Dövrün görkəmli publisistləri "Azərbaycan" qəzetində
Üzeyir Hacıbəylinin yaradıcılıq fəaliyyətinin
xüsusi əhəmiyyəti var. Ü.Hacıbəylinin "Azərbaycan"da istifadə etdiyi forma əsasən
"Təəssürat" başlığı ilə verilirdi. İlk parlament jurnalisti kimi Ü.Hacıbəylinin Milli
Şuranın iclaslarından yazdığı reportajlar forma və zənginliyinə görə seçilir, uzun
illər keçməsinə baxmayaraq, bu qələm ustadının yaradıcılıq məhsulu indi də maraq
kəsb edir. O, parlamentdəki hadisələri şərh və təhlil edərək baş verənləri hesabat
xarakterində xalqa çatdırır, erməni-daşnak qüvvələrinin Qarabağ və Naxçıvanda
apardığı terror siyasətini ifşa edirdi.
Müəllif siyasi-publisistikasında milli birliyə və milli həmrəyliyə çağırış
edir, anarxiyanın aradan qaldırılması və qanunlarının alililiyinin təmin olunması
prinsiplərini önə çəkirdi. "Azərbaycan" qəzetinin 1919-cu il 198-ci sayında "Qara
təhlükə" adlı məqaləsində çar Rusiyasının hüdudlarını bərpa etməyə çalışan,
müstəmləkəçilik hökmranlığının tərəfdarı olan Denikin kəskin tənqid hədəfinə
çevrilirdi. O, Azərbaycan istiqlalının düşmənlərinin Denikin və erməni-daşnak
birləşmələrindən ibarət olmadığını yazır, "içimizdəki denikinlər" barəsində də
xalqa məlumat verirdi.
1918-1920-ci illərdə Üzeyir Hacıbəylinin yaradıcılığının əsas istiqaməti
Azərbaycan isliqlalının qorunub-saxlanılması ərazi bütövlüyünün təmini, xalqın
sosial-iqtisadi hüquqlarının müdafiə olunmasından ibarət idi. O, ermənilərin
xalqımıza qarşı apardığı təbliğatını ifşa edir, publisistik yazılarında vaxtaşırı bu
məsələyə kəskin münasibət bildirirdi.
Ü.Hacıbəylinin Azərbaycanın milli müstəqilliyini qəbul etməyən, onun
yenicə qurulan dövlətinə qəsd niyyəti güdən qüvvələrə, müxalifətçi partiyalara
qarşı yazdığı satiralar da çox səciyyəvidir: "Gözlər var ki, dünənə qədər əsir və qul
olan milləti bu gün azad və sərbəst görmək istəmirlər. Qulaqlar var ki, lal edilmiş
bir millətin dilinin bu gün açılıb da söz söyləməsini eşitmək istəmirlər. Qəlblər var
ki, bir əsrdən artıq məhkum qalan bir millətin bu gün müstəqil və azad olmasını
qəbul etmək istəmirlər".
("Azərbaycan" qəzeti, 18 kanuni - əvvəl 1918, № 56).
126
Cümhuriyyət dövri milli mətbuatının siyasi-publisistikasının ən parlaq və
ən dəyərli nümunələrinin müəlliflərindən biri də