Aşağıdakı şərtlərdən hansısa biri ödəndikdə müəssisənin digər müəssisəyə nəzarət etmək imkanına malik olması hesab olunur

MƏQSƏD və VƏZİFƏLƏR

(1-ci və 2-ci maddələr)

Bu Standart, maliyyə hesabatlarının istifadəçilərinin müəssisə və kənar müəssisələr və ya şəxslər arasında yaxın, üçüncü tərəf münasibətlərinin mövcudluğu və həmin münasibətlərin nəticələri barədə xəbərdar olunması üçün məlumatın açıqlanması tələblərinə yönəlmişdir. Bu, qarşıya iki məsələ qoyur:

1. 
   Məlumatların açıqlanmasını tələb edən üçüncü tərəflərlə münasibətlər hansılardır, və
   
2. 
   Hansı məlumatlar açıqlanmalıdır
   

2.1 Məlumatın açıqlanmasını tələb edən üçüncü tərəflərlə əlaqələr

Əlaqəli tərəflərlə münasibətlər, bir tərəfin digərinin iqtisadi və əməliyyat qərarlarına nəzarət etmək və ya onlara əhəmiyyətli təsir göstərmək hüququna malik olduğu münasibətlərdir. Əlaqəli tərəflərlə əməliyyatlar biznes fəaliyyətlərinin adi xüsusiyyətidir. Əlaqəli tərəflərlə münasibətlərin səciyyəvi nümunələri aşağıdakılardır:

• 
  Törəmə və birgə müəssisələr kimi bir-birinə nəzarət edən və ya nəzarət olunan müəssisələr
  
• 
  Səhmlərin nəzarət paketinə sahib olan şəxslər kimi, onlara müəssisə üzərində əhəmiyyətli təsir verən paya malik olan şəxslər
  
• 
  Hesabat verən müəssisənin fəaliyyətlərinin planlaşdırılması, idarə edilməsi və nəzarət olunmasına görə cavabdeh olan əsas idarə heyəti, o cümlədən onların yaxın ailə üzvləri
  

Bir tərəf digəri üzərində nəzarətə və ya digər tərəfin maliyyə və biznes fəaliyyətləri ilə bağlı qərarlarına əhəmiyyətli təsir göstərmək hüququna malik olduqda, tərəflərin əlaqəli olduğu hesab edilir.

Aşağıdakı şərtlərdən hər hansı birinə cavab verən müəssisə digər müəssisəyə nəzarət etmək hüququna malik olur:

1. 
   Müəssisə birbaşa və ya dolayı yolla, törəmə müəssisələr vasitəsilə həmin müəssisədə səsvermə hüququ verən səhmlərin yarısından çoxuna malikdirsə; və ya
   
2. 
   Müəssisə digər müəssisənin səsvermə hüququnda əhəmiyyətli paya, o cümlədən nizamnamə və ya müqavilə şərtləri əsasında həmin müəssisənin maliyyə və əməliyyat siyasətini istiqamətləndirmək hüququna malikdirsə.
   

Əhəmiyyətli təsir müəssisənin maliyyə və əməliyyat siyasəti ilə bağlı qərarların verilməsində iştirak etmək və ya bu prosesə təsir etmək imkanı deməkdir. Əhəmiyyətli təsir Direktorlar Şurasında nümayəndəlik və ya istehsal, maliyyə və işçi heyəti ilə bağlı siyasətin formalaşdırılmasında iştirak kimi bir neçə yolla həyata keçirilə bilər. Əhəmiyyətli təsir kapitaldakı səhmlərə malik olma və ya nizamnamə şərtləri əsasında əldə oluna bilər. Əldə tutulan səhmlərin faizi 20% ilə 50% arasındadırsa əhəmiyyətli təsirin mövcud olması göstərilə bilər.

Qiymətin hesablanmasından asılı olmayaraq, əlaqəli tərəflər arasında əməliyyatlar aktivlərin və ya öhdəliklərin köçürülməsi deməkdir.