47
329
May 2014
Milli.Az bildirir ki, ayətullah Sistani naməhrəm qadınla kişi
arasında canlı həyatda ünsiyyətə dair şər’i məsələlərin virtual aləmdə
qurulan ünsiyyətə də şamil oduğunu bildirib: “Naməhrəm kişi və
qadın arasında yazılı və səsli mesajlaşma (ünsiyyət qurma) yalnız
canlı həyatda (şəriətə görə) halal olduğu miqdarda caizdir”.
Ayətullah Seyyid Əli Sistani sosial şəbəkələrdə naməhrəmlər
arasında ünsiyyətin caiz olub-olmaması ilə bağlı suala
cavab verib
SOSİAL ŞƏBƏKƏLƏRDƏ QADINLA KİŞİNİN ÜNSİYYƏTİ...
2013-2014-cü tədris ilində peşə təhsili almaq istəyən müsəlman məktəbli qız məktəbə hicabda getmək
istədiyini bildirib. Onun bu istəyi məktəb rəhbərliyi tərəfindən təmin olunmayıb. Bu səbəbdən həmin şagird
məhkəməyə müraciət edib.
Bavariya əyalət məhkəməsi iddia ilə bağlı yuxarıda bəhs etdiyimiz qərarını aprelin 25-də çıxarıb. Həmin
qərarda şagirdin məktəbə hicabla gəlməsinin yasaqlanmasının məktəbli qızın vicdan azadlığına zərər vurmadığı
vurğulanıb.
Məhkəmə Almaniyanın Bavariya əyalətində qız şagirdin hicabla dərsə girməsinə
icazə verilməməsi haqqında qərar çıxarıb
ALMANİYADA MƏHKƏMƏ ŞAGİRDƏ DƏRSƏ HİCABLA GƏLMƏYİ YASAQLAYIB
“Əl-Cəzirə"nin məlumatında bildirilir ki,
yeni qanuna əsasən prosesin ilkin mərhələsin-
dəki qaydalara görə, Ramazan ayında oruc tut-
mayan və cümə namazına qatılmayanlar böyük
məbləğdə cərimələnəcəklər. Həmin hal təkrarla-
narsa, həbs cəzası nəzərdə tutulur.
Prosesin ikinci mərhələsində şallaq və bədən
əzalarının kəsilməsi cəzaları tətbiq olunacaq. 3-
cü mərhələdə isə Şəriət qaydalarına uyğun olaraq
edam cəzaları veriləcək.
Nikahdankənar cinsi əlaqə, ərə xəyanət,
Qurani-Kərimin təhqiri və İslamı tərk edərək
başqa dini qəbul etməkdə suçlanan Bruney
vətəndaşları edam olunacaqlar.
Bruney Sultanlığı qanunvericiliyini şəriətə uyğunlaşdırmaqla
bağlı 3 mərhələdən ibarət planın icrasına başlayıb
BRUNEYDƏ ŞƏRİƏTƏ ƏSASLANAN QANUNVERİCİLİK
Bodo tayfasına məxsus yaraqlılar 32 müsəlmanı
ittiham edərək, kütləvi halda güllələmişlər.
qeyri-qanuni olaraq qonşu Banqladeşdən Hindistana
Yerli hüquq-mühafizə orqanının məlumatına görə,
keçməkdə və onların torpaqlarını zəbt etməkdə
qətlə yetirilənlərin 8-i qadın, 8-i isə uşaqdır.
Son 30 ildə Hindistanın Assam ştatında 10 mindən çox insan öldürülüb
ASSAM ŞTATINDA MÜSƏLMANLAR
NÖVBƏTİ DƏFƏ QƏTLƏ YETİRİLİBLƏR
48
PROZA
PROZA
329 May 2014
Missis Mellardın ürəyinin zəif olduğunu hamı bilirdi, ərinin ölüm xəbəri ona mümkün qədər
ehtiyatla çatdırılmalıydı.
Bacısı Jozefina qırıq-qırıq cümlələrlə, üstüörtülü eyhamlarla baş verən hadisədən danışdı. Ərinin
dostu Riçardz da onların yanındaydı. Dəmiryolunda baş verən faciə xəbəri qəzetin redaksiyasına
çatanda, o da elə oradaymış. Brentli Mellardın adının ölənlərin siyahısında birinci olduğunu görən
Riçards tam əmin olmaq üçün ikinci teleqramın da gəlməsini gözləmiş və faciə xəbərini ondan əvvəl
kiminsə çatdıracağından ehtiyyat etdiyi üçün dərhal Mellardların evinə tələsmişdi, axı o, necə
qayğıkeş və diqqətcil olduğunu sübut etməliydi.
Missis Mellardın yerində hansı qadın olsaydı, belə xəbəri eşidərkən yerindəcə donub qalar,
dəhşətli itkiyə inanmaq istəməzdi. O isə dərhal bacısının qollarında qəfil və şiddətli hönkürtü ilə
ağladı. Kədər fırtınası keçəndə isə tək qalmaq istədiyini deyərək, otağına qapandı. Taqətsiz bədənini
açıq pəncərənin qarşısındakı rahat və geniş kresloya atdı. Bədbəxtlik onun bütün vücudunu
çulğalamışdı və deyəsən, artıq ürəyinə yaxınlaşırdı.
O, evin qarşısındakı açıq bağçadakı ağacların təpələrinin təravətli bahar mehi ilə dalğalandığını
görürdü. Havada yağışın ləzzətli qoxusu varıydı. Aşağıda küçə ticarətçisi müştəri çağırır, uzaqlarda
kiminsə oxuduğu mahnının xəfif sədaları eşidilir, damdakı saysız-hesabsız sərçələr çikkildəyirdilər.
Qərbə baxan pəncərədən bir yerə toplanan və üst-üstə yığılan buludların arasındakı mavi səmanın
adda-budda parçaları görünürdü.
Boğazına yığılan qəhərin hərdən onu silkələnməyə vadar etdiyini saymasaq, başını kreslonun
söykənəcəyinə dayayıb oturarkən, o tamamilə hərəkətsizdi. Bu an o, gecə ağlayan və yuxusunda da
hıçqıran uşağa bənzəyirdi. Adətən bu gənc və baxımlı qadının üzündə təmkin, hətta qətiyyət cizgiləri
olardı, ancaq indi bu sifətdə həyat əlamətləri yoxdu. Küt baxışları uzaqlara, mavi səmanın
parçalarından birinə zillənmişdi. İfadəsiz gözlərini qırpmadan, eyni nöqtəyə baxırdı.
O, yaxınlaşmaqda olan hansısa anlaşılmaz hissdən diksinərək, təlaş içində ondan baş açmağa
çalışdı. Nəydi bu? Bilmədi. Narahat, sürüşkən hissi sözlə ifadə etmək çətindi. Ancaq qadın bu hissin
mavi səmanı, pəncərədəki səsləri, baharın havadakı ətrini və rənglərini yararaq ona doğru şığıdığını
Məşhur amerikalı yazıçı Keyt Şopen həm də feminizmin
banilərindən biri hesab edilir. O, 1850-ci ildə ABŞ-ın Missuri ştatının
Sent-Luis şəhərində doğulub. 1870-ci ildə Oskar Şopenlə evlənərək,
Yeni Orlean şəhərinə köçüb və ondan 6 uşağı dünyaya gəlib. 1882-ci
ildə əri vəfat edəndən sonra yazıçı doğma şəhərinə qayıdıb və
müntəzəm surətdə ədəbi fəaliyyətlə məşğul olub. Onun hekayələri,
məqalələri, esseləri, tərcümələri yerli mətbuatda çap edilib. "Oyanış"
adlı bir romanın da müəllifi olan Keyt Şopen 1904-cü ildə vəfat edib.
Yazıçının ədəbi irsinə maraq 20-ci əsrdə qadın hüquqları uğrunda
hərəkatın genişlənməsindən sonra artıb. İndi Keyt Şopen ABŞ-da
feminizmin banilərindən biri və qısa hekayələr ustası kimi tanınır.
Şopenin Azərbaycan dilində sizə təqdim etdiyimiz bu hekayəsi ABŞ
ədəbiyyat tarixinin ən gözəl qısa hekayələrindən biri hesab edilir.
BİR GÜNÜN TARİXÇƏSİ
(Hekayə)
Keyt Şopen