ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
98
BÖYRƏYİN AĞIR FORMALI MƏRCANVARİ VƏ ÇOXSAYLI DAŞLARININ PUNKSİON
LİTOTRİPSİYASINA YENİ BAXIŞ
Qabil HÜSEYNOV
İşin rəhbəri: Südeyf İMAMVERDİYEV, İlham ƏHMƏDOV
ATU TCK, Urologiya kafedrası
Xülasə. Böyrək daşlarının cərrahi müalicəsində qızıl standart Perkutan Nefrolitotomiyanın
ağırlaşmaları 83%-ə qədər çatır. Bunlara ekstravazasiya (7.2%), qan köçürmə (11.2-17.5%) və qızdırma
(21-32.1%), septisemiya (0.3-4.7%) və bağırsağın (0.2-0.8%), plevralın (0-3.1%) yaralanmalarıdır (Maurice
Stephan Michel, Lutz Trojan, Jens Jochen Rassweiler). Yanaşı olaraq böyrək çatışmazlığı, şəkərli diabet,
morbid piylənmə, ağciyər xəstəlikləri, işemik və hemorragik insult fəsadları ağırlaşmalar riskini artırır.
Bunları nəzərə alaraq böyrəyin ağır formalı mərcanvari və çoxsaylı daşlarında, çanaq distopiyalı
böyrəklərdə, bağırsaq və plevra yaralanması ehtimalı olan xəstələrdə açıq mini lumbotomiya apararaq
böyrəyin aşağı qütbünün ön səthini açıb punksion nefrolitotripsiya icra etmək təklif edilmişdir (
S.B.İmamverdiyev, 2015 ).
Açar sözlər. Böyrək daşı, mərcanvari daş, PNL, açıq punksion nefrolitotripsiya.
Obyektiv. Böyrəyin ağır formalı mərcanvari və çoxsaylı daşlarının daha az ağırlaşma ilə cərrahi
müalicəsi.
Material və Metod. 2015-2017-ci illərdə ATU-TCK-ya müraciət etmiş 13 xəstəyə punksion
nefrolitotomiya icra olunmuşdur. Xəstələrin yaşı, daş yükü, kreatinin səviyyəsi, hidronefrotik
transformasiya, yanaşı xəstəliklər, BKİ təhlil olunmuşdur.
Nəticə. Xəstələrin ortalama yaşı 52 (67-23), daş yükü 48MM (32-74 mm), kreatinin səviyyəsi 1.8
(0.92-4.46), III-IV dərəcə hidronefroz olmuşdur. Yanaşı olaraq şəkərli diabet 5 xəstədə, HT 3 xəstədə,
Xronik böyrək çatışmazlığı 6 xəstədə, müxtəlif dərəcəli piylənmə 9 xəstədə, hemorragik insultdan
sonrakı vəziyyət 1 xəstədə müşahidə olunmuşdur. Xəstəxana yatış müddəti ortalama 3.7 gün (3-6 gün)
olmuşdur.
12 xəstədə (92%) tam daşsızlığa (stone free) nail olunmuşdur. Toksiki anemiyası olan 1 xəstəyə
əməliyyat zamanı, 1 xəstəyə isə əməliyyatdan sonrakı dövrdə hemotransfuziyaya ehtiyac yaranmışdır.
3 xəstədə (23%) əməliyyatdan sonra tez kontrol edilə bilən 38.3 temperatur müşahidə olunmuşdur.
Kreatinin səviyyələri əməliyyatdan sonra 1.4(0.76 – 3.9) -ə düşmüşdür.
Yekun. Perkutan nefrolitotomiyanın az effektli və ya mümkünsüz olacağı böyrək anomaliyalı,
dayaq-hərəkət sisteminin deformasiyası, XBÇ, böyrəyin çanaq distopiyası olan, daş yükü həddən artıq
çox olan və morbid piylənmə və şəkərli diabetli xəstələrdə açıq punksion nefrolitotomiya üsulunun
perspektivli olması diqqəti cəlb edir.
ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
99
ATUREK - 5: Pediatriya bölməsi
MƏKTƏB YAŞINDA UŞAQLARDA QAMƏT POZĞUNLUĞU. SKOLİOZ
Aygül ŞAHBAZOVA
İşin rəhbəri : dos. Səidə XANMƏMMƏDOVA
ATU TTK, Terapevtik və Pediatrik Propedevtika kafedrası
Açar sözlər: qamət pozqunluğu,onurğa sütunu, skolioz
Giriş: XIX əsrin ortalarından başlayaraq, tədris prosesinin uşaqların sağlamlığına təsiri qeyd
edilmişdir. Məktəbə getməyən eyni yaşlı uşaqlarla müqayisədə, məktəblilərdə, xüsusilə yaş artdıqca
fərq o qədər aşkar hiss olunurdu ki, bu xəstəliklər “məktəb xəstəlikləri” adlandırılır.
ÜST-nın məlumatına görə planetimizin əhalisinin 80% onurğa sütunu və pəncə xəstəliklərindən
əziyyət çəkirlər. Avropa Şurası Parlament Assambleyasının mədəniyyət, elm və təhsil məsələləri üzrə
“Məktəblilərin hormonik inkişafı məqsədilə təhsil sənədində qeyd olunur ki, məktəblilər məktəb mühiti
və həyat şəraiti ilə əlaqəli bir sıra xəstəliklərdən əziyyət çəkirlər ki, bunlara onurğanın əyilməsi,
nevrasteniya, yaxındangörmə, sinir enerjisinin tükənməsi” və s aiddir.
Məktəb yaşlı uşaqlarda qamət qeyri-stabildir, bu uşağın psixikası, sinir sistemi, əzələ sistemindən
vəziyyətindən asılıdır. Onurğa məktəb məşğələləri zamanı oturaq və ayaqüstü vəziyyətdən asılı olaraq
stereotip vəziyyət alır ki, buda qamətin düzgün olmayan vəziyyəti, sonradan skolioza səbəb olur.
Uşaqlarda onurğanın deformasiyası inkişaf bitənə qədər,istənilən yaşda baş verir, əsasən 75%-ə
qədər 8-14 yaşda olur. Məktəb yaşlı uşaqlar arasında ortopedik xəstəliklər arasında skolioz ilk yerlərən
birini tutur(16-38%)
Skolyoz(onurğa əyriliyi) onurğanın sağ və ya sol tərəfə əyilməsi mənasına gəlir. Bu xəstəlik deyil,
əlamətdir, hansıki, bir çox xəstəliyə bağlı olaraq meydana çıxır.
Skolyozun tipləri: İdiopatik-əyilmə C, S şəkilli olur. Neyromuskulyar-ən çox görülən tipdir.
Tənəffüs sistemi xəstəlikləri, eşitmə pozqunluğu, epilepsiya tutmaları müşahidə edilə bilər. Konjenital-
ilk illərdə irəliləyiş göstərir, adətən cərrahi müdaxiləyə ehtiyac duyulur.
Tədqiqatın məqsədi: fiziki inkişafın göstəricilərinin antropometrik dəyərləndirilməsi, qamət
pozğunluqlarının dərəcəsini aşkar etmək.
Material və metodlar: 6-15 yaşlarında 419 məktəblinin pediatrik müayinəsi aparılmışdır.
Nəticələr: Müayinə aparılan uşaqların 73-də qamət pozqunluğu aşkarlanmışdır. Bu da qızlarda 4-
6 dəfə çox görülmüşdür. 8-15 yaşlı uşaqlarda məktəb skoliozu olur. Onurğa əyriliyi olanların ancaq
10%-də müalicəyə ehtiyac duyulur. Skoliozun qarşısını almaq, onu müalicə etməkdən daha asandır.
Vaxtında aşkarlanaraq uyğun mütəxəssislərə yönləndirilməsi xəstəliyin inkişafının qarşısını alır.
Dostları ilə paylaş: |