95
"Molla Nəsrəddin" jurnalı fəaliyyət göstərdiyi 25
il ərzində böyük bir
ədəbi məktəb yaratdı. Mollanəsrəddinçilər klassik Azərbaycan,
Şərq və rus
satirasından, xalq yumoru və folklorundan məharətlə istifadə edərək Azərbaycan
ədəbi dilini zənginləşdirdilər. Onlar
ən böyük, ən ciddi məsələləri xalqın "öz ana
dilində", məzəli bir formada izah etməyə çalışırdılar. Məcmuədə işlənən bədii ifadə
vasitələri çox zəngin və rəngarəng idi. Sadə, rəvan dildə problemləri qələmə alıb
oxucuya çatdırmaqla "Molla Nəsrəddin" özündən
əvvəlki mətbu orqanlardan
kifayət qədər fərqlənirdi. Məcmuədə satirik şeir və hekayə formalarından əlavə,
açıq məktub, satirik dialoq, tapmaca, elan, teleqraf və lüğət formalarına da
müraciət
edilirdi ki, bu da jurnalistikada yeni bir istiqamət kimi qəbul edilir.
Jurnalın səhifələrində dərc olunan karikaturalar mövzunun açımı, oxuculara sərrast
çatdırılması üçün olduqca əhəmiyyətli idi.
İnqilabi-demokratik ideyaların yayılması, milli şüurun oyanışı, milli
mədəniyyətin inkişafı və müasir dünyagörüşün formalaşmasında
böyük xidmətlər
göstərən "Molla Nəsrəddin" Azərbaycanda ictimai və bədii fikrin zənginləşməsinə
xidmət etdi. Bu məcmuənin mətbuat tariximizdə önəmi həm də ondan ibarətdir ki,
ömründə dəftər-kitab üzü görməyənlər də "Molla Nəsrəddin"i alır, oxumağa,
yazmağa başlayırdılar. Deməli, bu dərgi həm də dövrün oxucu kütləsinin
formalaşmasına böyük təkan vermişdi.
"Molla Nəsrəddin" Yaxın və Orta Şərq xalqlarının milli oyanışına, azadlıq
hərəkatına böyük xidmət etdi.
Orta Asiya, İran, Türkiyə, Tatarıstan və başqa
yerlərdə inqilabi ideyaların yaranmasına, yeni tipli realist ədəbiyyatın
yaranmasında "Molla Nəsrəddin"in rolu danılmazdır. İranda
və Cənubi
Azərbaycanda çıxan "Suri-İsrafil", "Azərbaycan", "Baba Şəməl", "Nəsimi-Şimal",
Aşqabadda türkcə çap edilən "Tokmak" kimi jurnallar bu və ya digər dərəcədə
"Molla Nəsrəddin"ə bağlıdır.
Dostları ilə paylaş: