260
5-BOB. INVESTITSIYALAR HISOBI
Mavzu bo’yicha tayanch iboralar:
investitsiya,
investitsiya siyosati,
investor,valyuta, kredit qobiliyati, kapitalining saqlanish
kafolati, zararlarni
qoplash kafolati, soliq imtiyozlari, foyda va daromadni tasarruf etish erkinligi,
bojxona imtiyozlari, investorlarning mulklarini sug’urtalash,
moliyaviy
investitsiya, kapital investitsiya, aqliy (intellektual) investitsiya, pulli dastak,
obligatsiya (bond),
oddiy veksel, qarz majburiyati, moliyaviy derivatlar, pul bozori
dastaklari,
nota, qarz majburiyati, optsion, varrant, fyuchers, forvard kursi, svop.
Tavsiya etilayotgan o’qitishning pedagogik texnologiyalari:
ma’ruza
o’qishning besh bosqichli xaritasidan foydalanilganda ma’ruza
texnologik
xaritasini ikkinchi va to’rtinchi bosqichlarida ilg’or pedagogik texnologiyani blits-
so’rov, test, muloqot usullaridan, texnologik xaritaning uchinchi bosqichida ya’ni
yangi o’quv materialini bayon etishda esa slaydlar asosida «TUShUNTIRISh»,
«B,BX,BO, «NIMA UChUN», «QANDAY» va «INSERT JADVALI» usullaridan
foydalanish yaxshi natija beradi. Har bir o’qituvchi (ma’ruzachi) o’zining tajribasi
va mahoratidan kelib chiqib ma’ruza o’qishning boshqa pedagogik
texnologiyasidan foydalanishi mumkin.
§ 1. Iqtisodiyotni modernizatsiyalash sharoitida investitsiyalarni roli va
bu sohada hisobning vazifalari.
«Investitsiya» atamasi lotincha «invest» so’zidan kelib chiqqan bo’lib
«qo’yish», «mablag’ni safarbar etish», «kapital qo’yilmasi» ma’nosini beradi.
Investitsiya deganda barcha turdagi moddiy va intellektual boyliklarni tadbirkorlik
faoliyati ob’yektlariga yo’naltirib daromad olish yoki biror-bir ijobiy samaraga
erishish tushuniladi.
Investitsiya to’g’risida O’zbekiston Respublikasi qonunda ko’rsatilishicha,
investitsiya bu iqtisodiy samara (foyda, daromad) olish yoki ijobiy ijtimoiy
261
natijaga erishish uchun sarflanadigan pul mablag’lari, banklarga qo’yilgan
omonatlar, paylar, qimmatli qog’ozlar (aktsiya, obligatsiyalar),
texnologiyalar,
mashinalar asbob-uskunalar, litsenziyalar va samara beradigan boshqa har qanday
boyliklardir.
Moriyaviy qo’yilmalar sifatida buxgalteriya hisobida hisobga olinadigan
aktivlar quyidagi shartlarga javob berishi kerak:
1. Aktiv kelgusida foyizlar, dividendlar yoki qiymatining usishi (ularni
sotganda yoki almashtirganda sotib olish va sotish baholari orasidagi farq) sifatida
korxona uchun iqtisodiy naf (daromad) keltirishi kerak;
2. Korxonaga moliyaviy qo’yilma huquqini beradigan va shunday huquqdan
pul mablag’larini yoki boshqa aktivlarni olish mumkin bo’lgan
tegishli tartibda
rasmiylashtirilgan hujjatlarning mavjudligi;
3. Moliyaviy qo’yilmalar bilan bog’liq bo’lgan moliyaviy xatarlarni (baholar
o’zgarishi xatari, qarzdorlarni to’lov qobiliyati xatari, likvidlik xatari va boshqalar)
korxonaga o’tishi.
Korxonaning moliyaviy qo’yilmalari ob’yektiga quyidagilar kiradi:
1. Davlatning qimmatli qog’ozlari;
2. Boshqa korxonalarning qimmatli qog’ozlari;
3. Boshqa korxonalarning ustav qapitaliga moliyaviy qo’yilmalar;
4. Boshqa korxonalarga berilgan qarzlar;
5. Kredit tashkilotlariga qo’yilgan depozitlar;
6. Ajratilgan bo’linmalar, sho’ba va qaram xo’jalik jamiyatlari faoliyatiga
qo’yilmalar;
7. Oddiy sherikchilik shartnomasi asosida sherik-korxonaga qo’yilmalar.
Quyidagilar korxonaning moliyaviy aktivlariga kiritilmaydi :
1. Aktsiyadorlardan keyinchalik sotish uchun sotib olingan aktsiyalar;
2. Oddiy faoliyat maqsadlari uchun sotib olinmagan qimmatli toshlar,
metallar, zargarlik buyumlari, sanat asarlari;
262
3. Xaridor korxonaning sotuvchi korxonaga tovarlar, mahsulotlar, bajarilgan
ishlar, ko’rsatilgan xizmatlar uchun bergan veksellari (O’zbekistoa
amaliyotida
veksellardan foydalanish 2000 yillardan keyin taqiqlangan);
4. Daromad olish maqsadida boshqa korxonalardan vaqtincha foydalanish
uchun to’lov asosida olingan moddia-buyum shaklidagi
Investitsiya munosabatlar davlat tomonidan tartibga solib to’riladi.
Davlatning investitsiya faoliyati qonunchilik negizini takomillashtirish (soliq
to’lovchilar va soliq solish ob’yektlarini, soliq stavkalari va ularga doir
imtiyozlarni qo’llash, normalar,
qoidalar, standartlarni belgilash, kredit va narx
siyosatini o’tkazish), investorlarga huquqiy sharoitlar yaratish (kafolatlar berish,
sub’yektlarni sug’urtalash) va boshqa vositalar orqali amalga oshirishda namoyon
bo’ladi.
O’zbekiston amalga oshirayotgan investitsiya siyosatining asosiy
yo’nalishlari(5.1-rasm) orasida quyidagilarni alohida tahkidlab ko’rsatish mumkin
Investitsiya muhitini yanada yaxshilash shartlaridan
biri bank tizimini
takomillashtirish, moliya bozorida raqobatni vujudga keltirish, naqd puldagi va
naqd bo’lmagan puldagi operatsiyalarni amalga oshirishda mavjud bo’lgan
tafovutlarni bartaraf etish hamda xorijiy investorlarni axborot bilan ta’minlashni
yaxshilashdan iboratdir.