Partiyasının orqanı olmasa da, müsavatçılıq ideologiyasını təbliğ edən "İqbal"
qəzeti çap edildi.
1912-ci ildə Sənətulla İbrahimovun redaktorluğu ilə ilk sayı işıq üzü görən
"İqbal" Orucov qardaşlarının mətbəəsində çap olundu. Geniş fəaliyyət proqramı ilə
nəşr olunan bu qəzetin auditoriyası böyük idi. M.B.Məhəmmədzadə "Azərbaycan
türk mətbuatı" kitabında yazır: "... Yeni fikirli qəzetə olması ilə "İqbal" ictimai və
mədəni hərəkatımızda pək mühüm bir mövqe işğal etmişdir".
1913-cü ildə Sənətulla İbrahimovun ordu sıralarına yola düşməsindən
sonra qəzetin redaktorluğunu Hüseyn Sadiq üzərinə götürdü. Azərbaycanın
istiqlalçılıq məfkurəsinin banilərindən olan M.Ə.Rəsulzadənin 1913-cü ildə
İstanbuldan Bakıya qayıtmasından sonra ölkədə, məxsusi olaraq mətbuat sahəsində
canlanma yaranmışdı. 1914-ci ilin oktyabr ayından sonra M.Ə.Rəsulzadə "İqbal"
qəzetinin baş redaktoru oldu. Bu qəzet fəaliyyətinin son 4-5 ayında Müsavat
Partiyasının lider və fəalları tərəfindən nəşr olunub, qəzetin əsas ideya-siyasəti
istiqaməti milli ideologiyanın təbliğinə yönəlsə də, bu mətbu orqan partiyanın
rəsmi orqanı kimi fəaliyyət göstərmədi. Müsavatçıların bu nəşr ətrafında birləşməsi
hökumət orqanları tərəfindən narahatlıqla qarşılanmış və bu mətbu orqan
qapadılmışdı. “İqbal”ın nəşri dayandıqdan sonra Orucov qardaşları mətbəəsində
“Yeni iqbal”ı çıxarmağa başlamışdılar. 1915-ci ildə “Yeni iqbal”da
M.Ə.Rəsulzadənin çap olunmuş bir məqaləsi Müsavat liderinin həbsinə səbəb
olmuşdur. "Yeni iqbal" 1917-ci ilə qədər nəşr olunmuş, sonra isə "Açıq söz" qəzeti
ilə birləşmişdi.
"Yeni Fyuzat" Birinci Dünya müharibəsi ərəfəsində nəşr olunan həftəlik
məcmuələrdən biridir. Hər həftənin şənbə günü nəşr olunan jurnalda mövzulara
uyğun olan şəkillər də dərc olunurdu. “Yeni Fyuzat”ın ilk sayı 1910-cu ilin
100
sonlarında işıq üzü gördü. Jurnalın müdiri və sahibi Əli Paşa (Səbur) Hüseynzadə,
baş redaktoru Əhməd Kamal idi. Jurnalın əsas şüarı aşağıdakı iki misra ilə bu
şəkildə oxuculara təqdim olunurdu: