1 xalid mahmud
Yüklə 4,95 Mb. Pdf görüntüsü
|
- Bu səhifədəki naviqasiya:
- Fərzullayev Vaqif Ulduz oğlu
Əbədiyyət yolçuları 74 ZAHİR BƏBİROV (1974 - 1994) Bəbirov Zahir Bayraməli oğlu– 1974-cü ildə Lerik rayonunun Nuravud kəndində anadan olub. 1981-ci ildə Nuravud kənd orta məktəbinin birinci sinfinə qəbul olunub, 1991-ci ildə həmin məktəbin onuncu sinfini bitirib. Orta məktəbini bitirdikdən sonra1992-ci ildə Lerik rayon Hərbi komissarlığı tərəfindən həqiqi hərbi xidmətə çağrılaraq cəbhə bölgəsinə göndərilir. Döyüş yolu Fizuli cəbhəsindən keçən. Zahir Bəbirov Fizuli rayonu uğrunda gedən döyüşlərdə əsl qəhrəmanlıq nümayiş etdirərək döyüş yoldaşları ilə bərabər quduzlaş- mış düşmənə sarsıdıcı zərbələr endirir. Ürəyi vətən eşqiylə döyünürdü Zahirin. Nəyin baha- sına olursa, olsun, xain düşmənin ayağını torpaqlarımızdan kəsməyə çalışırdı. Döyüş meydanına girəndə əsl qəhrəman kimi döyüşürdü. Açdığı sərrast atəşlərlə düşmənin olduğu yeri onun üçün cəhənnəmə çevirirdi. Vətənin qəhrəman oğlu 26 yanvar 1994-cü ildə Şişqaya yüksəkliyi uğrunda gedən döyüşlərdə düşmən gülləsinə tuş gələrək qəhrəmancasına şəhid olur. Şəhidin cənazəsi doğulduğu kəndə gətirilərək torpağa tapşırılmışdır. Əbədiyyət yolçuları 75 MÜŞFİQ CƏFƏROV (1974 - 1994) Cəfərov Müşfiq İlyas oğlu – 13 aprel 1974-cü ildə Lerik rayo- nunun Mondigah kəndində ana- dan olub. 1981-ci ildə Mondigah kənd orta məktəbinin birinci sin- finə qəbul olunub, 1991-ci ildə həmin məktəbin onuncu sinfini bitirib. Orta məktəbi bitirdikdən sonra Lerik rayon Hərbi komissarlığı tərəfindən həqiqi hərbi xidmətə çağrılaraq cəbhə bölgəsinə yola salınır. Müşfiqin döyüş yolu Laçın rayonundan başlanır. Sonra o, Fizuli və Kəlbəcər rayonları uğrunda gedən döyüşlərdə iştirak edir. O, bir əsgər kimi dəfələrlə düşmənə zərbələr en- dirərək torpaqlarımızın müdafiəsində öz döyüş məharətini göstərir. 1994-cü il yanvar ayının 26-da Kəlbəcərin müdafiəsi uğrunda gedən döyüşlər zamanı Müşfiq əlindəki qumbara ilə özünü yaxınlaşan düşmən BTR-in altına ataraq həm düşmən texnikasını və canlı qüvvəsini sıradan çıxarır, həm də özü qəhrəmancasına şəhid olur. Şəhidin cənazəsi doğulduğu kəndə gətirilərək torpağa tapşırılır. Əbədiyyət yolçuları 76 VAQİF FƏRZULLAYEV (1967 – 1992) Fərzullayev Vaqif Ulduz oğlu– Əslən Lerik rayonunun Rəzəvul kəndindən olan Vaqif 1967-ci il- də Sabirabad rayonunda anadan olub. Orta məktəbi bitirdikdən sonra Sabirabad rayon Hərbi komissarlığı tərəfindən həqiqi hərbi xidmətə çağrılaraq keçmiş Sovet ordu sıralarına yola salınır. Vaqif hərbi xidmətini başa vurduqdan sonra vətənə qayıdır. Qarabağ savaşı başlananda Vaqif də digər qeyrətli vətən oğulları kimi könüllü olaraq döyüşə yollanır. Onun döyüş yolu Qarabağ cəbhəsinin müxtəlif istiqamətlərindən keçir. Torpaqlarımızın müdafiəsində göstərdiyi rəşadət və hünər komandirləri tərəfindən həmişə qiymətləndirilib. Ordu qüvvələrinin qeyri-bərabər olduğu bir vaxtda döyüş- lərə atılaraq düşmənə qarşı mübarizə aparan yüzlərlə vətən övladı kimi Vaqif də vətənə olan borcunu şərəflə yerinə yetirməyə çalışıb, ölümdən çəkinmədən düşmənlərlə mü- barizə aparıb. Vaqif Fərzullayev 1994-cü ilin aprel ayında düşmən gülləsinə tuş gələrək qəhrəmancasına şəhid olub. Şəhidin cənazəsi doğulduğu rayona gətirilərək hörmət və ehtiramla dəfn olunur. Əbədiyyət yolçuları 77 ZAKİR FƏRZULLAYEV (19?? – 1994) Fərzullayev Zakir Ulduz oğlu– Əslən Lerik rayonunun Rəzəvul kəndindən olan Zakir Sabirabad rayonunda anadan olub. Orta məktəbi bitirdikdən sonra Sabi- rabad rayon Hərbi komissarlığı tərəfindən hərbi xidmətə yola salınıb. Qarabağ savaşı başlananda Vaqif də digər qeyrətli vətən oğulları kimi könüllü olaraq döyüşə yollanır. Onun döyüş yolu Qarabağ cəbhəsinin müxtəlif istiqamətlərindən keçib. Zakir torpaqlarımız uğrunda gedən döyüşlərdə işti- rak edərək igidliklər göstərir. Zakir Fərzullayev Qarabağ uğrunda gedən döyüşlər zamanı misilsiz igidliklər göstərir, bir çox döyüş əməliy- yatlarında iştirak edir, vətənə olan borcunu sədaqətlə yerinə yetirməyə çalışır. O, 1994-cü ildə düşmən gülləsinə tuş gələrək qəhrə- mancasına şəhid olur. Şəhidin cənazəsi doğulduğu rayona gətirilərək torpağa tapşırılır. Yüklə 4,95 Mb. Dostları ilə paylaş:
|