171
«Ukrayna partizanları» şeri ilə hələ müharibə illərində partizan hərəkatının
məşhur başçılarından S.A.Kovpak da tanış olmuş, şerdən razı qaldığını
bildirmişdir.(41). Şerin rus dilinə tərcüməsi ayrı-ayrı vərəqələrdə düşmən arxasına –
partizanlara da çatdırılmışdır.(184, 134-135).
S.Vurğunun «Göyərçin» şeri də müharibə dövrü Ukrayna həyatına həsr
olunmuşdur. Bu şer «Ukrayna partizanları»ndan fərqli olaraq tərənnüm yox, konkret
bir hadisənin təsvirindən ibarətdir. «Göyərçin» 1943-cü ildə Melitopol yaxınlığında –
S.Vurğunun döyüşən orduya növbəti səfərlərindən biri zamanı qələmə alınmışdır.
Şerin təhlilinə keçməmişdən əvvəl həmin səfər zamanı şairi ön cəbhə xəttində
müşayiət etmiş diviziya partiya komissiyasının məsul katibi M.Niftəliyevin çəbhə
xatirələrinə nəzər salaq. Həmin xatirələrdən öyrənirik ki, S.Vurğun 1943-cü ilin
noyabr ayında 416-cı diviziyada olmuşdur. Bu zaman Melitopol şəhəri yenicə azad
edilmişdi və bu münasibətlə 416-cı Azərbaycan diviziyasına Qırmızı Bayraq
verilmişdi.
Cəbhə xatirələrində oxuyuruq: «Biz (S.Vurğun və M.Niftəliyev – A.B.)
alaqaranlıqda Semyonovka kəndinə daxil olduq. Faşistlər kəndi darmadağın
etmişdilər. Yerli əhali faşistlərin əlindən yaxa qurtarmaq üçün kəndi tərk etmişdi.
Kəndin şimal-şərqində yerləşən bir evə daxil olduq. Ev almanlar tərəfindən tamam
qarət edilmişdi. S.Vurğun döşəmənin üzərinə düşən bir kağız parçasını götürdü. Bu,
Volodya adlı bir uşağın 7-ci sinif şəhadətnaməsi idi. Dərin düşüncələrə dalmış şair
qəzəb dolu gözlərini tapdalanmış şəhadətnaməyə dikərək dedi: «Kim bilir, bu məsum
uşaq indi haradadır? Faşist gülləsi onun susdurmuşmu, ya da yaşayırmı? O, acdırmı,
susuzdurmu, anasının yanındadırmı, yoxsa faşistlər onu məcburi əməyə cəlb
etmişlər?».
S.Vurğun şəhadətnaməni müqəddəs bir xatirə tək götürdü və «bu şəhadətnamə
yazılmamış bir sənət əsərinin mövzusu olacaqdır» – dedi. Mən gözlərimi
S.Vurğundan çəkmirdim. Şair isə xarabaya çevrilmiş evin qarşısında, qurumuş armud
ağacının başına
172
qonmuş bir göyərçini seyrə dalmışdı. Sanki onunla danışırdı. Yetim uşaq kimi
boynunu bükmüş göyərçin elə bil ki, kimsəsiz qalıb ağlayırdı. Ona dən, su verən, onu
bəsləyib saxlayan, nəvazişini çəkən sahibini axtarırdı. Mən gözlərimi şairə
dikmişdim. Onun nə deyəcəyini səbirsizliklə gözləyirdim. Ancaq hiss edirdim ki, şair
öz ürəyində göyərçinlə danışır.
...Çox keçməmişdi ki, «Cəbhə xatirələrindən» qeydi ilə «Ədəbiyyat qəzeti»nin
və «Kommunist» qəzetinin 1943-cü il 12 dekabr nömrələrində «Göyərçin» şerini
oxudum».(122).
«Göyərçin» şerində qanlı-qadalı illərdə Ukrayna torpağında faşistlər tərəfindən
törədilmiş fəlakətin poetik mənzərəsi verilmişdir. Şair göstərir ki, kiçik bir şəhər
viran edilmişdir. Burada nə bir insan səsi var, nə bağ, nə bağça. Mal, qoyun
mələşməsi də eşidilmir. «Sanki bütün dünya laldır...»
Şair müharibənin dəhşət və fəlakətlərini, ağır nəticələrini göyərçinin duruşunda,
quşun gözləri ilə nəyi isə axtarmasında göstərmişdir.
Göyərçin «qərib qalmış ağacda» oturmuşdur. Çünki bütün evlər dağıdılmışdır.
Quşun gözləri kiminsə intizarındadır. Lakin burada insan qalmamışdır.
Şair ukraynalı bir gözəlin portretini rəsm edir. Bu gözəl göyərçinin indi
boylandığı, lakin boş qalmış eyvana çıxarmış. Şair qəlbli bu gözəl təbiəti sevərmiş.
Günəşin özü belə gözəldəki şeriyyəti salamlarmış. O, roman oxuyar, corab
toxuyarmış.
İndi o gözəl yoxdur. Dəhşətli müharibənin odları arasında o gözəl də, roman da
yanıb külə dönmüşlər. Bu faciədən «dilə gəlir göyərçin də»:
Yaman olur hicran dağı.
