95
sərhəd, sadəcə, müvəqqəti bir akt kimi nəzərdə tutulduğundan, onun
müəyyənləşdirilməsi zamanı bir dövlətdən digərinə keçəcək bir neçə kvadrat verst
ərazinin elə bir önəmi olmamalı idi. İki dövlət arasında son və qəti sərhədin
çəkilməsi isə «yaxın gələcəkdə başqa mülahizələr əsasında gerçəkləşdiriləcək».
Azərbaycan tərəfinin rəyincə, komissiyanın təsbit edəcəyi müvəqqəti sərhəd əhali
arasında anlaşılmazlıqları aradan qaldırmalı və sözügedən torpaqlardan həm
azərbaycanlıların, həm gürcülərin azad istifadəsini təmin etməli idi.
119
Fikrimizcə, bu tezis kifayət qədər ədalətli idi, belə ki, bir zamanlar çar
inzibati idarəçiliyinin bu və ya digər mahalın tarixi, etnoqrafik təsərrüfat və s.
xüsusiyyətlərini nəzərə almadan müəyyənləşdirdiyi sərhədlərin təftişini nəzərdə
tuturdu.
Tezisdə yer almış «müəyyən ediləcək sərhədin müvəqqətiliyi» haqqında
fikir, müəyyən mənada müqabil tərəfin siyasi sayıqlığını azdırmağa yönəlmiş
diplomatik manevr idi. Lakin gürcü nümayəndələri bunu dərhal başa düşdülər:
Apakidze qeyd etdi ki, «hərçənd komissiyanın qarşısında müvəqqəti sərhəd
qoymaq vəzifəsi dursa da, gələcəkdə Azərbaycan və Gürcüstan arasında daimi
sərhəd təsbit edilərkən, digər sənəd və məlumatlarla yanaşı, bu müvəqqəti sərhədin
bərqərar etmə aktı da əhəmiyyətə malik olacaq, ona görə də onun keçirilməsi
zamanı adıçəkilən dövlətlər arasında sərhədlər barədə ümumi müddəalarla da bəlli
dərəcədə uyğunlaşmaq lazımdır».
120
Komissiyanın oktyabrın 29-da olmuş ikinci iclasında əvvəlcə Mazımçay
hadisəsinə baxıldı. Bu iclasda faktiki olaraq Azərbaycan tərəfinin Mazımçayın sağ
sahilindəki artıq sabiq sayıla biləcək postundan imtinası rəsmiləşdi: Apakidzenin
təklifi ilə komissiya belə bir yekun rəyi qəbul etdi ki, sərhəd mühafizə postu hər
dövlətin öz ərazisində olmalıdır, ona görə də «Azərbaycan postunun Mazımçayın
sol sahilində yerləşməsi... düzgün olardı».
121
Bu qətnamə gürcü tərəfinin mühüm
diplomatik uğuru kimi qiymətləndirilə bilər: birincisi uzun aylardan bəri bu strateji
mövqe uğrunda gedən mübarizə onların xeyrinə başa çatırdı. Bu isə münaqişənin
digər epizodları (Çiaur məntəqəsi və Şirək düzü) üzrə qeyd etdiyimiz
kimi, gürcülərin mövqeyini xeyli möhkəmləndirirdi və onları daha inamlı hərəkətə
sövq edirdi. İkincisi, qətnamənin formulirovkası faktiki olaraq Azərbaycan
tərəfinin keçmiş inzibati sərhədi tanımasına işarə verirdi, bu isə onun tarixi,
təsərrüfat və etnoqrafik prinsiplər əsasında sərhədlərin delimitasiyasına nail olmaq
cəhdlərini xeyli dərəcədə mənasızlaşdırırdı.
29 oktyabr iclasında Azərbaycan heyəti heç olmasa «öz sifətini»
qorumağa cəhd göstərdi: o, öz hökumətinin postu Azərbaycan ərazisinə
köçürülməsi haqqında sərəncam verməsinədək həmin postun əvvəlki yerində
bərpasını təklif etdi. Fəqət, öz hökuməti ilə təcili əlaqəyə girən Apakidze noyabrın
3-də olmuş növbəti iclasda bu təklifin qəti surətdə rədd edildiyini bildirdi.
122
Azərbaycan nümayəndələrinə isə faktiki olaraq bu vəziyyətlə barışmaq qalırdı.
