99
etirazları gözlənilən nəticəni vermirdi. Gürcüstan tərəfi sərhəddə baş verən qarət
hallarını araşdıracağına dair vədlər verməklə işini bitmiş hesab edirdi.
137
1919-cu ilin sonunda bölgədə yaranmış gərgin vəziyyətlə əlaqədar
M.Şahmalıyev daxili işlər nazirinə vurduğu teleqramda yazırdı: «...Gürcü
hakimiyyətinin Zaqatala quberniyası sakinlərinə qarşı Sığnaq qəzası daxilində
zorakılıqlara tam etinasızlığı iri müşküllüklər üçün zəmin hazırlayır. Gürcüstanla
həmhüdud Balakən məntəqəsinin Snori-Skali stansiyasına öz meyvələrini aparan
bir çox sakini son zamanlar sistematik olaraq qoşqu mal-qarasmın oğurlanmasına
və qarətə məruz qalırlar. Yerli (gürcü - Ş.R.) hakimiyyət orqanları onların
şikayətlərinə tamamilə məhəl qoymur və bu cür münasibət bu rayonun qətiyyətli
əhalisini xeyli coşdurur...».
138
İkinci Mazımçay insidenti nəticəsində gürcü tərəfinin əlverişli mövqelər
ələ keçirməsi onun, qeyd etdiyimiz kimi, «mübahisəli torpaqlara» münasibətdə
daha təkidli hərəkət etməsinə səbəb olmuşdu. Bölgədə hadisə sonrası vəziyyətin
maraqlı təsvirinə Zaqatala ikinci piyada alayının komandir müavini polkovnik
Dyaçkovun raportunda rast gəlirik: «Sentyabr insidenti ilə («Mazımçay insidenti»
nəzərdə tutulur - Ş.R.)... sərhəd daha da şərqə çəkildi. Cəzasız baş tutmuş insident,
yəqin ki, gürcülərə onların bundan sonrakı qəsblərinin də beləcə cəzasız keçəcəyini
düşünməyə haqq verdi».
139
1920-ci ilin əvvəllərində Zaqatala qarnizonu rəisi vəzifəsində
haqladığımız Şamil bəy Dibirovun yanvarın 5-də Baş Qərargah rəisinə göndərdiyi
təliqəsində yaranmış vəziyyəti həyəcanlı («alarmist») tonda təsvir olunurdu.
140
Sənəddə bəhs edilən dövrdə sərhəddəki durum və gürcü siyasi və hərbi or-
qanlarının hərəkət tərzi haqqında maraqlı məlumatlar vardı «Sərhədimizdə baş
verənləri müşahidə edərək və dinləyərək mən belə bir qənaətə gəlirəm ki, gürcülər
Qabaqçol torpaqlarının qəsbinə yönəlmiş müəyyən davranış xəttinə riayət edərək,
durmadan nəzərdə tutulmuş məqsədə doğru gedirlər... Hal-hazırda qabaqçöllülərin
ən mühüm mənafelərini həyasızcasına pozaraq, məsuliyyətsiz şəxslər (yəni
gürcülər - Ş.R.) onlara təklif edirlər: «Sizə torpaq lazımdırsa, Gürcüstana birləşin
və Alazanadək bütün torpaq sizin olacaq»». Dibirov sərhədyanı gürcü əhalisinin
davranışının özbaşına olmayıb, ən yuxarı hakimiyyət instansiyaları ilə
razılaşdırıldığını fərz edirdi. O, dəlil kimi Laqodex qarnizon rəisinin cavabını gəti-
rirdi: sonuncusu Dibirovla söhbətləri zamanı dəfələrlə bəyan etmişdi ki, öz
hökumətinin tələblərini icra edir və qabaqçöllülərin maraqları onu əsla
düşündürmür.
Dibirov öz təliqəsində, həmçinin sərhəd zolağında yaşayan Zaqatala
əhalisinin, ilk növbədə qabaqçöllülərin, torpaq məsələsinin dinc yolla çözülmədiyi
təqdirdə fəal hərəkətə keçməyə hazır olduğundan, sakinlərin qarşısının çox
çətinliklə alındığından da bəhs edirdi.
