoşun Komandirləri məktəbinin 4-cü kursuna qəbul edilir və buranı bitirərək leytenant hərbi rütbəsi alır. Arif məktəbi bitirdikdən sonra Milli ordu sıralarında xidmətə başlayır və komendant tağımına rəhbərlik edir. 1993- cü ilin mart ayında Geranboy ətrafında gedən döyüşlərdə şəxsi igidliklər göstərərək peşəkar zabit kimi özünü göstərir. Sonralar Arifin rəhbərlik etdiyi tağım Ağdamın Güllücə və İlxıçılar kəndi uğrunda gedən döyüşlərdə düşmənə ağır zər- bələr endirir. 1994-cü ilin yanvar ayının 8-də İlxıçılar kəndi uğ- runda gedən göyüşlərdə Baş leytenant Arif Nuriyev düşmən gülləsinə tuş gələrək qəhrəmancasına şəhid olur. Polkovnik E. Qəniyevin imzaladığı məlumatda deyi- lir:“Arif Nuriyev özünü yüksək qabiliyyətli, bacarıqlı, əsgərlərin hörmətini qazanan zabit kimi göstərirdi. O, tor- paqlarımız uğrunda döyüşlərdə 20-ə yaxın düşməni məhv etmiş və hərbi texnika ələ keçirmişdir.” Arifin son sözü “ancaq irəli” olmuşdur. Əbədiyyət yolçuları 87 ƏLİYEV NADİR Əliyev Nadir Möhkəm oğlu – Lerik rayonununda anadan olub. 1986-cı ildə C. Naxçıvanski adına Ali Hərbi Litseyi bitirib. Litseyi bitirdikdən sonra Blaqoveşşensk Umumqoşun Ali Hərbi Koman- dirləri Məktəbinə daxil olub, Daşkənddə təhsilini davam etdirir. 1992-ci ilin may ayında Bakı Umumqoşun Ali Hərbi Komandirləri Məktəbinə gəlir, üçüncü kursu bitirdikdən sonra ona vaxtından əvvəl leytenant hərbi rütbəsi verilir və məktəbdə tağım komandiri vəzifəsində saxlanılır. Cəbhədə vəziyyət ağırlaşanda Nadir Əliyev bölük komandiri kimi Ağdamın Yusifcanlı, Mərizli, Novruzlu və digər məntəqələrinə gedərək döyüşlərdə iştirak edir. Daha sonra Müdafiə Nazirliyinin əmrinə əsasən Naxçı- vanda yerləşən hərbi briqadanın sərəncamına göndərilir, yaxşı xidmətlərinə görə baş leytenant rütbəsi alaraq bölük koman- diri təyin edilir. Nadir yüksək intizamı və hərbi qabliyyəti ilə fərq- ləndiyinə görə xidmət etdiyi taborun qərərgah rəisi vəzifəsinə təyin edilir. Nadir Əliyevin rəhbərlik etdiyi tabor Ordubad rayonunda yerləşən Soyuqdağ yüksəkliyini düşməndən qoru- yurdu. Qorxmazlığı və döyüş bacarığı ilə seçilən Nadir burada xidməti vəzifəsini yerinə yetirərkən qəhrəmancasına şəhid olmuşdur. Əbədiyyət yolçuları 88 XALİQ QƏMBƏROV (1975-1993) Qəmbərov Xaliq Şəxsin oğlu– 04 yanvar 1975-ci ildə Lerik ra- yonunun Barzavu kəndində ana- dan olub. 1982-ci ildə Barzavu kənd orta məktəbinin birinci sinfinə daxil olub, 1992-ci ildə həmin məktəbin onuncu sinfini bitirib. Xaliq hələ orta məktəbdə oxuyarkən müəllimlərinin hörmətini qazanmış, əlaçı şagird kimi ad çıxarmışdır. Onun arzusu ali məktəbə qəbul olmaq, riyaziyyat elminin sirlərini öyrənmək və öyrətmək idi. Lakin Qarabağda başlanan müha- ribə buna imkan vermədi. Xaliq orta məktəbi bitirdikdən sonra Lerik rayon Hərbi komissarlığı tərəfindən həqiqi hərbi xidmətə çağrılaraq Milli ordu sıralarına yola salınır. Xaliqin döyüş yolu Qarabağ cəbhəsinin müxtəlif isti- qamətlərindən keçir. Son döyüş yeri Ağdərə cəbhəsi olur. O, Ağdərə rayonu uğrunda gedən döyüşlərdə iştirak edərək qəhrəmanlıqlar göstərir. Xaliq Qəmbərov 20 dekabr 1993-cü ildə Ağdərə döyüşlərində mina partlayışı nəticəsində qəhrəmancasına şəhid olur. Hal-hazırda Barzavu kənd orta məktəbi Qəmbərov Xaliq Şəxsin oğlunun adını daşıyır. Əbədiyyət yolçuları 89 QORXMAZ RƏHİMOV (1977-1998) Qorxmaz Gülhəsən oğlu – 1977-ci il sentyabr ayının 13-də Lerik rayonunun Cəngəmiran kəndində anadan olmuşdur. 1984-cü ildə Cəngəmiran kənd orta məktəbinin birinci sinfinə daxil olub, 1994-cü ildə həmin məktəbin onuncu sinfini bitirib. Orta məktəbi bitirdikdən sonra 1995-ci ilin oktyabr ayında Lerik rayon Hərbi komissarlığı tərəfindən həqiqi hərbi xidmətə çağrılaraq milli ordu sıralarına yola salınır. Qorxmaz hərbi xidmətə 888 N-li hərbi hissədə başla- mış, nümunəvi davranışları ilə komandirlərinin hörmətini qazanmışdır. 1997-ci ildə Gədəbəy rayonunda yerləşən hərbi his- səyə göndərilmişdir. Sərhədlərimizin keşiyində ayıq-sayıq dayanan bu gənc qəhrəman 1998-ci il mart ayının 19-da Gədəbəy rayo- nunda xidməti borcunu yerinə yetirərkən düşmən gülləsinə tuş gəlir və şəhidlik zirvəsinə ucalır. Şəhidin cənazəsi Lerik rayonunun Cəngəmiran kəndinə gətirilərək Xəlifə Zəkəriyyə qəbiristanlığının Şəhidlər komplek- sində dəfn edilir. Yüklə 4,95 Mb. Dostları ilə paylaş:
|