Aforizmlər: seçilmişlərdən seçilmişlər
112
Bir hadisənin qarşısını almaq,
o hadisə baş verəndən sonra onun nəticələrini aradan
götürməkdən daha asandır.
Heydər Əliyev
Hər şeyin üç varlıq dərəcəsi olur;
ən aşağı səviyyədə şey özlüyündə mövcuddur,
nisbətən yüksək pillə onun insan şüurunda, ən ali pillə
isə Allahın dərgahındakı mövcudluğudur.
Əbu Turxan
Dünya nizamı özünün ölçüyəgəlməz
möhtəşəmliyi, hər yerdən parlayan sonsuz rəngarəngliyi
və gözəlliyi ilə bizi səssiz təəccübə gətirir.
Əbədi və ciddi nizama müvafiq olaraq vahid ümumi
qanundan necə gözəlliklərin, necə möhtəşəmliyin
çıxdığını görəndə isə ağıl bir başqa
cür heyrətlənir.
Kant
Dünya vahid bir ideyanın
təcəssümü olmasaydı, bu qədər bütöv və
ahəngdar olmazdı.
Əbu Turxan
Yer, göy, dünya
113
Bir cizgi naxışdan çıxarsa kənar,
Başqa cizgilər də bütün pozular.
Nizami
Dünyaya nizamsız şəkildə nizamlı formalar səpilib.
Pol Valeri
Dünya eyni məzmunda, amma
müxtəlif dillərdə yazılmış üç kitabdan ibarətdir:
Müqəddəs kitab, təbiət və əql. Bunlar adətən
ayrı-ayrılıqda oxunur və onların eyni kitab
olduğunu çox az adam dərk edir.
Əbu Turxan
Günəş qüruba endikcə, kölgə böyüyür.
Əbu Turxan
Alovda nur yoxsa, nurda alov var.
Əbu Turxan
Qaranlıq işığın yoxluğundan,
kölgə işığın çoxluğundan törəyir.
Əbu Turxan
Aforizmlər: seçilmişlərdən seçilmişlər
114
Yalnız işıq var, qaranlıq işığın yoxluğudur.
Əbu Turxan
Kölgəni yox edə bilmək
üçün Günəş öz zirvəsinə qalxmalıdır.
Əbu Turxan
Günəşin başı o tərəfdəki işıqlı
həyata qarışmasaydı, bu tərəfi qaranlıq
bürüyə bilməzdi.
Əbu Turxan
Yandırmasa idi,
atəşi daha parlaq nur zənn edərdilər.
Əbu Turxan
Bəşəriyyət
– əzəliyyətdən əbədiyyətə axan nur çayıdır.
Cübran
Bəşəriyyət eyni
mənşəyə və ümumi məqsədə malikdir.
Yaspers
Yer, göy, dünya
115
Yaşadığımız dünya ona görə
fani və naqisdir ki, burada xalis heç nə yoxdur;
işıq qaranlıqla, əql nadanlıqla, xeyir şərlə, ideya
maddiyyatla qatışıq haldadır.
Əbu Turxan
Yer özü də göyün ənginliyindədir;
göydən yerə baxa bilsən.
Əbu Turxan
Dünya böyük bir teatr səhnəsidir.
Hər kəs öz rolunu oynayıb qurtarandan sonra bu
səhnəni tərk edir.
Şekspir
Bu dünya imkanla gerçəklik
arasında qərar tutur. Biz sonsuz imkan dünyasında
ancaq bir cığır seçib gedirik.
Əbu Turxan
Dünya dağdır, bizim etdiklərimiz səs.
Səslərin əks-sədası yenə bizim səmtimizə gəlir.
Mövlana
Aforizmlər: seçilmişlərdən seçilmişlər
116
Bulud ağlamasa, çəmən gülməz.
Nizami
İnsan üçün gerçəklik
nə özlüyündə xarici dünya, nə də özlüyündə
daxili dünya olmayıb, bu ikisinin
təmasından yaranır.
Əbu Turxan
İnsan bu fani dünyada
daim yol gedir ki, nəhayət, onun cazibəsindən
kənara çıxsın. Amma bu ona ancaq ömrün sonunda
müyəssər olur.
Əbu Turxan
Bu dünya tələdir, yemi də istəklər.
Mövlana
Min bahar gəlsə də daş göyərməz.
Mövlana
Günəş batanda şamlar parıldayar.
Mövlana
Dostları ilə paylaş: |