1 xalid mahmud
Yüklə 4,95 Mb. Pdf görüntüsü
|
- Bu səhifədəki naviqasiya:
- Alxasov Yaşar Abutalıb oğlu
Əbədiyyət yolçuları 90 ƏNVƏR NƏCİYEV (1974-1994) Nəciyev Ənvər Xosaxan oğlu– 1974-cü ildə Lerik rayonunun Bırkandü l kəndində anadan olub. 1980-ci ildə Bırkandül kənd orta məktəbinin birinci sinfinə daxil olub, 1988-ci ildə həmin məktəbin doqquzuncu sinfini bitirib, təhsilinin yarım qalan hissəsini Vistən kənd orta məktəbində başa vurmuşdur. Orta məktəbi bitirdikdən sonra Altay vilayətinə gedib, orada İnşaat İnsitutuna daxil olur. Qarabağ savaşı başlandığından təhsilini yarımçıq qoya- raq vətənə qayıdır və Milli ordu sıralarına qoşulur. Ənvər Ağdam uğrunda gedən döyüşlərdə iştirak edir və qəhrəmanlıqlar göstərir. Dəfələrlə düşmənə qarşı təşkil olunmuş əməliyyatlarda iştirak edərək döyüş bacarığı ilə fərqlənir. Ənvər Nəciyev 1994-cü ilin aprel ayının sonlarında Tər- tər rayonunun Talış kəndi uğrunda gedən döyüşlər zamanı düşmən tərəfindən vurulmuş komandirini döyüş meydanından çıxarmaq istərkən özü də düşmən gülləsinə tuş gələrək qəhrə- mancasına şəhid olur. Onun cənazəsi əvvəlcə Ağdam rayonunun Xındırıstan kəndinə, 06 may 1994-cü ildə isə do- ğulduğu kəndə gətirilərək torpağa tapşırılır. Ölümündən sonra şəhidin adı əbədiləşdirilir, Vistən kənd orta məktəbinə Nəciyev Ənvər Xosaxan oğlunun adı verilir. Əbədiyyət yolçuları 91 MÜBARİZ HƏSƏNOV (1969 – 1994) Həsənov Mübariz Ağakişi oğlu – 20 sentyabr 1969-cu ildə Lerik rayonunun Tikəband kən- dində anadan olub. Orta məktəbi Lənkaran rayonunun Şilavar kəndində bitirib, 113 nömrəli texniki-peşə məktə- bində oxuyub. Peşə məktəbini bitirdikdən sonra hərbi xidmətə çağ- rılaraq keçmiş sovet ordu sıralarına yola salınır. Hərbi xidmətini Almaniya Respublikasında başa vurduqdan sonra vətənə qayıdır. Mübariz vətənə qayıdanda artıq Qarabağda mənfur qonşularımız qarışıqlıq yaratmağa başlamışdı. Mübariz də digər qeyrətli vətən oğulları kimi könüllü olaraq milli ordu sıralarına qoşulur. Mübarizin döyüş yolu Qarabağ cəbhəsinin müxtəlif istiqamətlərindən keçir. O, Ağdam rayonu uğrunda gedən döyüşlərdə iştirak edərək şəxsi igidlik və qəhrəmanlıqlar göstərir. Mübariz Həsənov 08 yanvar 1994-cü ildə Ağdam rayonunun Güllücə kəndi uğrunda gedən qanlı döyüşlər za- manı düşmən gülləsinə tuş gələrək qəhrəmancasına şəhid olur. Şəhidin cənazəsi Lənkarana gətirilərək Böyük Bazar qəbiristanlığında dəfn olunur. Əbədiyyət yolçuları 92 ƏFSƏR TALIBOV (1974 – 1994) Talıbov Əfsər Mədi oğlu – 1974-cü ildə Lerik rayonunun Şinəband kəndində anadan olub. 1981-ci ildə birinci sinfinə daxil olub, 1991-ci ildə orta məktəbi bitirib. 1992-ci ildə Lerik rayon Hərbi komissarlığı tərəfindən həqiqi hərbi xidmətə çağrılaraq Milli ordu sıralarına yola salınır. Əifsərin döyüş yolu Qarabağ cəbhəsinin müxtəlif istiqamətlərindən keçir. Tərtər rayonunun Çaylı kəndində düşmənə qarşı mübarizədə iştirak edərək döyüş bacarığı ilə fərqlənir. Sonra 25 nəfər əsgər heyyəti ilə Tərtərdən Ağdərə rayonuna göndərilir, burada da bir çox döyüş əməliy- yatlarında iştirak edir. Əfsər Talıbov 1994-cü ilin yanvar ayında Ağdərə rayonu uğrunda gedən döyüşlərdə qəhrəmancasına şəhid olur. Onun cənazəsi düşmənin zəpt etdiyi ərzilərdə qaldı- ğından götürmək mümkün olmur. Əbədiyyət yolçuları 93 YAŞAR ALXASOV (1974 - 1995) Alxasov Yaşar Abutalıb oğlu – 25 mart 1974-cü ildə Bakı şəhəri Suraxanı rayonunda anadan olub. 1979-cu ildə ailəsi ilə birlikdə Lerik rayonunun Zəriküməco kəndinə köçür. 1981-ci ildə Zəriküməco kənd ümumi orta məktəbinin birinci sinfinə qəbul olunub, 1990-cı ildə həmin məktəbin doqquzuncu sinfini bitirmiş, daha sonra təhsilini Piran kənd orta məktəbində davam etdirərək başa vurmuşdur. Orta məktəbi bitirdikdən sonra 1992-ci ildə Lerik rayon Hərbi komissarlığı tərəfindən həqiqi hərbi xidmətə çağrılaraq cəbhə bölgəsinə yola salınır. Yaşarın döyüş yolu Fizuli rayonunun Bəhmənli, Daşbu- run, Balabəhmənli kəndlərindən keçir. Yaşar Fizuli cəbhəsində gedən döyüşlərdə iştirak edərək dəfələrlə düşmənə zərbələr endirir, torpaqlarımızın müdafiəsində əsl qəhrəmanlıq nüma- yiş etdirir. Son döyüş yeri Fizuli rayonunun Horadiz qəsəbəsi olur. 1995-ci ilin oktyabr ayının 22-də Horadiz qəsəbəsinin müda- fiəsi uğrunda gedən döyüşlər zamanı düşmən gülləsinə tuş gələrək qəhrəmancasına şəhid olur. Şəhidin cənazəsi yaşadığı kəndə gətirilərək torpağa tapşırılır. Yüklə 4,95 Mb. Dostları ilə paylaş:
|