ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
142
OSTEOGENEZİS İMPERFECTA XƏSTƏLİYİNİN DİAQNOSTİKASINDA RENTGENOLOJİ
MÜAYİNƏNİN ROLU
Nailə Cəfərova
İşin rəhbəri : dosent Məlahət Sultanova
ATU TCK, Şüa diaqnostikası və terapiyası kafedrası
Açar sözlər: Osteogenezis imperfecta, rentgenoloji müayinə
Giriş: Osteogenesis imperfecta (Oİ) (sonlanmamış sümükyaranma, «büllur insan » xəstəliyi, Lobşteyn-
Vrolik xəstəliyi) — genetik pozgunluqlar qrupuna aiddir və sümük kövrəkliyi ilə səciyyələnir. Bu, xəstələrdə
kollagen çatışmazlığı səbəbindən yaranır. Genetik pozğunLuq olmaqla Oİ autosom-dominanat defektdir, lakin
bəzən fərdi spontan mutasiya hallarına da rast gəlinir.
Tədqiqatın məqsədi: Osteogenezis İmperfekta xəstəliyinin diaqnostikasında rentgenoloji müayinənin
effektivliyinin qiymətləndirilməsidir.
Material və metodlar: Tədqiqata ATU-nun Tədris Cərrahiyyə Klinikasına 01.10.2016 tarixindən
10.03.2017 tarixinədək olan iki xəstənin rentgenoloji müayinəsinin nəticələri daxil edilmişdir. Rentgenoloji
müayinələr SHİMADZU rəqəmsal aparatında aparılmışdır.
Nəticə : Osteogenezis İmperfecta xəstəliyinin diaqnostikasında rentgenoloji müayinə informativ metoddur.
Müzakirə : Obyektiv müayinədə xəstəlik kiçik yaşlı uşaqlarda rast gəlinir, yüngül tiplər bəzən yeniyetmə
dövründə aşkar olunur. Tip-II olan xəstələr perinatal dövrdə fetal nəticələnir. Bu xəstəliyin klinik və rentgenoloji
diaqnozu çətinlik törətmir. Sınıqlar üzvlərdə qısalma, deformasiyalar, anormal böyümə,inkişafdan qalmaya səbəb
olur. Xüsusilə TipIII və TipIV–də xəstənin hərəkəti məhdudlaşır,bəzən tam hərəkətsizliyə səbəb olur.Klinik olaraq
mavi sklera,osteoskleroza bağlı eşitmə zəifliyi,dişlərin qeyri düzgün inkişafı,körpə yaşlarda oturmanın və
yerimənin ləngiməsi,18 aylığadək bağlanmalı olan əmgəyin gec bağlanması rast gəlinir.
Rentgenoloji müayinədə sümüklərdə çoxlu sayda köhnə və yeni sınıqlar, sümük döyənəkləri və
deformasiyalar aşkar edilir.
ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
143
OSTEOİD OSTEOMA XƏSTƏLİYİNİN DİAQNOSTİKASINDA RENTGEN VƏ KOMPYUTER
TOMOQRAFİK MÜAYİNƏLƏRİN ROLU
Aygün MƏLİKZADƏ
İşin rəhbəri: dos. Məlahət SULTANOVA
ATU TCK, Şüa diaqnostikası və şüa terapiyası kafedrası
Açarsözlər : osteoid osteoma, sümük şişi
Giriş : Osteoid osteoma ən çox uşaqlarda (xüsusən yeniyetmələrdə), 10-35 yaş arasında rast gəlinən xoş
xassəli sümük şişidir. Şişin xarakteristik xüsusiyyəti korteksdə 2sm-dən kiçik reaktiv skleroz sahəsi ilə əhatə
edilmiş nidusa aid görüntünün olmasıdır. Bu xəstələrin əsas şikayəti salisilatların qəbuluilə keçən gecə
ağrılarıdır.Bundan əlavə xəstələrdə şiş nahiyəsində şişkinlik , hərəkət məhdudluğu aşkar edilə bilər. Xəstəlik ən
çox ətrafların uzun borulu sümüklərində(xüsusən bud sümüyü proksimalında, qamış sümüyü diafizində)rast
gəlinir. Lakin istənilən sümükdə aşkar edilə bilər. Osteoid osteoma adətən 3 hissədən ibarət olur : nidus,
fibrovaskulyar həlqə, reaktiv skleroz sahəsi
Tədqiqatın məqsədi : Osteoid osteoma xəstəliyinin diaqnostikasında rentgen və KT müayinələrinin
effektivliyinin qiymətləndirilməsidir.
