15-mavzu. Yong‘in xavfsizligi choralari. Reja

Ishlab chiqarishda yong‘inga qarshi tizimlar
YOng‘inga qarshi tizimlar majmuasi MXSTdagi GOST 12.1.004-76 talabalariga binoan yong‘inni oldini olish tadbirlari, yong‘indan himoyalash va tashkiliy masalalardan iborat.
YOng‘inni oldini olish tizimiga tashkiliy tadbirlar va yong‘in xavfi mavjud ish joylarda yong‘indan ogohlantiruvchi vositalar kabi texnik vositalarni ko‘rsatib o‘tish mumkin.
YOng‘indan himoyalash tizimiga texnik vositalar va tashkiliy tadbirlarni birlashtirilgan holda, yong‘inni kishilarga va moddiy boyliklarni himoyasini tashkillashtirish masalalari kiradi. YA’ni himoya sifatida yonmaydigan va yong‘inni tarqalishiga yo‘l qo‘ymaydigan materiallradan binolarni qurish, yonilg‘idan foydalanishga qattiq tartib o‘rnatish, yong‘inni o‘chirishda, o‘chirish vositalarini ta’minlanishi, tutun tarqalishi va atmosferaga chiqaruvchi tizim, jamoa va shaxsiy himoya vositalri bilan ta’minlanishlarni hamda aholini evauatsiya qilish tadbirlarini ko‘rsatib o‘tish mumkin
YOng‘in xavfsizligin ta’minlashdagi tashkiliy masalalarga, yong‘inga qarshi ishchilar hisobidan ko‘ngillilar otryadini tuzish, yong‘in xavfi yuqori bo‘lgan ish joylarida profilaktik ishlarni belgilangan talab asosida o‘tkazib turish, ishchilarni o‘quv va malaka oshirish bilan bilimlarini oshirib borish, amaliy taktik o‘quv ishlarini tashkillashtirish, yong‘in xavfsizligini ta’minlash bo‘yicha yo‘riqnomalar ishlab chiqish va joriy qilish kabi tadbirlarni ko‘rsatib o‘tish mumkin.
Vazirlar Mahkamasining 1995 yil 29 iyun 243-son qarorining «Mulkchilik shaklidan qat’iy nazar, vazirliklar, idoralar, korporatsiyalar, kontsernlar, uyushmalarning sanoat korxonalari va boshqa ob’ektlaridagi ko‘ngilli o‘t o‘chiruvchilar drujinalari to‘g‘risida»gi Nizomga asosan ko‘ngilli o‘t o‘chiruvchilar drujinasiga quyidagi vazifalar yuklanadi:

• 
  ob’ektda yong‘inga qarshi tartib-qoidalarning qanday bajarilayotganini va unga qanday rioya etilayotganini nazorat qilishni amalga oshirish;
  
• 
  ishchilar va xizmatchilar o‘rtasida ob’ektda yong‘inga qarshi tartib-qoidalarga rioya qilish bo‘yicha tushuntirish ishlari olib borish;
  
• 
  o‘t o‘chirish texnikasining, o‘t o‘chirish dastlabki vositalarining soz va jangovar holatdaligini nazorat qilish;
  
• 
  yong‘in chiqqan hollarda o‘t o‘chirish komandasini chaqirish va odamlarni xavfli joydan ko‘chirish hamda ob’ektdagi mavjud o‘t o‘chirish vositalari bilan yong‘inni o‘chirishga oid shoshilinch choralar ko‘rish;
  

• 
  zarur bo‘lgan hollarda ko‘ngilli o‘t o‘chiruvchilar drujinasi a’zolarining o‘t o‘chiruvchi mashinalarda, motopompalarda va o‘t o‘chirishning boshqa ko‘chma va statsionar vositalarining jangovar guruxlaridagi ishlarda qatnashish, shuningdek, o‘ta zarur hollarda, sexlar va boshqa ob’ektlarda navbatchilikda turish;
  
• 
  ob’ektning yong‘in-texnika komissiyasi va yong‘inlarni aniqlash, oldini olish hamda o‘t o‘chirishning yangi usullarini joriy etuvchi davlat yong‘in nazoratining mahalliy organlari bilan o‘zaro birgalikda harakat qilish.