96
Konfransın son iki iclasında mübahisəli torpaq sahələri ilə bağlı
məsələlərə baxıldı. «Çiaur meşəliyi» məsələsinə dair Azərbaycan tərəfinin
mövqeyini Şimanovski səsləndirdi: müvəqqəti sərhədlərin təsbiti zamanı qədim
zamanlardan yalnız qabaqçöllülərin istifadəsində olan sərhədyanı torpaqlar Zaqa-
tala quberniyasına qatılmalıdır.
Cavab nitqində Apakidze aşağıdakı müddəalara apelyasiya edirdi: əvvəla,
müvəqqəti sərhədin müəyyənləşdirilməsi zamanı hüquqi mülahizə (oxu: inzibati
sərhəd - Ş.R.) əsas götürülməlidir. İkincisi, qabaqçöllülər son zamanlar öz torpaq
istifadəsini genişləndirə bilərdilər (və gürcülərin məntiqi ilə bunu etmişdilər də).
Üçüncüsü, qabaqçöllülərin Gürcüstan Respublikası daxilində torpaqlardan istifadə
hüququ yetərincə qorunacaqdır, ona görə də «əhalinin ədalətli maraqlarının
müdafiəsi üçün sərhədləri tərpətməyə lüzum yoxdur».
123
Azərbaycan nümayəndə heyəti ikinci iclasda bu məsələ ilə bağlı
kompromisə hazır olduğunu yenə də nümayiş etdirdi: o, Maruşvilinin təqdim etdiyi
Çiaur meşəliyinin mərzçəkmə planına istinad edərək, heç olmasa orada işarələnmiş
və hətta gürcü təmsilçilərinin belə qabaqçöllülərin istifadəsində olan «mübahisəli
məntəqə» kimi tanıdıqları kiçik sahənin Zaqatala quberniyasına birləşdirmək
zərurətini vurğuladı.
124
Əslində bu kompromis təklifi ilə Azərbaycan
nümayəndələri Çiaur meşəliyinin digər və daha böyük qismindən faktiki imtinaya
hazır olduqlarını nümayiş etdirirdilər.
Fəqət qarşı tərəf ixtilafın, hətta belə kompromis və böyük ölçüdə onun özü
üçün yetərincə əlverişli olan həll variantını da yaxına buraxmadı. Noyabrın 3-də
olmuş iclasda Apakidze Azərbaycan tərəfinin təkliflərinə öz hökumətinin rəyini
açıqlayarkən, «Çiaur meşəliyi» məsələsində bir nəticə hasil olmadığını bəyan etdi.
Gürcü nümayəndəsi şəxsən hökumətə məruzə edəcəyini və nəticə haqqında
Zaqatala qubernatoruna teleqram vuracağını vəd edirdi.
125
Azərbaycan üçün yeganə və nisbi pozitiv nəticə «Şirək məsələsində» əldə
olundu. «Çiaur» məsələsindən fərqli olaraq, bu məsələdə Azərbaycan heyəti Şirək
düzündəki sahələrin Azərbaycanın tərkibinə daxil edilməsi tələbini ümumiyyətlə
irəli sürməmişdi: onun istəyi o çağadək Alazanyanı vadidə mövcud torpaq
istifadəsi vəziyyətinin sadəcə qorunub saxlanılması təklifi ilə məhdudlaşırdı.
126
Təklifə gürcü hökumətinin rəyi belə oldu: «Bu məsələ Gürcüstan və
Azərbaycan hökumətlərinin razılığı əsasında çözülməlidir, hələlik isə gürcü
hökuməti Zaqatala quberniyası sakinlərini tutduqları sahələrdən (hansılardan ki,
əvvəllər də istifadə edirdilər) çıxarmamağa razıdır».
127
Bu qısa formulda gürcülərin mübahisə predmeti olan rayonlarda
zaqatalalıların torpaq istifadəsinin tarixi və hüquqi baxımdan qanunauyğunluğuna
münasibəti sezilməkdədir: mətndəki «əvvəllər istifadə edirdilər» ifadəsi, gürcülərin
rəyincə, torpaq istifadəsi aktının başa çatmasından xəbər verirdi. Bununla yanaşı,
açıqcasına söylənməsə də, həmin aktın yalnız müəyyən tarixi zamanın məhsulu
olmasına işarə edilirdi; yəni bölgənin tarixinə dair qeyd etdiyimiz gürcü konsepsi-
Dostları ilə paylaş: |