Din, inam, iman
105
Gözəlliyin hüdudlarından
kənarda nə din var, nə elm.
Cübran
İdrak və inamın hər biri öz yerində
gözəldir. Başqasının sahəsinə keçdikdə isə
mürtəceləşirlər.
Əbu Turxan
Məntiqi ilahiləşdirənlər
ilahi hissdən məhrum olurlar.
Əbu Turxan
Elmlə din arasında ziddiyyət
o zaman yaranır ki, onlar təyinatını unudub bir-birini
əvəz etmək istəyir.
Əbu Turxan
Allah insana öz ruhundan
pay verərək onu şərəfləndirmişdir. İnsan da
cisimləri dərk edərkən onları ruhani enerji ilə işıqlandırır
və onlar ideya mərtəbəsinə yüksəlmiş olur.
Əbu Turxan
Aforizmlər: seçilmişlərdən seçilmişlər
106
İnsan cismani aləmdəki
şeyləri, hadisələri mənimsəyərkən onları
şərəfləndirmiş olur.
Əbu Turxan
Daxili nəzarət cəmiyyətin
və dövlətin nəzarətindən daha etibarlıdır.
Əbu Turxan
İnsan özünü bir şeyə tamamilə
həsr etdikdə Allah da ona yardım edir.
Göte
Bir insan Allahdan başqa kimsəyə
ehtiyacı olmadığına inanırsa, Allah da onu
başqasına möhtac etməz.
Şəms Təbrizi
Ağlanacaq bir hal idi
Özümüzdə görürdük,
Dilimizin, dinimizin
Getməsinə gülürdük.
Cavid
Din, inam, iman
107
İnsanın qəlbini göstərməz paltar,
Yazan özü bilər kağızda nə var.
Sədi Şirazi
Mənim gözüm Allahın təcəllisini təkbaşına istəmir;
cəmiyyət olmadan Allahın təcəllisini görmək xətadır.
Məhəmməd İqbal
İman qarşısında zəkann bütün nailiyyətləri solur
Avqustin
Məni bir mən bilərəm, bir də Yaradan.
Mənə bir mən lazımam, bir də Anlayan...
Mövlana
Din və əxlaq inama əsaslanmaqla
vasitəsiz bilik olsalar da, hər halda yenə də
tərbiyə və təhsillə vasitələnirlər.
Hegel
Ölçülməzi ölçə bilməz ölçülər.
Zəlimxan Yaqub
Aforizmlər: seçilmişlərdən seçilmişlər
108
Hər xeyirxah əməl
göylərə aparan nərdivanın bir pilləsidir.
Henri Biqer
Oğul odur, din içində din bəsləyə.
Atalar sözü
Sən saydığını say, gör fələk nə sayır.
Atalar sözü
Yer üzünün nizamını pozmayın!
Quran 2/11
Yer, göy, dünya
111
Göylərin və yerin yaranışının,
gecə ilə gündüzün növbələşməsinin, şübhəsiz,
dəlilləri var düşünən başlar üçün.
Quran 3/190
Gündüzün yanında gecə olarmı?
Onları bir yerdə heç görən varmı?
Nizami
Kainat nə qədər böyük
və onun müxtəlifliyi nə qədər çox olsa da,
o hər şeyi ehtiva edən ilahi bir qüvvənin
sayəsində vəhdətdədir. Onun sayəsində
bütün bu dünya ilahiləşir.
Plotin