Sənədin sonunda Dibirov məsələyə dair çözüm variantını təqdim edirdi:
«Gürcüstanla müvazinətin saxlanılması zərurətini tam şüurumla anlamaqla,
100
vəziyyət məni gürcüləri Alazanın sağ sahilinə atmağa məcbur edə bilər. Əgər tuta-
cağımız əraziləri saxlamaq üçün heç olmasa iki topumuz olsa idi, mən, yəqin ki,
belə də hərəkət edərdim. Beləcə Gürcüstanla aramızda olan təbii sərhədi bərpa
edərdim; onda dağlıların milli hisləri üçün təhqiramiz olan gürcülərin özbaşınalığı
özü-özlüyündə aradan qalxardı, alay (Azərbaycan ordusunun Zaqatala alayı
nəzərdə tutulur - Ş.R.) Laqodexdə əla kazarmalara malik olardı və əhalinin
Azərbaycanın qüdrətinə inamı möhkəmlənərdi». Gətirilən fraqmentdən Dibirovun
faktiki olaraq Laqodex rayonunu silah gücünə tutmağa çağırışı diqqəti cəlb edir.
Qeyd edək ki, Dibirov əslən Zaqatala bölgəsindən idi
141
və onun yuxarıdakı
mülahizələri müəyyən mənada mahal əhalisinin ixtilafın həllinə dair radikal
konfrontasion baxışlarını əks etdirirdi. Təliqə müəllifinin özü də ehtimallarımızın
xeyrinə etiraf edirdi: «Zaqatala alayı əsgərlərinin Zaqatala dairəsi sakinləri və
komandirin özünün də yerli olduğunu bilən hər kəsə Zaqatala qarnizonunun
rəisinin nə edə biləcəyi aydındır».
Dibirovun münaqişənin həllinə dair təklifləri faktiki olaraq ixtilafın
eskalasiyasını labüd edəcəkdi. Bu isə, dəfələrlə qeyd etdiyimiz kimi, olduqca
mürəkkəb dövrünü yaşayan birinci respublika və onun elitası üçün qeyri-məqbul
idi.
1920-ci ilin əvvəllərində Zaqatala quberniyasının ali hakimiyyət
eşalonunda dəyişiklik oldu: hökumətin 16 yanvar tarixli qərarı ilə M.Şahmalıyev
vəzifəsindən azad olundu və onun yerinə Bahadur xan Mallaçixanov təyin edildi.
142
Sayca üçiincü və sonuncu Zaqatala valisi olan B.Mallaçixanov 1917-ci ildə Bakıda
avar cəmiyyətinin sədri olmuş,
143
sonralar Dağlı respublikası hökumətində bir sıra
vəzifələr, o cümlədən ticarət, sənaye və ərzaq naziri postunu tutmuşdu.
144
B.Mallaçixanovun daxili işlər nazirinə 1920-ci ilin fevralın 28-də
ünvanladığı təliqəsində
l45
qabaqçöllülərin Çiaur məntəqəsindəki əkin yerlərinin
gürcü hərbi hissələri tərəfindən tutulması, bu amilin yeni təsərrüfat mövsümünün
yaxınlaşması rakursunda ixtilafı kəskinləşdirə biləcəyi ehtimalı qeyd olunurdu.
Təliqədəki bəzi fraqmentlər diqqəti cəlb edir: «Bizim administrasiyamız yerlərdə
həyəcanlanmış əhalini sakitləşdirmək üçün respublikalar arasında mövcud dostluq
əlaqələrinə və ondan nəşət edən mübahisə və anlaşılmazlıqların diplomatik yolla
nizamlanması zərurətinə istinadla bütün tədbirləri alır», «Gürcülərin bu sayaq
hərəkətləri (onların Çiaur meşəliyinə zaqatalalıların girişini əngəlləmələri nəzərdə
tutulur - Ş.R.) yaxın gələcəkdə gərgin qarşılıqlı münasibətlərə dair həyəcanlı
əndişələr doğurur ...Əhali arasında gürcülərin hədə-qorxuları, qabaqçöllüləri ələ
salmaları ağızdan-ağıza keçməkdədir; qabaqçöllülər (gürcülərin istehza ilə
söyləmələrinə görə - Ş.R.) «öz əkinlərini becərmişlər, biçini isə başqaları
edəcək»».
Gətirilən fraqmentdə bir daha Azərbaycan hakimiyyət strukturlarının
münaqişənin eskalasiyasına yol verməməyə yönəlmiş və artıq ənənəvi hal almış
siyasi dəst-xətti nəzərə çarpmaqdadır. Bu dəst-xətti daha yaxşı anlamaq üçün təkra-
Dostları ilə paylaş: |