1 xalid mahmud
Yüklə 4,95 Mb. Pdf görüntüsü
|
- Bu səhifədəki naviqasiya:
- Balamir Şirməmməd oğlu
Əbədiyyət yolçuları 50 TALIŞXAN SADIXOV (1978-1997) Sadıxov Talışxan Xudakərim oğlu - 1978-ci ildə Lerik rayonunun Orand kəndində anadan olub. 1985-ci ildə Orand kənd orta məktəbinin birinci sinfinə daxil olub, 1995-ci ildə həmin məktəbin onuncu sinfini bitirib. Orta məktəbi bitirdikdən sonra 1996-cı il iyun ayının 5- də Lerik rayon Hərbi komissarlığı tərəfindən həqiqi hərbi xidmətə çağrılan Talışxan Şəmkir rayonundakı hərbi korpusa yola salınır. Oradan isə Qazax rayonunda yerləşən hərbi hissəyə göndərilir. 1994-cü ildən atəşkəs rejiminin elan olunmasına bax- mayaraq mənfur qonşularımız xain niyyətlərindən əl çəkmir, vaxtaşırı Milli ordumuzun mövqelərinə qəfil hücumlar təşkil edirlər. Torpaqlarımızın müdafiəsində ayıq-sayıq keşik çəkən Talışxan dəfələrlə bu hücumların qarşısının alınmasında igid- liklər göstərir. Talışxan Sadıxov növbəti döyüşlərin birində 1997-ci il sentiyabrın 15-də Qazax rayonunda qəhrəmancasına şəhid olub. Şəhidin cənazəsi doğulduğu kəndə gətirilərək torpağa tapşırılıb. Əbədiyyət yolçuları 51 VALEH RƏHİMOV (1976-1995) Rəhimov Valeh Yaqub oğlu – 29 fevral 1976-cı ildə Lerik rayo- nu Veri-Əliabad kəndində anadan olub. 1983-cü ildə Veri-Əliabad 8- illik kənd natamam orta məktəbi- nin birinci sinfinə daxil olub, 1993-cü ildə Veri kənd orta məktəbinin onuncu sinfini bitirib. Orta məktəbi bitirdikdən sonra 1994-cü ildə Lerik rayon hərbi komissarlığı tərəfindən həqiqi hərbi xidmətə çağırılaraq cəbhə bölgəsinə yola salınıb. Valeh Qarabağ cəbhəsinin müxtəlif istiqamətlərində gedən döyüşlərdə iştirak etmiş, düşmənə qarşı mübarizədə fəallıq göstərərək öz əsgəri borcunu yerinə yetirməyə çalışıb. Valeh Rəhimov 11 fevral 1995-ci ildə Azərbaycan Respublikasının müstəqilliyi və suverenliyinin müdafiəsi zama- nı şəhid olub. Şəhidin cənazəsi doğulduğu kəndə gətirilərək Veri-Əliabad kənd qəbiristanlığında dəfn olunub. Ölümündən sonra oxuduğu Veri-Əliabad kənd məktə- binə onun adı verilib. Əbədiyyət yolçuları 52 BALAMİR MƏMMƏDOV (1974-1993) Balamir Şirməmməd oğlu – 1974-cü ildə Lerik rayonunun Küsəkəran kəndində anadan olub. 1989-cu ildə Küsəkəran kənd natamam orta və 1991-ci ildə Veri kənd orta məktəblərini bitirib. 1992-ci ildə Lerik rayon hərbi komissarlığı tərəfindən həqiqi hərbi xidmətə çağırılaraq cəbhə bölgəsinə göndərilib. Balamir Məmmədov Qarabağ cəbhəsinin müxtəlif isti- qamətlərində gedən bir sira uğurlu əməliyyatlarda iştirak edə- rək torpaqlarımızın müdafiə olunmasında igidliklər göstərib. O, döyüş meydanında şücaətlər göstərərək xidmət etdiyi hərbi hissədə qorxmaz və igid bir əsgər kimi tanınaraq hamının hörmətini qazanmışdı. Yurdunu, vətənini göz bəbəyi kimi qorumağa çalışan Balamir döyüşə atılanda aslan kimi döyüşür, avtomatından düşmənə mərmi deyil, sanki nifrət püskürürdü. Yurdumuzun igid oğlu 1993-cü ilin mart ayında Ağdərə rayonunun Çıldıran bölgəsi uğrunda gedən döyüşlər zamanı qəhrəmancasına şəhid olub. Ölümündən sonra təhsil aldığı Küsəkəran kənd natamam orta məktəbinə onun adı verilib. Əbədiyyət yolçuları 53 ƏHLİMAN ƏLİYEV (1969-1994) Əliyev Əhliman Ağaxan oğlu – 1969-cu il yanvar ayının 9-da Lerik rayonunun Blaband kən- dində anadan olub. 1976-cı ildə Blaband kənd orta məktəbinin birinci sinfinə daxil olub, 1986-cı ildə həmin məktəbin onuncu sinfini bitirib. Orta məktəbi bitirdikdən sonra Lerik rayon Hərbi komissarlığı tərəfindən həqiqi hərbi xidmətə yola salınıb. Hərbi xidmətini Sovet ordu sıralarında başa vurub. Əhliman ordu sıralarından tərxis olunduğu vaxt artıq mənfur qonşularımız torpaqlarımıza göz dikərək Qarabağda qarışıqlıq yaratmağa başlamışdı. Düşmənin əliyalın xalqa qarşı törətdiyi vəhşiliyə Əhliman kimi oğullarımız biganə qalmayar- aq yenicə yaranmağa başlayan ordu sıralarına qoşulurdular. Azərbaycan Respublikası Prezidentinin xalqa müraciə- tindən sonra digər vətənpərvər oğullarımız kimi Əhliman da 1993-cü ildə könüllü olaraq milli ordu sıralarına qoşulub. O, Fizuli rayonu uğrunda gedən döyüşlərdə iştirak etmiş, qorx- mazlığı və şücaəti ilə seçilib. Əhliman Əliyev 1994-cü ilin aprel ayında Fizuli rayonu uğrunda gedən döyüşlərdə düşmən gülləsinə tuş gələrək qəh- rəmancasına şəhid olub. Ölümündən sonra Blaband kənd klubuna Əliyev Əhli- man Ağaxan oğlunun adı verilərək şəhidin xatirəsi əbədi- ləşdirilib. Yüklə 4,95 Mb. Dostları ilə paylaş:
|