O daş altda, toz içində
Bir romanın son varağı
O gözəldən bir yadigardır! (132, 153)
Bütün bunlarla yanaşı, Vurğun nikbinliyi, qələbəyə inam hissi «Göyərçin»
şerinin də əsasını təşkil edir:
173
Bu gün-sabah qurulacaq
Bir ədalət məhkəməsi.
Dəyişəcək o gün dövran:
Bu zillətlər, bu möhnətlər,
Vaxtsız ölmüş məhəbbətlər
Baş qaldırıb torpaq altdan,
Hayqıracaq qisas deyə,
Hökm edəcək yerə, göyə. (132, 154)
S.Vurğunun müharibə dövrü yaradıcılığının özəyinə hopan nikbinlik, qələbəyə
inam 1943-cü ildə yazdığı «Gələcəyin toy-bayramı» şerində də qabarıq verilmişdir.
Şair göstərir ki, Ukraynanın gözəlləri yenə əlvan geyinəcək, Krım göylərinin
ulduzları parlayacaq, Kuban çöllərinin ipək telli zəmiləri ləngər vuracaq, Qara dəniz
gəmiləri qatar-qatar düzüləcək, bu gün yanmış xərabələr bir cənnətə dönəcəkdir.
Bu qələbədə Azərbaycan oğullarının da əməyi olduğundan gələcəyin toy-
bayramında Odlar ölkəsinin də öz yeri vardır:
Bizim Odlar ölkəsi də mahnısını deyə-deyə
Öz şerinin nəfəsilə yaşayacaq o zamanda:
Dədə Qorqud dediyimiz min bir yaşlı bir ozan da
Qoca vaxtı öz sazını sinəsinə basacaqdır.
Bütün xalqlar və tayfalar ona qulaq asacaqdır.
O açacaq dəniz kimi tükənməyən ağılını,
Söyləyəcək öz yurdunun qəhrəmanlıq nağılını.
O, məclisə can verəcək ayın, günün cəmalilə.
Azərbaycan torpağının dərya boyda kəmalilə. (132, 166)
Bu şerdə həmçinin bəşəri və milli hisslər birləşərək bir vəvdət halında meydana
çıxmışdır ki, bu da şairin yaradıcılığına xas olan əsas xüsusiyyətlərdən biridir.
Görkəmli şəxsiyyətlər, elm və mədəniyyət xadimləri müharibənin
174
əleyhinə çıxmış, onun bəşəriyyətin inkişafı yolunda əngəl olduğunu, dünyanı
eybəcərləşdirdiyini, insan ömürlərinə son qoyduğunu, neçə-neçə adamı həmişəlik
şikəst etdiyini dönə-dönə xatırlatmışlar. Müharibə eyni zamanda insan şüuruna təsir
edir, şəhərləri, kəndləri xarabalıqlara döndərən, mədəniyyət dəyərlərinə qənim
kəsilən yırtıcılar yetirir. Bu baxımdan böyük Azərbaycan şairi və mütəfəkkiri Hüseyn
Cavidin fikirləri ibrətamizdir. O, 1915-ci ildə qələmə aldığı «Müharibə və ədəbiyyat»
adlı məqaləsində Birinci Dünya Müharibəsi ilə bağlı təəssüratını ifadə etmişdir. O
burada göstərir ki, müharibənin baş verməsi ilə əlaqədar bir sarsıntı, bir pərişanlıq
vardır. Bütün ruhlar həyəcanda, gözlər intizardadır. Şair bu müharibənin dəhşətlərini
belə təsvir edir: «Kürreyi-ərzin, bu canavar yatağının bir bucağı, bir nöqtəsi yox ki,
duyğumuz saldırışlardan, eşitdiyimiz gurultulardan mütəəssir olmasın! Yanar
dağlardan seçilməyən toplar, insanları deyil, səhraların vəhşilərini belə dəhşətlər
içində buraxır. Dünyamız indiyə qədər hənuz böylə qorxunc bir bəlaya rast gəlməmiş,
böylə müdhiş bir inqilab görməmiş».(75, 232).
Hüseyn Cavid bu müharibənin «misri bir bəla», «bir taun», «bir fəlakət»
olduğunu bildirir və onun nəticələrinin daha ağır olacağını göstərir: «Bəli, bugünkü
müharibənin hazırlamaqda olduğu zərbə, çox qorxunc, çox təhlükəlidir. Bu müdhiş
inqilabdan heç bir qüvvət qurtulmayacaq. Bütün elmlər, fənlər unudulmaz dərəcədə
sarsılacaq, dəyişəcək. Şübhəsiz ki, ədəbiyyat da bu axıntıya qatılacaq».(75, 237).
S.Vurğun müharibə illərində yazdığı əsərlərdə yalnız qəhrəmanlığın tərənnümü,
dostluq və birliyə çağırış ideyaları ilə qapanıb qalmamışdı. Şair bəşəriyyətə fəlakət və
göz yaşı gətirən müharibəyə fəlsəfi baxışlarını da bildirmişdir. O bu cür fəlakətlərə
son qoymağın gərəkliliyini xüsusi qeyd edirdi. Buna görə də şair müharibə
səhnələrinin geniş təsvirini verən əsərlər üzərində düşünməyə başladı.
1943-cü ildə «Ədəbiyyat qəzeti»ndə onun «Hürmüz və Əhrimən»
Dostları ilə paylaş: |