116
əvvəlcə düşünürdü ki, Bakıdakı sovet siyasəti yerli hakimiyyətin əməlləridir, o
(əhali
- Ş.R.) Moskvaya inanırdı, onun müdafiəsinə və yardımına ümid bəsləyirdi,
amma burada da tezliklə məyusluq baş verdi; Gürcüstanla sülh bağlanarkən
Azərbaycanın xəbəri və razılığı olmadan birincisinə büsbütün müsəlmanların
yaşadığı Zaqatala dairəsi güzəştə gedildi».
38
Tezliklə gürcü hökumətinin Zaqatala məsələsinin özünə sərfəli şəkildə
həllində Moskva müqaviləsinə bağladığı ümidlər puça çıxdı: iyulun 7-də RK(b) P
MK Siyasi Bürosu «Qafqaz cəbhəsi Hərbi-İnqilab Şurası üzvlərinə və bizim
Gürcüstan, Ermənistan və Türkiyədəki diplomatik nümayəndəliyimizə təlimat»ı
təsdiq etdi. Orada deyilirdi: «RSFSR-in gürcü hökuməti ilə bağladığı müqavilə
bütün detalları ilə dönmədən icra olunmalı və həyata keçirilməlidir... Yalnız
Zaqatala dairəsi haqqında maddə istisna təşkil edir: dairə, müqaviləyə əsasən
Gürcüstana daxil edilmə əvəzinə, sədri RSFSR tərəfindən təyin ediləcək qarışıq
komissiya tərəfindən bu və ya digər respublikaya mənsubluğu həll edilənə qədər
mübahisəli ərazi hesab olunmalıdır».
39
1920-ci ilin iyunun 28-də Azərbaycan İnqilab Komitəsi rayon xalq
təsərrüfatı şuraları haqqında dekret imzalamışdı.
40
Həmin sənədə əsasən, Azərbaycan
yeddi iqtisadi rayona bölünürdü. Onlardan biri - Nuxa rayonu Nuxa qəzası və Za-
qatala dairəsini əhatə edirdi. Bu faktın özü də Azərbaycan rəhbərliyi tərəfindən
Zaqatala mahalının hüquqi və faktiki baxımdan Azərbaycanın ayrılmaz hissəsi elan
olunmasına dəlalət edirdi.
Gürcü milli-demokratlarının rusdilli orqanı «Грузия» qəzetinin həmin
günlərdə təşvişlə hökumətə ünvanladığı ritorik suallar bu baxımdan əlamətdar idi:
«Hansı əsasla Zaqatala dairəsində sovet hakimiyyəti sərəncam verir və ordu his-
sələri ağalıq edir?... Moskva müqaviləsinə əsasən Zaqatala dairəsi Gürcüstana
keçir. Bəs elə isə yerli hakimiyyətin özbaşınalığını nə ilə izah etmək olar?».
41
4. Zaqatalada 1920-ci il iyun üsyanı. Üsyan rəhbərliyinin
«Gürcüstana birləĢmək haqqında saziĢ»ə imza atması
və onun siyasi mahiyyəti
Zaqatalada sovet hakimiyyəti artıq aprelin 29-da bərqərar olmuşdu.
Həmin gün XI ordunun təlimatçılarından Menşikov adlı birisinin göstərişləri
əsasında mahal inqilab komitəsi təşkil edildi: komitənin sədri vəzifəsinə əslən bu
bölgədən olan 21 yaşlı Zəkəriyyə Ramazan oğlu Balaxlinski, onun müavini
Mahmud Qocayev (əslən İlisulu), katibliyə isə Nikolay Levşin təyin olundu.
42
Komitə üzvlərinin özlərinin etirafına görə, bu orqanın səlahiyyətləri,
xüsusən də ilk vaxtlar, o qədər də geniş deyildi. Faktiki olaraq vilayət bir müddət
Qızıl Ordu hissələrinin tam ixtiyarına verilmişdi: qoşunlar evlərdə yerləşdirilirdi,
117
hərbi komandanlıq özbaşına həbslər aparır, əhalidən ərzaq müsadirə edirdi.
43
Yəni
inqilab sonrası tipik rus şablonu üzrə hərəkət etmə göz önündə idi ki, bu da
əhalinin kəskin narazılığını doğururdu.
