106
hadisələr məhz belə hallardandır: bu zaman hərəkət və ya inkişaf trayektoriyasının
haçalanması mümkündür ki, bu da yuxarıda formulə etdiyimiz dilemmada öz
ifadəsini tapırdı.
Postaprel Cənubi Qafqazında sözügedən dilemmanın iki çözüm
strategiyasının
şahidi oluruq. Bir strategiyanı Gürcüstan Demokratik
Respublikasının siyasi elitası təqdim edirdi: o, Azərbaycanın sovetləşməsi
kontekstində bir daha faktiki Qərb («Qərb» anlayışı altında məlum siyasi, ictimai
və sosio-mədəni dəyərlər sistemi anlaşılır) lehinə siyasi seçimini etmişdi. Gürcü
siyasi sisteminin baza elementi olan menşeviklərin təsəvvürüncə, bolşevik
sovetizmi - geriliyin, cəhalətin, irticanın simvoluna çevrilmiş asiyaçılığın təzahürü
idi. «Борьба» qəzeti aprel çevrilişini hadisələrin artıq ertəsi günü qısaca belə
səciyyələndirirdi: «Qırmızı Azərbaycanın doğuluşunu Asiya irticasının bütün qara
qüvvələri alqışlayır»
2
. Hadisələrin daha dolğun dəyərləndirilməsinə hökumət
başçısı N.Jordaniyanın Gürcüstan Müəssislər Məclisinin aprelin 30-da olmuş
fövqəladə iclasında etdiyi nitqində rast gəlirik: «...Mənim fikrimcə
bolşevist
hərəkatı geri qalmış və siyasi cəhətdən inkişaf etməmiş xalqların hərəkatıdır...
Azərbaycanın yolu ilə getmək və onun siyasi kredosunu qəbul etmək - bu azad və
demokratik Gürcüstanı həmişəlik dəfn etmək, Avropadan əbədi qopub ayrılmaq və
Asiya fanatiklərinin caynaqlarına düşmək deməkdir». Jordaniya tarixi-siyasi
zamanın qoyduğu dilemmanı belə formulə və həll edirdi: «Avropa, yaxud Asiya? -
Bu sual hal-hazırda qarşımızda konkret şəkildə qoyulmuşdur və mən bu gün... daha
gur səslə, daha enerjili təkrar edirəm - biz Avropanı, Avropa demokratiyasını
seçirik». Gürcü Müəssislər Məclisi respublikanın siyasi liderinin bu çağırışına
gözlənilən cavabını verdi: «...Müəssislər Məciisi... Avropadan Asiyaya üzünü
tutmayacaqdır, demokratiya əvəzinə müstəbidliyə güzəştə getməyəcəkdir».
3
Digər strategiya isə yeni Azərbaycanın timsalında təzahür edirdi. Aprel
çevrilişi Azərbaycanı məzmun xarakteristikasına görə yeni - Sovet Rusiyasının
sosial-siyasi orbitinə daxil etməklə bərabər, onu 1920-ci ilin əvvəllərinin unikal
situasiyasının özümlü missiyasının daşıyıcısına çevirmişdi. Qısa bir zaman kəsiyində
Azərbaycan antiimperialist (və deməli, antiqərb) mübarizənin o illərdə geniş vüsət
aldığı Şərqə münasibətdə sovet strategiyasının mərkəzi qovşağı, habelə Cənubi
Qafqazın sovetləşməsinin mühüm platsdarını olmuşdu.
4
Belə bir rol və status
Azərbaycanın yeni hökumətinə mayın 5-də Leninin imzası ilə göndərilmiş
teleqramda ifadəsini dolayı surətdə artıq tapmışdı: «... Müstəqil Azərbaycan
Respublikası öz sovet hökumətinin rəhbərliyi altında RSFSR ilə birgə öz azadlıq və
istiqlaliyyətini Şərqin məzlum xalqlarının qəddar düşməni olan imperializmdən
qoruyub saxlayacaqdır.
