44
XƏZİNƏDARLIQ
Maliyyə bazarlarında müşahidə olunan
təlatümləri sıx monitorinq edən PAŞA Bankın
Xəzinədarlıq departamenti 2016-cı ildə alternativ
investisiya alətlərindən istifadə etməklə riskləri
minimuma endirmək və yüksək gəlirə nail olmağa
çalışmışdır. Aktivlərin keyfiyyətini yaxşılaşdırmaqla
departament PAŞA Bankın mənfəət göstəricisinin
2016-cı ilin hədəflərinə uyğun gəlməsinə böyük töhfə
vermişdir.
Ölkədaxili və qlobal işgüzar mühitdə baş verən
son hadisələr əsnasında Xəzinədarlıq Departamenti
müvafiq vaxt seçimi və alternativ investisiya imkan-
larından yararlanaraq bankın balans göstəriciləri
strukturunun möhkəmlənməsinə yardım etmişdir.
Xərc amillərini yaxından izləməklə departament ona
həvalə edilmiş portfelin şaxələnməsinə davam etmişdir.
Xəzinədarlıq departamenti geniş çeşidli aktivlərə
sərmayə yatıraraq çağırışlarla dolu və sürətlə dəyişən
bazarda effektiv və aktiv fəaliyyətini davam etdirmişdir.
2016-ci ilin sonuna olan vəziyyətə əsasən
Xəzinədarlıq departamenti tərəfindən idarə olunan
aktivlərin həcmi 2,021 milyon manat təşkil edir. Bu
aktivlərə 185.68 milyon manatlıq qiymətli kağızlar
portfeli, 1,088 milyon manat məbləğində nağd pul
vəsaiti və onun ekvivalentləri və kredit təsisatlarından
ödənilməli 746.20 milyon manatlıq debitor borc
daxildir. Hesabat ilində PAŞA Bankın faiz gəlirinin 39%-i
(46.8 milyon manat), qeyri-faiz gəlirlərinin isə 86%-i
xəzinədarlıq tərəfindən təmin edilmişdir.
Xəzinədarlıq departamenti müştərilərinə aşağıda
təqdim edilmiş məhsul və xidmətləri təqdim edir:
• Korporativ xarici valyuta platforması: Real vaxt
rejimində sövdələşmələri həyata keçirmək üçün
sövdələşmə kabinetində treyderlərə çıxış
• Derivativlər
- Xarici valyuta forvardı, çatdırılmayan forvard,
svops və opsiya kontraktları
- Əmtəələrin hecinqi – geniş çeşidli fyuçerslər,
o cümlədən şəkər, buğda, alüminium, qızıl, neft və
digərləri
Növbəti ildə daha çox sayda korporativ müştəri-
lərin kapital bazarlara çıxması səbəbindən PAŞA Bank
bu sahənin böyüməsini gözləyir.
2016-cı ildə Xəzinədarlıq departamenti PAŞA Bankın faiz
gəlirlərinin 39%-ni, qeyri-faiz gəlirlərinin isə 86%-ni təmin
etmişdir.
45
İNSTİTUSİONAL BANKÇILIQ
Ticarətin maliyyələşdirilməsi
PAŞA Bank müştərilərinə ticarətin maliyyə-
ləşdirilməsi üzrə genişçeşidli məhsul və xidmətlər
göstərir. Bu cür ixtisaslaşmış məhsul və xidmətlərə
yerli və beynəlxalq bank zəmanəti, zəmanətli
akkreditiv, sənəd (malın yüklənməsi) üzrə
akkreditiv, fakt əsaslı qısa-, orta- və uzunmüddətli
maliyyələşmə və ixrac önü maliyyələşmə daxildir.
Bank müştərilərinə ticarətin maliyyələşdirilməsi ilə
əlaqədar konsultasiya və məsləhət xidmətlərini də
göstərir, ticarətin maliyyələşdirilməsi məhsullarını
və xidmətlərini milli, həmçinin xarici valyutada təklif
edir.
Xariclə əqdləşmələrin qısamüddətli (24 ayadək)
maliyyələşdirilməsi məqsədilə PAŞA Bank təmiz ti-
carətin vasitəsiz maliyyələşdirilməsi xətləri vasitəsilə
qlobal miqyaslı beynəlxalq tərəfdaş bank şəbəkəsi
çərçivəsində müvafiq xidmətlərdən istifadə edir.
Əsasən istehsalatla bağlı mal və xidmətlərin
idxalına dair xariclə əqdləşmələrin orta- və uzun-
müddətli (24 aydan çox) maliyyələşdirilməsinə
gəldikdə PAŞA Bankın ixracın kreditləşdirilməsi üzrə
Euler Hermes, SACE və OeKB kimi dünyanın aparıcı
agentlikləri ilə uzunmüddətli əməkdaşlıq təcrübəsi
vardır.
Bank, ümumi qaydada qəbul edilən beynəlxalq
standartlara hər zaman cavab vermək məqsədilə
ticarətin maliyyələşdirilməsi sahəsində qlobal
təmayülləri yaxından izləyir və müvafiq məhsul və
xidmətlərinin çeşidini daima yeniləşdirir.
PAŞA Bank ticarətin maliyyələşdirilməsi
sahəsində qlobal meylləri sıx monitorinq edir və
ümumi qaydada tanınan beynəlxalq standartlara
cavab vermək üçün çeşidli ticarətin maliyyələşdi-
rilməsi məhsullarını davamlı olaraq təkmilləşdirir.
