394
dözümlüyü, istehsal xərclərinin səviyyəsi və onların aşağı salınması
məsələləri, rentabelliyin yüksəldilməsi və s. bu kimi mühüm keyfiyyət
göstəriciləri maraqlandırırsa, onda optimal struktur sadaladığımız bu və
buna oxşar digər göstəricilərin lazımi səviyyəsini təmin edə bilən
struktur olmalıdır. Ümumi şəkildə sənayenin sahə strukturu keyfiyyət
baxımından o vaxt optimal hesab edilə bilər ki, əgər sənaye mümkün
olan qədər qısa müddətə, minimum istehsal xərcləri ilə rəqabət
dözümlü istənilən məhsulu istənilən həcmdə, çeşiddə və
nomenklaturada istehsal edə bilsin.
Sənayenin sahə strukturuna, onun optimallıq səviyyəsinə qiymət
ver
mək üçün digər yanaşmalardan da istifadə oluna bilər. Məsələn, əgər
tədqiqatçını ölkənin sərəncamında olan maddi-enerji resurslarından,
təbii sərvətlərdən, insan resurslarından, ayrı-ayrı məhsullar üzrə əldə
olan xammal bazasından istifadə olunması səviyyəsi maraqlandırırsa
onda sənayenin strukturuna bu səpgidən yanaşmaq lazımdır. Bu cür
yanaşmada ölkə sənayesinin strukturu o zaman optimal hesab oluna
bilər ki, ölkə sərəncamında olan resurslardan maksimum istifadə
olunmasına imkan yaratsın. Burada söhbət konkret olaraq nədən gedir?
Söhbət ondan gedir ki, daxili bazarı zənginləşdirmək, daxili bazarı vətən
məhsulları ilə doldurmaq üçün ölkənin bütün yeraltı və yerüstü
sərvətlərindən xammal kimi istifadə edib konkret məhsul istehsal etmək
lazımdır. Lakin bunun üçün ilk növbədə sənayenin sahə quruluşu
təkmilləşdirilməli və müvafiq istehsallar, yarımsahələr və sahələr
yaradılmalıdır. Bizim respublikamız üçün bunun nə demək olduğunu
çoxlu misalla göstərmək olar. Azərbaycan Respublikası həmişə özünün
pambığı, üzümü, tütünü, meyvə-tərəvəzi, mineral suları, faydalı
qazıntıları və s. ilə zəngin olub. Deməli, sənaye elə istiqamətdə inkişaf
etdirilməlidir ki, bu xammallardan maksimum istifadə edilsin.
Azərbaycanda olan xammal bazası imkan verir ki, respublikamızda
güclü emal sənayesi inkişaf etdirilsin. Belə sahələrə maşınqayırma,
yeyinti və yüngül sənayeləri, neft emalı sənayesi və s. daxildir.
395
Sənaye iqtisadiyyatının aparıcı sahəsidir və onu ölkənin bütün
bölgələrində inkişaf etdirməyə səy göstərilməlidir. Yəni respublikanın
sənaye müəssisələri ölkə ərazisində proporsional yerləşdirilməlidir. Bu-
nun çox böyük sosial əhəmiyyəti vardır. İlk növbədə bu hər bir iqtisadi
rayonda yerli xammal və materiallardan və insan resurslarından
səmərəli istifadə olunması üçün münasib şərait yaratmış olur, əhalinin
iri şəhərlərə axını azalır, nəqliyyat xərcləri azalır, insanların mədəni,
intellektual və yaşayış səviyyələri yüksəlir. Deməli, əgər tədqiqatçını
ölkənin bütün ərazilərinin kompleks inkişaf etdirilməsi məsələləri
maraqlandırırsa onda söhbət sənayenin ərazi quruşundan getməlidir.
Sənayenin ərazi quruluşu ümumi sənaye məhsulunun və yaxud da bu və
ya digər sənaye sahəsi məhsulunun hansı hissəsinin (xüsusi çəkisinin)
hansı iqtisadi ra-yonda istehsal olduğunu göstərir.
Cədvəl 53-də Azərbaycan Respublikasında sənayenin ümumi
məhsul buraxılışı üzrə sahə strukturu verilmişdir. Göründüyü kimi
iriləşdirilmiş şəkildə respublikamızda 9 sənaye sahəsi fəaliyyət göstərir.
Yanacaq sənayesi 2000-ci ildə sənayenin ümumi məhsulunun 65,5
faizini istehsal etmişdir. 2001-ci ildə yanacaq sənayesinin ümumi
sənaye məhsulundakı xüsusi çəki 64,9%, 2002-ci ildə isə - 58,9%
səviyyəsinə çatıb. Yanacaq sənayesində neft və qaz hasilatı üstün
xüsusi çəkiyə malikdir.
Cədvəl 53
Azərbaycan Respublikası sənayesinin sahə quruluşu (ümumi
məhsula görə faizlə)
2000
2001
2002
Sənaye - cəmi o
cümlədən
100
100
100
Elektroenergetika
11,7
9,9
9,4
Yanacaq sənayesi:
O cümlədən:
neft, qaz hasila
tı sənayesi.
Neft ema
lı sənayesi....
65,5
47,7
17,8
64,9
52,9
12,0
58,9
47,5
11,4
396
Qara və əlvan metallurgiya
0,3
1,1
2,9
Kimya və neft-kimya sənayesi
3,2
3,4
4,3
Maşınqayırma və metal emalı
sənayesi
1.8
2,6
3,4
Tikinti material
ları sənayesi
0,7
0,8
1,2
Yüngül sənaye
1,1
1,2
12,6
Yeyinti sənayesi
11,0
12,8
12,6
Digər sahələr
4,7
3,4
5,4
Baxılan dövrdə yanacaq sənayesinin həcmində hasilat bölməsinin
xüsusi çəkisi 2000-ci ildə 48,7% təşkil etmişdir. 2001-ci ildə bu xüsusi
çəki artıb - 52,9%, 2002-ci ildə nisbətən stabilləşib 47,5% təşkil edib.
Xam neftin emalı məsələsi respublika üçün böyük əhəmiyyət kəsb
edir. Neft emalı sahəsinin sənayenin ümumi məhsulundakı xüsusi çəkisi
2000-
ci ildə 17,8 faiz olmuşdur. Bu xüsusi çəkinin 2001-ci ildə 12,0
faizə və 2002-ci ildə 11,4 faizə qədər enib.
Respublika müstəqilliyini bərpa edən ildə onun sərəncamında 20
milyon tondan çox neft emal etmək imkanında olan neftayırma
müəssisələri olmuşdur. Onlar indi də fəaliyyət gös-tərirlər. Lakin ortaya
çıxan çətinliklər onların istehsal gücün-dən tam istifadə edilməsinə
mane olsa da hazırda benzin, ağ neft, dizel yanacağı, yanacaq mazutu və
s. bu kimi neft emalı məhsullarının istehsalı artmağa başlamışdır.
Azərbaycanda neftin çıxarılması bilavasitə Azərbaycan Respublikası
Dövlət Neft Şirkəti tərəfindən (ARDNŞ) və bağlanmış xarici kontrakt-
lara əsasən yaradılan Azərbaycan Beynəlxalq Əməliyyat Şirkəti
(ABƏŞ) tərəfindən həyata keçirilir. ARDNŞ-nin hasil etdiyi neftin çox
hissəsi emal edilir. Lakin son illərdə emal edi-lən neftin həcminin
azalması meyli vardır (bax cədvəl 54).
Cədvəl 54
ARDNŞ-nin sərəncamında olan quyulardan neft hasilatı və
onun istifadə istiqamətləri