Bu narazılıqdan gürcü hakim dairələri məharətlə yararlanmağa çalışırdılar.
Artıq Azərbaycanın sovetləşməsindən sonra iki ölkə arasındakı hərbi qarşıdurma
gedişində, mayın 9-da Qabaqçöl rayonunda insan itkiləri ilə müşayət olunan
toqquşmalar baş vermişdi. Tərəflər qanlı insidentə görə yenə də bir-birilərini
ittiham edirdilər.
44
Ehtimal ki, artıq may toqquşmaları gedişində gürcü komandanlığı ilə
gələcək Zaqatala üsyanının bəzi rəhbərləri arasında müəyyən təmaslar qurulmuşdu.
1920-ci ilin iyunun 6-dan 18-dək davam etmiş Zaqatala üsyanının
təfərrüatına varmadan,
45
onun təşkili və gedişində gürcü faktoruna, həmçinin üsyan
başçılarının gürcü hakimiyyəti ilə imzaladığı sazişə toxunmaq istərdik.
Üsyana dair materiallardan bəlli olur ki, mahalda silahlı çıxışa hazırlıq
gürcü hərbi-siyasi dairələri ilə sıx koordinasiyada aparılmışdı. Üsyan ərəfəsində
sərhədi məxfi surətdə keçən və özünü vilayətin Gürcüstana birləşməsi tərəfdarı
kimi qələmə verən Balaxlinski Laqodex rayonundakı gürcü qoşunları ko-
mandanlığı ilə görüşə bilmişdi. Onun əldə etdiyi məlumatlara görə, gürcü hökuməti
Zaqatalada öz hakimiyyətini bərqərar etdiyi təqdirdə mahalın Gürcüstan tərkibində
muxtariyyətini elan etməyi planlaşdırırdı: bu halda vilayətin idarəçiliyi müsavat
nazirinin təşkil etdiyi xüsusi orqana həvalə ediləcəkdi.
46
M.D.Hüseynov Y.P.Gegeçkoriyə göndərdiyi 15 iyun tarixli teleqramda
qeyd edirdi ki, «... gürcü hökumətinin agentləri Zaqatalada əks-inqilabi ünsürlərlə
birlikdə gürcü komandanlığının adından Zaqatala dairəsinin sovet Azərbay-
canından ayrılması və Gürcüstana birləşdirilməsi çağırışı ilə bəyannamələr
paylayırdılar. Gürcü zabitləri və qoşun hissələri müxtəlif bəhanələrlə Zaqatala
hüdudlarına əvvəlcədən daxil olmuş və dairədə üsyan hazırlamışlar...».
47
Üsyan günlərində XI Ordunun Hərbi-İnqilab Şurasının üzvü Y.İ.Vesnikin
S.Orconikidzeyə verdiyi məlumata əsasən, gürcülər açıq-aşkar fəaliyyət
göstərirdilər: gürcü qoşunlarının planlarında Zaqatala üsyançıları ilə birləşmək və
hətta Nuxa və Qarabağ istiqamətində hərəkət etmək dururdu.
48
Gürcü rəsmilərinin, təbii ki, müəyyən imkanlar daxilində, üsyana dair
yetərincə ciddi niyyətlərindən Gegeçkorinin Hüseynova 14 iyun tarixli teleqramı
da işarə verir: «... Sazişə rəğmən sizin qoşunlarınız Nuxadan Zaqatala dairəsi
üzərinə hücum etməkdədirlər və dairə sərhədində güclü artilleriya döyüşü gedir...
Əgər bu hücum dayandırılmazsa, onda biz öz qoşunlarımıza Zaqatala dairəsinə
daxil olmaq əmri verəcəyik...».
49
Zaqatala üsyanının ən maraqlı məqamlarından biri -onun başçılarının
(Müslüm əfəndi, Məhəmməd əfəndi, Bəşir bəy Qalaciyev, Molla Məhəmməd
Dibirov və başqaları) gürcü hakimiyyət orqanları ilə imzaladıqları saziş idi.
«Gürcüstana birləşmək haqqında» razılaşma 8 maddədən ibarət idi: 1) Mahalın
Dostları ilə paylaş: |