PAŞA Bank müştərilərinə aşağıda təqdim olunan
ticarətin maliyyələşidirilməsi xidmətlərini təklif edir:
• Bütün növ bank zəmanətləri (yerli və beynəl-
xalq, birbaşa və dolayısı);
• Bütün növ sənəd üzrə akkreditivlər (yerli və
beynəlxalq, birbaşa və təsdiq edilmiş);
• Qısa müddətli maliyyələşdirmədən sonra sənəd
üzrə akkreditiv;
• Uzun müddətli maliyyələşdirmədən sonra
PAŞA Bank ticarətin maliyyələşdirilməsi sahəsində qlobal
meylləri sıx monitorinq edir və ümumi qaydada tanınan
beynəlxalq standartlara cavab vermək üçün çeşidli ticarətin
maliyyələşdirilməsi məhsullarını davamlı olaraq təkmilləşdirir.
46
sənəd üzrə akkreditiv (ECA ilə əhatə edilmiş
maliyyələşdirmə;
• İdxal və ixrac sənədləri üzrə inkasso;
• Qəbul edilmiş bank zəmanətləri, əlavə
akkreditivlər və sənəd üzrə akkreditivlər;
• Əks zəmanətlər ilə dəstəklənən bank
zəmanətlərinin buraxılışı;
• Qəbul edilmiş əlavə və sənəd üzrə
akkreditivlərə təsdiqin əlavə edilməsi;
• Müxtəlif ticarətin maliyyələşdirilməsi
aspektləri ilə bağlı məsləhətçi xidmətləri.
PAŞA Bank ticarətin maliyyələşdirilməsi
sahəsində aparıcı banklardan biridir. 31 dekabr
2016-cı il tarixinə Bank satış həcmlərini 15%,
155.5 milyon manatdan 179.6 milyon manatadək
artırmışdır. Bankən əməliyyat həcmləri 94%,
226-dan 439-dək artmışdır. Bu dayanıqlı fəaliyyət
nəticəsində Bankın ticarətin maliyyələşdirilməsi
üzrə mənfəəti 15%, 3.7 milyon manatdan 4.3 milyon
manata qalxmışdır.
Beynəlxalq maliyyə təsisatları ilə əməkdaşlıq
2016-ci ildə PAŞA Bank müxbir bank şəbəkə-
sinin genişləndirilməsi üzərində fəal iş aparmışdır.
Bank ardıcıl olaraq dörd il SIBOS (İsveçrə Beynəlxalq
Bank Əməliyyatları Seminarı) tədbirində iştirak
etmişdir və bunun sayəsində müxbir bank
tərəfdaşlarının sayını artırmağa müvəffəq olmuşdur.
İl ərzində PAŞA Bank 8 maliyyə təsisatını bu
şəbəkəyə əlavə etmiş, nağd pul vəsaitini idarəetmə,
ticarəti maliyyələşdirmə, pul bazarları və xarici
valyutada məhsullar (derivativlər) baxımından
bacarıq və qabiliyyətlərini artırmışdır.
Ölkə-daxili və beynəlxalq maliyyə təsisatları ilə
ərsəyə gətirilmiş möhkəm münasibətlər nəticəsində
PAŞA Bank yerli özəl və dövlət mülkiyyətində
olan maliyyə təsisatlarından 131 milyon manatlıq,
beynəlxalq maliyyə təsisatlarından isə 172 milyon
manatlıq əmanət cəlb edə bilmişdir. Bundan başqa,
Azərbaycanda kənd təsərrüfatının inkişafı üçün
Kənd təsərrüfatı nazirliyi tərəfindən dəstəklənmiş
Dünya Bankının proqramı çərçivəsində 4 milyon
ABŞ dolları həcmində kredit xəttinin açılması təmin
edilmişdir. Tələbat artdığı halda kredit xətinin həcmi
artırıla bilər.
2016-cı ildə PAŞA Bank beynəlxalq şəbəkəyə
malik BayernLB, Sberbank, ICBC, ED&F Man, Univer
Capital LLC kimi bank və investisiya firmaları ilə
əməkdaşlığa başlamışdır. Bu şəbəkəyə çıxış Bankın
müştəriləri üçün nağd vəsaitlərin idarə edilməsi,
xəzinədarlıq, ticarətin maliyyələşdirilməsi və fak-
torinq əməliyyatlarını dəstəkləyir. Bank həmçinin
CaixaBankda ticarətin maliyyələşdirilməsi üçün
kredit xəttinin açılmasına nail olmuşdur.
Bununla yanaşı, PAŞA Bank Türkiyənin Exim
Bankı və Macarıstanın Exim Bankı ilə ticarətin
maliyyələşdirilməsi üzrə əməkdaşlığını
genişləndirmişdir. Müxtəlif idxal-ixrac bankları ilə
əməkdaşlıq etməklə yanaşı PAŞA Bankın nüfuzlu
beynəlxalq banklardan, o cümlədən Raiffeisen Bank
International (RBI), CaixaBank, LBBW, UBI Banca,
Ziraat Bank və Aktif Bankdan kredit xətləri vardır.
İNSTİTUSİONAL BANKÇILIQ
Dostları ilə paylaş: |