124
mühacirətdə keçirir. O, İstanbulda 1923-1927-ci illərdə "Yeni Qafqaziyyə", 1928-
1931-ci illərdə "Azəri-türkü", 1928-1930-cu illərdə "Odlu yurd" və 1932-ci ildə
"Azərbaycanın yurd bilgisi"ni çap etmişdi. Xalqın bu böyük vətənpərvər oğlu
1960-cı ildə İstanbulda dünyasını dəyişmişdi.
"Azərbaycan"ın ərsəyə gəlməsində yaxından
iştirak edən və bir müddət
redaktorluq etmiş
Xəlil Ġbrahim
1892-ci ildə Şuşada anadan olmuşdur. İbtidai
təhsilini Şuşada aldıqdan sonra təhsilini Bakıdakı realnı məktəbdə davam etdirib.
1912-ci ildə “Nəşri-maarif” Cəmiyyətinin Əmircandakı məktəbində müəllim kimi
çalışıb, bədii yaradıcılıqla məşğul olub. Dövrün maarifpərvər ziyalıları ilə bir
sırada dayanan X.İbrahim "Səda", "Açıq söz", "Bəsirət", "İqbal", "Qurtuluş yolu"
kimi demokratik mətbu orqanlarda çalışmış, hətta bəzi qəzetlərə qısa müddətdə
redaktorluq etmişdir. İstiqlal
tariximizə ədəbiyyat, mədəniyyət xadimi, həmçinin
görkəmli jurnalist,
tənqidçi, teatrşünas kimi daxil olan Xəlil İbrahim
"Azərbaycan"ın 1919-cu il 4 iyul tarixli sayından 1 sentyabrınadək rus dilində çap
olunan variantın redaktoru olub. 1920-ci il aprel işğalından sonra Vətəndə qalan
Xəlil İbrahim 1938-ci ildə repressiya olunaraq "xalq düşməni" kimi güllələnib.
"Azərbaycan"ın redaktorları arasında Üzeyir bəy Hacıbəylinin də məxsusi
xidməti var. Üzeyir Əbdülhüseyn oğlu Hacıbəyli 1885-ci ildə Şuşa qəzasının
Ağcabədi qəsəbəsində dünyaya göz açıb, ibtidai təhsilini Şuşada ikinci rus
məktəbində almışdır. 1899-1904-cü illərdə Qori Milli Semnariyasında təhsilini
davam etdirmişdir. Bir müddət Cəbrayılda pedoqoji
fəaliyyətlə məşğul olduqdan
sonra Bakıya köçmüşdür. Bədii yaradıcılığa publisistika ilə başlayan C.Hacıbəyli
"Kaspi", "Həyat", "İrşad", "Tərəqqi", "Həqiqət", "İqbal", "Yeni İqbal" kimi
qəzetlərdə və "Molla Nəsrəddin" məcmuəsində çıxış etmiş, dövrün qüdrətli qələm
sahibi kimi tanınmışdır. Qardaşı Ceyhun Hacıbəylinin Parisə Sülh Konfransına
getməsi ilə "Azərbaycan"da redaktorluq etmiş, ölkənin ictimai-siyasi həyatı,
istiqlalın qorunması, ermənilərin Qarabağda törətdikləri vəhşiliklər ilə bağlı
"Azərbaycan"ın səhifələrində xeyli sayda materiallar çap etmişdir. "Azərbaycan"ın
ilk parlament müxbiri olan C.Hacıbəylinin parlamentdən hazırladığı reportajlar
müasir nəsil jurnalistləri üçün örnək ola bilər.
* * *
"Azərbaycan"ın Gəncədə çıxan ilk dörd sayından sonra Bakıda 1918-ci
ildə 75, 1919-cu ildə 358 və 1920-ci ildə 85 sayı işıq üzü görüb.
Fəal jurnalistika tələblərinə cavab verən "Azərbaycan"ın mövzu dairəsi
çox geniş idi. Burada Azərbaycan
dövlətinin siyasi-ictimai, əxlaqi-mənəvi
maraqlarını qorumaq uğrunda apardığı mübarizə istiqlalçı mətbu orqanların əsas
devizi idi. Qəzetdəki yazılar Bakı xəbərləri, baş məqalələr,
xəbərlər, teatr və
125
musiqi, felyeton, müsahibə, siyasi-ictimai icmallar və başqa rubrikalar altında dərc
olunurdu. "Azərbaycan"ın bölgələrdə də xüsusi müxbirləri var idi ki, bu da
hadisələrin operativ şəkildə işıqlandırılmasına imkanlar yaradırdı.
Dünyada və beynəlxalq aləmdə baş verən prosesləri öz səhifələrində dərc
etməyə çalışan "Azərbaycan" bu mövzuda analitik yazılar
və informasiyalar çap
edirdi. Belə ki, qəzetdə "Türkiyədə", "Paris xəbərləri", "Rusiya hadisələri", "İran
işləri", "Hindistanda muxtariyyət hərəkətləri" rubrikaları altında xeyli sayda
məqalələr işıq üzü görmüşdü. Dövlət orqanı olduğundan rəsmi sənədlər,
protokollar və fərmanlar, parlamentin işinin işıqlandırılması
da qəzetin əsas
proqramına daxil idi.
Dostları ilə paylaş: