37
Neft hasilatı sənayesi sahəsində azərbaycanlı sahibkar-
lara məxsus olan mədənlərdə 1904-1913-cü illərdə 3300-dən
4500-ə qədər fəhlə çalışırdı və illik neft hasilatı 40-65 milyon
puda çatırdı. Götürə üsulla buruq qazma sahəsində azərbay-
canlı sahibkarların müəssisələrində 1908-1913-cü illərdə
1550-dən 1710-a qədər fəhlə çalışıb. Neft emalı sənayesində
isə bu rəqəm cəmi 250 nəfərə qədər olub (14, v.96).
Deməli, bütövlükdə XX əsrin əvvəllərində neft səna-
yesinin bütün sahələri üzrə azərbaycanlı sahibkarların
müəssisələrində orta hesabla 5100-dən 6500 nəfərə qədər
fəhlə çalışıb. Bunun neft sənayesində çalışan fəhlələrin
sayına görə hansı nisbət təşkil etdiyini müəyyənləşdirmək
üçün neft sənayesi fəhlələrinin sayını əsas götürmək olar.
1900-cü ilə dair məlumata görə neft sənayesində 19.319
fəhlə, bu sənayeyə xidmət edən mexaniki zavod və ema-
latxanalarda isə 4.875 fəhlə, cəmi 24.194 fəhlə çalışırdı.
1907-1913-cü illərdə neft çıxarmada 24-30 min, neft ema-
lında 3500-4000, kimya zavodlarında 500-600, bütün neft
sənayesində isə, yəni cəmisi 30-35000 nəfər fəhlə işlə-
yirdi. Belə olan halda azərbaycanlı sahibkarların neft sə-
nayesi üzrə müəssisələrində ümumi fəhlələrin təxminən
17-20 faizi qədər, yəni beşdə birinə qədəri toplanmışdı
(84, s.190-191).
1.2. Ağa Musa Nağıyevin sahibkarlıq fəaliyyəti
Ağa Musa Nağıyev (1849-1919) Azərbaycan milli
burjuaziyasının nəhəng və görkəmli nümayəndələrindən
biri olub. Çox kasıb bir ailədə doğulmuş, yük daşımaqdan
38
böyük firmanın sahibliyinədək ağır bir həyat yolu keçmiş,
möhkəm iradə, işgüzarlıq və istedadının hesabına öz döv-
ründə sayılıb seçilən, adını yaddaşlara yazdıra bilən bir
milyonçuya çevrilmişdi (60, s.23).
Sahibi olduğu neft firması 1908-ci ildə rekord həcmdə
neft çıxarmışdı: 12.328.300 pud xam neft. Bu, Azərbay-
canın neft firmaları arasında o dövr üçün ən yüksək gös-
tərici idi. Tədqiqatlar mübahisələrə heç bir yer qoymadan
göstərir ki, sahibkarlıqdan əldə etdiyi gəlirlərini millətin
maariflənməsi yönümündə sərf edən mesenatlardan olub.
Belə ki, o, 25 müsəlman qızının ibtidai sinifdə oxuması
üçün iri məbləğdə ianə verib. Onun Bakıya yaraşıq verən
tikililəri içərisində realnı məktəb və dörd xəstəxananın
binası xüsusi diqqət cəlb edir. Tikdirdiyi çoxsaylı binala-
rının üzərindəki venzellər (emblema) onun möhürünə çev-
rilib. Qotik üslubda tikdirdiyi “İsmailiyyə” sarayı kimi
milli memarlıq incisi yaradıb (63, s.56)!
XIX əsrin axırları – XX əsrin əvvəllərində Azərbay-
canın ictimai-iqtisadi həyatında Ağa Musa Nağıyev iri sa-
hibkar kimi tanınmışdır. Anası Rüqiyyə Məşədi Məmməd-
yar qızı əsl azərbaycanlı evdar qadın kimi, övladlarını bö-
yütməklə məşğul olub. Ömrünü Hacı Əlinağı Məmməd
oğlu ilə Bakının Biləcəri kəndində başa vurub. Ağa Musa
1871-ci ildə Ümməsəlmə Kərbəlayi Cəfər qızı ilə evlənir.
1879-cu ildə onların oğlu İsmayıl, 1881-ci ildə qızları
Ümmülbanu dünyaya gəlir (60, s.58).
