227
Qladiator
Güclü, çevik, bir-biri ilə vuruşmağa məcbur edilən qullara deyilirdi.
Qraf
Frank dövlətində vilayət hakimi.
Qul
Əmlakı olmayan, şəxsi cəhətdən quldardan asılı olan insan.
Quldar
Qulları
olan adam, qul sahibləri.
Quran
(ərəbcə ―ucadan əzbər oxumaq‖) Müsəlmanların müqəddəs kitabı.
Qurultay
Türklərdə hakim nəsldən olan əsilzadələrin ali yığıncağı.
Q
vardiya
İmtiyazlı seçmə qoşun hissəsi.
- L -
Lakonika
Qədim Yunanıstanda, Peloponnes yarımadasının cənub-şərqində tarixi vilayət.
Latınlar
Romanın qədim tayfalarından biri. Onların dili bütün İtaliyanın ümumi dilinə çevrilmişdi.
Lalə dövrü
Osmanlı imperiyasında Sultan III Əhmədin (1703-1730) hakimiyyəti illərində baş vəzir
İbrahim paşanın həyata keçirdiyi islahatlar dövrü.
Legion
Qədim Romada əsgəri birləşmə. Roma ordusunun hərbi quruluşu.
Levellerlər
(ingiliscə ―bərabərçilər‖) İngiltərə burjua inqilabı dövründə sənətkarlar və yeni tipli
ordunun əsgərələri arasında yayılmış dinc hərəkat.
Liberal
Azadlıq tərəfdarı, azadfikirli, güzəştə gedən insan.
Lord-protektor
(latınca) müdafiəçi, hami deməkdir.
- M -
Manufaktura
(latınca ―əl ilə düzəldilmiş‖) Əl əməyindən istifadə edilən və işçilər arasında müxtəlif
ixtisaslar üzrə əmək bölgüsünün olduğu ilk kapitalist müəssisəsi.
Mavəraənnəhr
Dəniz arxası deməkdir. Orta əsrlərdə qərbdə Aral gölü, cənubda Amudərya, şimalda
Sırdərya, şərqdə Fərqanə vadisi ilə əhatə olunan tarixi vilayət.
Mesopotamiya
(yunanca ―İkiçayarası‖) Dəclə və Fərat çaylarının orta və aşağı axarlarında yerləşən
tarixi vilayət.
Mezolit
Orta Daş dövrü. E.ə XII minillikdən - VII minilliyədək davam etmişdi.
Mərzban
Sasanilər dövründə vilayətlərə başçılıq edən canişin, ―sərhəd qoruyucusu‖.
Məhdud monarxiya
Burada kral çarlıq edir, lakin hökmüranlıq etmir.
Məhsuldar qüvvələr
Əmək alətləri, torpaq, yeraltı
sərvətlər, insanlar və.s. nəzərdə tutulur.
Məğlubedilməz armada
İspaniyanın İngiltərəni fəth etmək məqsədi ilə 1586-1588-ci illərdə yaratdığı 130 yelkənli
gəmidən və 20 min döyüşçüdən ibarət iri hərbi donanması.
Məkik
İplik sarınan uzunsov oval qutu və ya qəlib şəklində alət.
Mərkəzləşmiş dövlət
Güclü hökmdar hakimiyyətinə malik olan vahid dövlət.
Mixi yazı
E.ə. III minillikdə Ön Asiyada yaranmış qədim yazı sistemi.
Mikena mədəniyyəti
Yunanıstanda, Peloponnes vilayətində e.ə. II minilliyə aid arxeoloqlar tərəfindən aşkar
edilmiş mədəniyyət.
«Milli Şura»
Hollandiya burjua inqilabından sonra dövləti idarə edən, burjuaziya və əyanlardan ibarət
dövlət orqanı.
Miniatür
Latınca ―minimum‖ sözündəndir. Qədim əlyazmalarda və kitablarda rəngli illustrasiyalar.
Monarx
Bir qayda olaraq hakimiyyəti irsən alan dövlətin təkhakimiyyətli başçısı.
Monarxiya
(yunanca ―birinin hakimiyyəti‖) Ali dövlət hakimiyyətinin dövlətin təkbaşına başçısının
- irsi monarxın əlində (tam və ya qismən) cəmlənmiş idarəçilik forması.
Monoteizm
(yunanca ―təkallahlıq‖) Tək Allah təsəvvürünə əsaslanan din.
Mozaika
Müxtəlif rəngli xırda daşlar və şəffaf olmayan rəngli şüşə qırıntılarından ibarət rəsm.
Mübadilə
Hər hansı məmulatı və ya məhsulu digəri ilə dəyişmək.
Müstəmləkə
Müstəqilliyini itirmiş, işğalçılardan asılı vəziyyətə düşmüş ölkə.
Müdaxilə
Bir və ya bir neçə dövlətin digər dövlətin işlərinə qarışması.
Mühafizəkar
Köhnəlik tərəfdarı deməkdir.
Mükəlləfiyyət
Ərəbcə ―hər hansı bir işi yerinə yetirmək öhdəliyi‖.
Mülk
Xilafətdə yerli feodalların mülkiyyətində olan irsi torpaqlar.
Mülkədar
İri torpaq və mülk sahibi.
228
- N -
Natural təsərrüfat
İstehsal olunmuş məhsulun satış üçün deyil, şəxsi istifadə üçün nəzərdə tutulduğu
təsərrüfat növü.
Neolit
Yeni Daş dövrü.
Yunan sözü olub ―neos‖-yeni, ―litos‖-daş deməkdir. E.ə VII minilliyi
əhatə edir.
«Nizami-cədid»
―Yeni qayda‖ deməkdir. Sultan III Səlimin (1789-1807) islahatlarına verilən ad.
Nom
(yunanca) Vilayət deməkdir. Qədim Misirdə şəhər dövlətlər.
Noyon
Orta əsrlərdə monqol ordusunda yüksək mənsəbli hərbi rəis, sonralar - dünyəvi feodal.
Numizmatika
Zərbxana və pul dövriyyəsini öyrənən elm.
- O -
Orden
Orta əsrlərdə rahib təşkilatları.
Ordular
Monqollarda qəbilə quruluşunun dağılmasından sonra yaranan birləşmələr.
Osiris
Qədim Misir mifologiyasında ölən və dirilən təbiət allahı.
Ovçuluq
Ən qədim insanların ilk məşğuliyyətlərindən biri. Mezolit dövründə insanların əsas,
Enolit dövründə ikinci dərəcəli, Orta Tunc dövründə isə köməkçi məşğuliyyət sahəsinə
çevrilmişdi.
- Ö -
Ödənc
Əsirlikdən azadolma və ya əmlakın geriyə qaytarılması üçün verilən ödənc.
Özünütəcrid siyasəti
XVI əsrin əvvəllərində Yaponiyanın və XVIII əsrin ortalarında Çinin yeritdiyi daxili və
xarici siyasət. Bu siyasətə əsasən Avropa müstəmləkəçiləri ölkədən qovuldu,
avropalıların ölkəyə girişi
qadağan olundu, ölkə xarici aləmdən təcrid olunurdu.
- P -
Paleolit
(yunanca ―palayos‖ - qədim, ―litos‖ - daş deməkdir) Qədim daş dövrü. 1,5 milyon il
bundan əvvəl başlamış, e.ə XII minilliyədək davam etmişdi.
Patrik
Sasanilər dövründə iri feodallar.
Panteon
Eramızın II əsrin əvvəllərində Qədim Romada inşa edilmiş ―bütün allahların məbədi‖.
Parlament
(fransızca ―danışmaq‖ deməkdir) Qanunverici orqan.
Parlamentli monarxiya
Dövlətin başında monarxın durduğu, eyni zamanda, parlamentin mövcud olduğu dövlət
hakimiyyəti forması.
Papirus
Qamış tipli bataqlıq bitkisi. Qədim Misirdə yazı materialı kimi istifadə edirdilər.
Paşa
Osmanlı imperiyasında yüksək mülki və hərbi mənsəb sahiblərinin daşıdığı titul.
Patrisilər
(latınca ―pater‖ – ―ata‖ deməkdir) Romanın ən qədim sakinlərinin övladları.
Perqament
Aşılanmış buzov və ya quzu dərisi.
Piramida (ehram)
Qədim Misirdə firon və əyanların monumental sərdabəsi.
Poseydon
Yunan mifologiyasında allah, dəniz hökmdarı, Zevsin qardaşı.
«Prayd təmizləməsi»
1648-ci ildə parlament ordusunun polkovniki Praydın öz dəstəsi ilə parlamentin girişini
tutaraq mötədil deputatları parlamentə buraxmaması hadisəsi.
Pravoslav kilsəsi
(yunanca ―həqiqi, doğru din‖) 1054-cü ildə katolik kilsəsinin parçalanması nəticəsində
yaranan müstəqil şərqi xristian kilsəsinin adı.
Protestant kilsəsi
Reformasiya dövründə katolik kilsəsindən ayrılan xristianlığın başlıca cərəyanlarından
biri. Martin Lüterin tərəfdarları olan protestantların adından götürülmüşdü.
Protesta
Etiraz edirəm demədir.
Puritan
(latınca ―purus‖, yəni ―təmiz‖ deməkdir) Dəbdəbəli kilsə ayinlərinə və mərasimlərinə
qarşı çıxan dini məzhəb.