5
Azərbaycanın regionda xüsusi missiyası haqqında 1922-ci ildə
Orconikidze deyirdi: «Azərbaycanda Sovet hakimiyyəti bərqərar olduğu andan
etibarən, Azərbaycan bizim çıxış məntəqəmiz idi. Oradan biz millətçi-burjua-
əksinqilabçı menşevik və daşnak hökumətləri üzərinə həmlə edirdik.
6
107
Bu spesifik vəzifəni Azərbaycan kommunistləri özləri belə artikulyasiya
edirdilər: «Müstəqil Azərbaycanın füqərayi-kasibəsi bunu unutmamalıdır ki,
Azərbaycan Şərq aləminin xilaskarı və mərkəz nöqtəsini təşkil ediyor. Azərbaycan
imperializmaya vurulacaq yumruğun ən müdhişini vurmaq vəzifəsilə müvəzzəfdir
(vəzifəlidir- Ş.R.)...»
7
, «biz bilirik ki, İngiltərə imperyalizmasının mürdəşiri, onu
dəfn edən Şərq aləmində Qırmızı Azərbaycan olacaqdır»
8
, «biz Azərbaycan
inqilabına Azərbaycan dairəsində baxmayaraq, Azərbaycan inqilabında ancaq Şərq
inqilabını görürüz və biz... var qüvvəmizi toplayacağıq ki, nə tövr olursa-olsun,
Şərqə kömək edək».
9
Beləliklə, Azərbaycanın sovetləşməsi regionu faktiki olaraq yeni geosiyasi
hüdudlarla parçaladı: Gürcüstanın mövcud siyasi elitası siyasi dünyagörüşü və
sosiomədəni yönəlişliyindən (ustanovkasından) çıxış edərək, habelə yaranmış hərbi-
siyasi konyunktura ilə əlaqədar Qərb lehinə seçim etdi. Azərbaycan isə Qərbin
siyasi, sosial, iqtisadi və mədəni antitezisi kimi formalaşmaqda olan yeni Avrasiya
siyasi-dövləti strukturuna inkorporasiya (daxil) edilirdi.
2. Azərbaycan-Gürcüstan münasibətləri:
siyasi müttəfiqlikdən hərbi konfrontasiyaya dönüĢ
Azərbaycanda sovet hakimiyyəti bərqərar olar-olmaz onun Gürcüstanla
münasibətləri sürətlə pisləşdi: cəmi iki-üç gün ərzində sabiq strateji müttəfiqlər
faktiki müharibə aparan tərəflərə çevrildilər.
Məsələ onda idi ki, bolşevik strateqləri - Qafqaz bürosunun
Q.K.Orconikidze və S.M.Kirov başda olmaqla bir qrup üzvü Azərbaycanın sürətlə
sovetləşməsindən bir növ eyforiyaya qapılmışdılar: onlar bu təcrübəni
Gürcüstanda da eyni uğurla təkrarlamağa ümid edirdilər.
10
Mayın əvvəllərində
Gürcüstana qarşı kompleks tədbirlər məhz bu şəxslərin təşəbbüsü və bilavasitə
rəhbərliyi altında işə salındı: mayın l-də
Tiflisdə və digər iri şəhərlərdə hökumət
əleyhinə kütləvi nümayişlər keçirilir, ertəsi gün Sandro Maxaradze başda olmaqla
bir qrup bolşevik Tiflisdə silahlı dövlət çevrilişinə cəhd edir, lakin
müvəffəqiyyətsizliyə düçar olur.
11
Aprelin sonu - mayın əvvəllərində sovet Azərbaycanı ilə menşevik
Gürcüstanı arasında qızışmaqda olan hərbi əməliyyatlar da məhz bu kontekstdə
anlaşıla bilər. Azərbaycanın xarici işlər komissarı M.D.Hüseynovun Gürcüstanın
xarici işlər naziri Y.P.Gegeçkori ilə o günlərə aid diplomatik yazışması həmin
əməliyyatların xarakteri və gedişi, ən əsası isə hərbi qarşıdurmanın arxasında duran
bəzi mətləb və məqamlara müəyyən aydınlıq gətirir. Bu yazışma, eyni zamanda,
sözügedən silahlı münaqişədə menşevik Gürcüstanının birmənalı suçluluğu
Dostları ilə paylaş: |