Əbədiyyət yolçuları
42
BAKİR MƏMMƏDOV
(1971-1994)
Məmmədov Bakir İxtiyar oğlu–
1971-ci ildə Lerik rayonunun
Cən-
gəmiran kəndində doğulub. 1978-
ci ildə Cəngəmiran kənd tam orta
məktəbinin birinci sinfinə daxil
olub, 1988-ci ildə həmin məktəbin onuncu sinfini bitirib.
Orta məktəbibi tirdikdən sonra Lerik rayon Hərbi
komissarlığı tərəfindən həqiqi hərbi xidmətə çağrılaraq
keçmiş Sovet ordu sıralarına yola salınıb. Hərbi xidmətini
başa vurduqdan sonra vətənə qayıdır.
Qarabağ savaşı başlyanda Bakir də digər yurddaşları
kimi könüllü olaraq milli ordu sıralarına qoşulur.
Bakirin döyüş yolu Ağdam
rayonundan başlayır.
Vətənin bu qəhrəman oğlu Ağdamın
bir çox kəndlərinin
azad edilməsində iştirak edərək igidliklər göstərir.
Bakir Məmmədov 1994-cü ilin yanvar ayında Ağdam
rayonunun Güllücə kəndi uğrunda gedən qızğın döyuşlərdə
canını vətənə qurban verərək şəhidlik zirvəsinə ucalır.
Şəhidin cənazəsi Lerik rayonunun Cəngəmiran kəndinə
gətirilərək “Xəlifə Zəkəriyyə” qəbiristanlığının Şəhidlər
kompleksində dəfn edilib.
Əbədiyyət yolçuları
43
TƏHSİN CƏFƏROV
(1973-1992)
Cəfərov Təhsin Almas oğlu–
17 noyabr 1973-cü ildə Lerik
rayonunun
Soru kəndində anadan
olub. Təhsin Cəfərov 1978-ci ildə
Soru kənd tam orta məktəbinin
hazırlıq sinfinə daxil olub, 1990-cı ildə həmin məktəbin onuncu
sinfini bitirib.
Orta məktəbi bitirdikdən sonraLerik rayon Hərbi ko-
missarlığı tərəfindən həqiqi hərbi xidmətə çağrılan Təhsin
Cəfərov cəbhə bölgəsinə yola salınıb.
Təhsin Cəfərovun döyüş yolu Ağdam
şəhərində yer-
ləşən batalyondan başlayır. Vətənin bu igid oğlu Ağdamın
Quzanlı, Mərizli
və digər kəndlərin müdafiəsində igidliklər
göstərərək düşmən qüvvələrinə sarsıdıcı zərbələr endirir.
Döyüş meydanını xain düşmənlərə məzara çevirən Təhsin
qorxmazlığı və döyüş bacarığı ilə seçilərək hər kəsin hör-
mətini qazanır, döyüşün ən qaynar nöqtələrinə irəlilə-
yərək düşməni ağır itkilərlə geri çəkilməyə məcbur edir.
Təhsin Cəfərov 22 oktyabr 1992-ci ildə Ağdam
rayonunun Mərizli kəndi uğrunda gedən qızğın döyuşlərdə
canını vətənə qurban verərək şəhidlik zirvəsinə ucalır.
Soru kənd tam orta məktəbi şəhid Təhsin Cəfərovun
adını daşıyır. Məktəbin həyətində şəhidin büstü ucaldılıb.
Əbədiyyət yolçuları
44
RAKİF BABAYEV
(1973-1993)
Babayev Rakif Cəlal oğlu-
1973-cü ildə Lerik rayonunun
Vov kəndində anadan olub. On
üç uşaqlı ailənin on birinci
övladı idi vətənin bu qəhrəman
oğlu. Rakif Babayev 1980-ci ildə Vov kənd orta məktəbinin
birinci sinfinə qəbul olunub, 1990-cı ildə həmin məktəbin
onuncu sinfini bitirib.
1991-ci ildə Lerik rayon Hərbi komissarlığı tərə-
findən həqiqi hərbi xidmətə çağrılaraq Qarabağ cəbhəsinə
göndərilir. O, yenicə formalaşmağa başlayan Milli ordu
sıralarında şərəflə xidmətə başlayır.
Rakifin döyüş yolu əsasən Ağdam cəbhəsindən
keçir. Rakif Babayev cəbhə bölgəsindəki bir sıra uğurlu
əməliyyatlarda iştirak edərək qəhrəmanlıqlar göstərib. O,
döyüş yoldaşları ilə bərabər Ağdamın Yeni Əfirəli kən-
dindəki döyüşlərdə düşmənin xeyli canlı qüvvəsini və hərbi
texnikasını sıradan çıxararaq məhv edir.
Rakif Babayev 1993-cü il avqust ayının 9-da Ağdam
rayonu uğrunda gedən döyüşlərdə qəhrəmancasına şəhid
olub. Şəhidin cənazəsi doğulduğu kəndə gətirilərək torpağa
tapşırılıb.
Əbədiyyət yolçuları
45
ƏHƏD RZAYEV
(1973-1994)
Rzayev Əhəd Əsgər oğlu–
1973-cü ildə Lerik rayonunun
Orand
kəndində anadan olub.
1980-cı ildə Orand kənd orta mək-
təbinin birinci sinfinə daxil olub,
1990-cı ildə həmin məktəbin onuncu sinfini bitirib.
Orta məktəbi bitirdikdən sonra Lerik rayon Hərbi
komissarlığı tərəfindən həqiqi hərbi xidmətə çağrılan Əhəd
Milli ordu sıralarına yola salınıb. O vaxtlar hələ ordumuz
yenicə formalaşmağa başlayırdı. Əhəd kimi vətənpərvər
oğulların orduda yer alması orduya yeni güc qatırdı. Çünki
bu elə bir vaxt idi ki, əli silah tutan hər bir Vətən oğluna
ehtiyac duyulurdu. Vətən darda idi, haray istəyirdi.
Əhədin döyüş yolu Ağdərə
rayonundan başlayır. Ağ-
dərə
rayonunun müdafiəsi uğrunda gedən döyüşlərdə mər-
dliklə vuruşaraq igidliklər göstərir.
Sonradan Əhədi Fizuli rayonuna göndərirlər. O,Fizuli
rayonunun müdafiəsində və Horadiz uğrunda gedən döyüş-
lərdə iştirak edir.
Əhəd Rzayev 13 aprel 1994-cü ildə Horadiz uğrunda
gedən döyüşlərdə qəhrəmancasına şəhid olur. Şəhidin cə-
nazəsi Lerik rayona gətirilərək doğulduğu Orand kəndində
torpağa tapşırılır.
Dostları ilə paylaş: |