Əbədiyyət yolçuları
46
ELMAS RUHULLAYEV
(1973-1994)
Ruhullayev Elmas İbrahim oğlu -
1973-cü ildə Lerik rayonunun
Cəngəmiran
kəndində anadan
olub. 1990-cı ildə Cəngəmiran
kənd orta məktəbinin onuncu sin-
fini bitirib. Böyük arzularla yaşayan Elmas orta məktəbdə
oxumaqla yanaşı Lerik rayon musiqi məktəbində də təhsil
alırdı.
Orta məktəbi bitirdikdən sonra Lerik rayon Hərbi
komissarlığı tərəfindən hərbi xidmətə çağrılan Elmas keçmiş
Sovet ordu sıralarına yola salınıb.
Hərbi xidmətdən qayıtdıqdan sonra təhsilini davam
etdirib musiqiçi olmaq arzusundaydı Elmas. Lakin hər şey tam
tərsinə oldu. Qarabağ savaşı başlandığına görə digər həmvə-
tənləri kimi, Elmas da xidmətini yarımçıq qoyub vətənə qayıdır
və könüllü olaraq milli ordu sıralarına qoşulur.
Döyüş yolu Ağdam
rayonundan başlayan vətənin bu
igid oğlu Ağdamın
bir çox kəndlərinin müdafiəsində igidliklər
göstərərək düşmən qüvvələrinə sarsıdıcı zərbələr endirir.
Elmas Ruhullayev 6 yanvar 1994-cü ildə Ağdam rayo-
nunun Güllücə kəndi uğrunda gedən qızğın döyuşlərdə canını
vətənə qurban verərək şəhidlik zirvəsinə ucalır. Şəhidin
cənazəsi Lerik rayona gətirilərək doğulduğu Cəngəmiran
kəndində torpağa tapşırılır.
Əbədiyyət yolçuları
47
QƏDİR NƏZƏROV
(1974-1993)
Nəzərov Qədir Xudabağış oğlu
– 1974-cü il yanvar ayının 31-də
Lerik rayonun Cəngəmiran
kən-
dində anadan olub. 1991-ci ildə
Cəngəmiran kənd orta məktə-
binin onuncu sinfini bitirib. Hərbçi olmaq arzusuyla yaşayan
Qədir orta məktəbi bitirdikdən sonra sənədlərini Bakı Ali Hərbi
məktəbinə verir, lakin müsabiqədən keçə bilmədiyinə görə
kəndə qayıdır.
1992-ci ilin iyun ayında Lerik rayon Hərbi komis-
sarlığı tərəfindən hərbi xidmətə çağrılaraq Milli ordu sıra-
larına yola salınır.
Qədirin döyüş yolu Ağdərə
rayonundan başlayır. Bu
zaman Ağdərə uğrunda qanlı döyüşlər gedirdi. Vətənin bu
qəhrəman oğlu Ağdərənin müdafiəsində igidliklər göstər-
miş, düşmənə ağır və sarsıdıcı zərbələr endirir.
Ürəyi vətən sevgisiylə çağlayan Qədir Nəzərov 1993-
cü il fevral ayının 5-də Ağdərə rayonunun Mehmanə kəndi
uğrunda gedən qızğın döyuşlərdə canını vətənə qurban
verərək şəhidlik zirvəsinə ucalır. Şəhidin cənazəsi Lerik
rayonunun Cəngəmiran kəndinə gətirilərək Xəlifə Zəkəriyyə
qəbiristanlığının Şəhidlər kompleksində dəfn edilıb.
Lerik rayonundakı küçələrdən biri Qədir Nəzərovun
adını daşıyır.
Əbədiyyət yolçuları
48
KAMAL CAHANGİROV
(1968-1994)
Cahangirov Kamal Şahverən oğlu
- 1968-ci ildə Lerik rayonunun
Cəngəmiran kəndində anadan
olub. Cəngəmiran kənd orta mək-
təbinin onuncu sinfini bitirib. Orta
məktəbdə oxuduğu illərdə bilik və bacarığı ilə müəllimlərinin
hörmətini qazanmışdır. Sakit təbiətli bir insan olmuş,
haqsızlığa heç vaxt biganə qalmayıb.
Məktəbi bitirdikdən sonra Lerik rayon Hərbi komis-
sarlığı tərəfindən hərbi xidmətə çağrılan Həmid keçmiş Sovet
ordu sıralarına yola salınmışdır. Hərbi xidmətini Sovet ordu
sıralarında keçmişdir. Kamal doğma vətənə qayıdanda artıq
mənfur qonşularımız Qarabağda baş qaldıraraq qarışıqlıq
yaratmışdılar. Qarabağ savaşı başlayanda digər həmvətənləri
kimi Kamal da könüllü olaraq milli ordu sıralarına qoşularaq
cəbhəyə yollanıb.
Döyüş yolu Fizuli
rayonundan başlayan vətənin igid
oğlu Fizulinin
bir çox kəndlərinin müdafiəsində igidliklər
göstərib.
Kamal Cahangirov 19 yanvar 1994-cü ildə Fizuli rayo-
nunun Aşağı Seyid-Əhmədli kəndi uğrunda gedən qızğın dö-
yüşlərdə canını vətənə qurban verərək şəhidlik zirvəsinə
ucalıb. Şəhidin cənazəsi Lerik rayonunun Cəngəmiran kəndinə
gətirilərək Xəlifə Zəkəriyyə qəbiristanlığının Şəhidlər
kompleksində dəfn edilib.
Əbədiyyət yolçuları
49
ELDAR ŞALİYEV
(1974-1993)
Şaliyev Eldar Ağabala oğlu –
1974-cü ildə Lerik rayonunun
Ancəqəv kəndində anadan olub.
1981-ci il sentyabr ayının 1-də
Bobla kənd 8 illik məktəbinin 1-ci
sinfinə daxil olub, 1989-cu ilin iyun ayında oranı bitirib. 1989
cu ilin sentyabr ayının 1-də Lerik rayonun 20-ci km. kənd orta
məktəbinin 9-cu sinfinə daxil olub, 1991-ci ildə oranı bitirib.
Həmin ilin sentyabr ayında Lerik rayon Hərbi komissarlığının
göndərişi ilə Lənkəran şəhərində yerləşən sürücülük
məktəbinə daxil olub, 1992-ci ilin mayında oranı bitirib.
1992-ci ilin sentyabr ayında həqiqi hərbi xidmətə yola
salınıb. Hərbi xidmətə Perekeşküldə yerləşən hərbi toplanış
məntəqəsindən başlayıb. Burada təlim keçdikdən sonra Ağdərə
rayonuna göndərilmiş, ordakı döyüşlərində iştirak edib.
1993-cü il mart ayında Ağdərə döyüşlərində ağır
yaralanaraq Mərkəzləşdirilmiş Hərbi Hospitala gətirilib, lakin
həyatını xilas etmək mümkün olmayıb.
Beləliklə, 1993 cü il aprel ayinin 5-də Eldar gözlərini
əbədi yumaraq şəhidlik zirvəsinə ucalıb.
Təhsil aldığı Bobla kənd natamam orta məktəbi Eldar
Şaliyevin adını daşıyır.
Dostları ilə paylaş: |