Əbədiyyət yolçuları
66
ŞAHİN SADIXOV
( 1974 – 1994 )
Sadıxov Şahin Xanhüseyn oğlu –
1974-cü ildə Lerik rayonunun
Əvilə kəndində anadan olub.
1981-ci ildə Əvilə kənd səkkizillik
məktəbinin birinci sinfinə daxil
olub, 1989-cu ildə həmin məktəbi
bitirib. Daha sonra təhsilini Murya kənd orta məktəbində
davam etdirmiş, 1991-ci ildə Murya kənd orta məktəbinin
onuncu sinfini bitirib.
Ali təhsil almaqdan ötrü Bakı şəhərinə gedərək Bakı
Rabitə Texnikomuna qəbul olunub.
Qarabağ savaşı başlandığından Şahin təhsilini yarımçıq
saxlayıb könüllü olaraq cəbhəyə yollanıb. Torpaqlarımızın
müdafiəsində şəxsi igidliklər göstərib, dəfələrlə komandir-
lərinin fəxri fərmanları ilə təltif olunub.
Vətənin igid oğlu 19 may 1994-cü ildə Tərtər rayonu
uğrunda gedən döyüşlərdə qəhrəmancasına şəhid olub.
Ölümündən sonra şəhidin adı əbədiləşdirilib, Lerik
rayon Xalq Deputatları Soveti Rəyasət Heyətinin 15 iyul 1994-
cü il 46 saylı qərarı ilə oxuduğu Əvilə kənd əsas orta məktəbinə
şəhid Şahin Xanhüseyn oğlu Sadıxovun adı verilib.
Əbədiyyət yolçuları
67
XAQANİ RÜSTƏMOV
(19?? – 1992)
Rüstəmov Xaqani Xanıbəy oğlu
–Bakı şəhərində anadan olub.
Atası Xanıbəy Lerik rayonunun
Brkandül kəndindəndir. Babası
Xanəli 1937-ci ilin represiya
qurbanlarındandır. Xaqani orta
məktəbi Bakı şəhərindəki məktəblərdən birində başa
vurub. C. Naxçıvanski adına Ali Hərbi məktəbdə təhsil almış,
məktəbi bitirdikdən sonra Kazan Ali Hərbi Tank məktəbinə
daxil olub. Bu məktəbi bitirdikdən sonra Svedlovskda xidmət
edib. Daha sonra keçmiş sovetlər birliyinin Əfqanıstandakı
məhdud qoşun kontingentindəki xüsusi dəstənin komandiri
olub.
Qarabağ savaşı başlayanda Xaqani də digər qeyrətli
vətən oğulları kimi könüllü olaraq milli ordu sıralarına qoşu-
laraq bir zabit kimi ordumuzun formalaşmasında böyük xid-
mətlər göstərib. Xaqaninin döyüş yolu Qarabağ cəbhəsinin
müxtəlif istiqamətlərindən keçib. O, Qarabağ uğrunda gedən
döyüşlərdə iştirak edərək qəhrəmanlıqlar göstərib, döyüş
taktikası ilə dəfələrlə düşməni ağır məğlubiyyətə uğradaraq
onların çoxlu canlı qüvvəsini və döyüş texnikasını sıradan
çıxarıb. Adını eşidəndə qorxuya düşən xain düşmən bu
qəhrəman vətən oğlunun başı üçün 1000 dollar pul da
ayırıbmışlar..
Cəsur kapitan Xaqani Rüstəmov 1992-cü ilin may ayın-
da torpaqlarımız uğrunda gedən qanlı döyüşlər zamanı düş-
mən gülləsinə tuş gələrək qəhrəmancasına şəhid olub.
Əbədiyyət yolçuları
68
QİYAS ƏHƏDOV
(1974 – 1993)
Əhədov Qiyas İsaxan oğlu –
1974-cü il aprel ayının 12-də
Lerik rayonunun Xanagah kən-
dində anadan olub. 1981-ci ildə
Xanagah kənd orta məktəbinin
birinci sinifinə qəbul olunub, 1991-ci ildə həmin məktəbin
onuncu sinfini bitirib.
Orta məktəbi bitirdikdən sonra Lerik rayon Hərbi
komissarlığı tərəfindən həqiqi hərbi xidmətə çağrılaraq cəbhə
bölgəsinə yola salınıb.
Qiyasın döyüş yolu Laçın cəbhəsindən başlyır. Laçın
uğrunda gedən döyüşlərdə iştirak edib və qəhrəmanlıqlar
göstərib.
1993-cü ilin sentyabr ayında Beyləqan istiqamətində
gedən döyüşlərdə iştirak edib. Bu döyüşlərdə Qiyas xüsusi
döyüş məharəti göstərərək düşmənin çoxlu canlı qüvvəsini
məhv etmiş və bir döyüş tankını əl qumbarası ilə partladaraq
sıradan çıxarıb.
Qiyas Əhədov 1993-cü il dekabr ayının 26-da Xocavənd
rayonu uğrunda gedən döyüşlərdə qəhrəmancasına şəhid olub.
Ölümündən sonra şəhidin adı əbədiləşdirilmiş, Xanagah
kənd tam orta məktəbinə Əhədov Qiyas İsaxan oğlunun adı
verilib.
Əbədiyyət yolçuları
69
VAHAB ƏSƏDOV
(1972 - 1994)
Əsədov Vahab Ayaz oğlu –
1972-ci ildə Lerik rayonunun
Kirəvud kəndində anadan olub.
1980-ci ildə Kirəvud kənd
səkkizillik məktəbinin birinci
sinfinə qəbul olunub, 1988-ci ildə həmin məktəbi, 1990-cı
ildə isə qonşu Boykəndil kənd orta məktəbini bitirib.
Orta məktəbi bitirdikdən sonra Lerik rayon Hərbi
komissarlığı tərəfindən həqiqi hərbi xidmətə çağrılaraq keçmiş
Sovet ordu sıralarına yola salınıb. Lakin Qarabağ savaşı
başlandığından sovet ordu sıralarında hərbi xidmətini
yarımçıq saxlayaraq vətənə qayıtmış, könüllü olaraq milli
ordu sıralarına qoşulmuşdur.
Vahab Qarabağ cəbhəsinin müxtəlif bölgələrində, xü-
susən də Ağdam, Ağdərə və Fizuli rayonları uğrunda gedən
döyüşlərdə iştirak edərək xain düşmənə qarşı vuruşub.
Vahab Fizulinin Kərimbəyli kəndi və Ağdərənin
Təzəkənd kəndi uğrunda gedən döyüşlərdə xüsusi fəallıq
göstərərək fərqlənib.
Döyüş yolu bir ay iki gün çəkən Vahab Əsədov 22
may 1994-cü ildə Fizuli rayonu uğrunda gedən döyüşlərdə
qəhrəmancasına şəhid olub.
Dostları ilə paylaş: |