Dövrün müasirlərinin dediklərinə görə ailənin istəklisi
olan İsmayıl çox ağıllı, əliaçıq, mehriban bir insan idi. O,
incəsənəti çox sevdiyindən aktyorlar, şairlər və rəssam-
39
larla yaxınlıq edərdi. Bu cəhət sonradan oğulluğa götür-
düyü qardaşı oğlunun – Fərəcin simasında təkrarlanır.
Uzun sürən ağır xəstəlikdən sonra İsmayıl 26 mart 1902-ci
ildə dünyasını dəyişmişdir (60, s.67).
Ağa Musa Nağıyevin qızı Ümmülbanu – Şəmsi Əsə-
dullayevin oğlu Mirzə Əsədullayev ilə ailə həyatı qurmuşdur.
Şəmsi Əsədullayevin digər oğlu Əli isə Hacı Zeynalabdin
Tağıyevin qızı Leyla ilə evlənmişdir. Ağa Musa Nağıyevin
qardaşı Yusif Ş.Əsədullayevin qızı Xədicə xanım ilə ailə hə-
yatı qurmuşdur. Yusif erkən dünyasını dəyişdiyindən, Ağa
Musa Xədicə xanımı yaşca ondan 15 il kiçik olan qardaşı
Ağa Əlinin oğlu Tağıya ərə verir (45, s.36).
Üç nəhəng milli sahibkar arasında qohumluq əlaqə-
lərinin yaranması, onların dostluğunun daha da möhkəm-
lənməsinə, işgüzar əlaqələrinin daha da artmasına səbəb
olmaqla bərabər, həm də onların iqtisadi qüdrətini möh-
kəmləndirirdi.
Ağa Musa Nağıyev və Şəmsi Əsədullayev ilə iş birliyi
Ramanadakı meyvə bağlarını almaqdan başlayır. Məhz bu
iş birliyi sonradan onların milyonçu olmaları yolunda
dönüş nöqtəsinə çevrilir. Elə bu dövrdə ticarət kapitalı ilə
sənaye kapitalının əlaqəsi daha qabarıq hiss olunmağa
başlanır.
Ağa Musanın səviyyəvi portret cizgilərini müasirləri
belə xarakterizə edirlər: o, təbiət etibarı ilə dəqiq və hər
şeyi ölçüb-biçən insan idi. İllərlə hər çətinliyə sinə gərərək
pul toplayan Musanın, qazdığı quyudan su əvəzinə neft
fontan vurana qədər, gecə-gündüz quyunun yanından çə-
kilməyən Musa fəhlələrlə bərabər ağır işlər görürdü. Qısa
40
müddət ərzində fəhlə Musa neft maqnatlarından birinə
çevrilir. Əldə etdiyi gəlir çoxaldıqca Ağa Musa Bakı kənd-
lərindəki yataqları satın alır və yeni quyular qazdırırdı.
Varlandıqca “Qara şəhərdə” neft emalı zavodu tikdirir,
Xəzər dənizində onun ilk tankeri üzməyə başlayır (45,
s.38).
Rusiya Dövlət Bankının göstəricilərinə görə 1879-cu
ildə 30 yaşlı Ağa Musanın əmlakı 30 min rubl məbləğində
qiymətləndirilib. XIX əsrin 80-ci illərinin ortalarında Ağa
Musa Nağıyevin ticarət dövriyyəsi artıq 700 min rubla ça-
tır. Ağa Musa Nağıyevə II gildiya tacir hüququ verilir (5,
v.4).
Ağa Musa Nağıyev 49 yaşında ikən artıq neft Bakı-
sının məşhur milyonçusuna çevrilir. Amma qənaətcilliyin-
dən heç vaxt əl çəkməyirdi.
Qoçular onu sifarişlə oğurlayarkən, ondan istədikləri
10 min rublı ala bilməmişdilər. Ağa Musa sözün əsl mə-
nasında onlarla “alver” edib, 1000 rubl verərək qoçulardan
canını qurtara bilmişdi. Düşünürəm ki, onun məhz belə
hərəkətləri xəsisliyinin el arasında zərb-məsəlinə çevril-
məsinə səbəb olmuşdur (40, s.90).
Mis mədənlərinin xeyli gəlir gətirdiyindən xəbər tutan
Ağa Musa, bu mədənlərin də neft vura bilməsi ilə maraq-
lanır. Bunun mümkün olmadığını bilən milyonçu “fontan
vurmayan şeyə maya qoymaram”, - deyir.
Dəniz limanında, müxtəlif sahələrdə artıq təcrübə qa-
zanmış Ağa Musa misin fontan vurması haqda mülahizəsi
əlbəttə ki, inandırıcı olmayıb.
Dostları ilə paylaş: |