Material və metodlar : Tədqiqat ATU-nun Tədris Cərrahiyyə Klinikasına 01.06.2016 tarixindən
01.03.2017 tarixinədək olan müddətdə müraciət etmiş 14 xəstə üzərində aparılmışdır. Xəstələr bud, qamış
sümüklərində və oma nahiyəsində ağrı ilə müraciət etmişlər. 5 xəstədə rentgenoloji, 9 xəstədə kompyuter
tomoqrafiya müayinələri aparılmışıdr. Xəstələrdə ön və yan proyeksiyalarda R-qramlar çəkilmiş , üç proyeksiyada
(aksial, sagittal, koronal) KT müayinəsi icra edilmişdir. Tədqiq olunan xəstələrdən 6-sına Osteoid osteoma
xəstəliyi diaqnozu qoyulmuşdur.
Nəticə: Osteoid osteoma xəstəliyinin diaqnostikasında rentgenoloji və KTmüayinələrinin kompleks tətbiqi
effektivdir.
Müzakirə: Xəstəlik xoşxassəli gedişə malikdir. Rentgenoloji müayinə zamanı ön və yan proyeksiyada
çəkilmiş R-qramlarda periostal sümük reaksiyası, kortikal qalınlaşma aşkar edilir. Nidus bəzi hallarda görünə
bilər. Komputer tomoqrafiya müayinəsi zamanı aksial, sagittal və koronal kəsiklərdə reaktiv sklerotik sümük
sahəsi ilə əhatə edilmiş nidusun aşkar edilməsi diaqnozu dəqiqləşdirir. Nidusun diametri adətən 2 sm-dən kiçik və
oval formalı olur.Nidus damar elementləri, osteoblastlardan, osteoid elementlərdən təşkil olunmuşdur. Mərkəzin
demineralizasiya sahəsi aşkar edilə bilər.Differensial diaqnostika Brodi absesi, osteoblastoma (2 sm-dənböyük),
stress sınıqları, kortikal desmoid, osteoxondroma, osteosarkoma, enostozlarla aparılır.Müalicəsi cərrahi yolladır.
ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
144
LEGG-CALVE-PERTHES XƏSTƏLİYİNİN DİAQNOSTİKASINDA
RENTGENOLOJİ MÜAYİNƏNİN ƏHƏMİYYƏTİ.
Səkinə İSMAYILLI
Tədqiqatın rəhbəri: Məlahət SULTANOVA
ATU TCK , Şüa diaqnostikası və Şüa terapiyası kafedrası
Açar sözlər: Legg-Calve-Perthes xəstəliyi, idiopatik avaskulyar nekroz, osteoxondropatiya.
Giriş: Legg-Calve-Perthes xəstəliyi uşaqlarda bud başı epifizinin idiopatik avaskulyar osteonekrozudur.
Etiologiyası dəqiq məlum olmayan bu xəstəliyə daha çox hiperaktiv, sümük yaşı bioloji yaşından geridə qalan
uşaqlarda rast gəlinir. Xəstəliyin patogenezinin əsasında bud başının qanla təchizatının pozulması durur. Ən çox 4-
9 yaş arası uşaqlarda rast gəlinir (oğlanlarda 4-10 dəfə çox). LCPX-nin aparıcı simptomları axsama, hərəkət
zamanı, əsasən, budun rotasiya və abduksiya hərəkətlərində qasıq və diz nahiyəsində artan ağrılar, istirahət zamanı
ağrıların azalmasıdır.
Tədqiqatın məqsədi: LCPX-nin diaqnostikasında və xəstəliyin mərhələsinin təyinində rentgenoloji
müayinənin effektivliyinin qiymətləndirilməsidir.
Material və metodlar: Tədqiqat 01.10.2016 tarixindən 01.03.2017 tarixinidək olan müddətdə müvafiq
şikayətlərlə ATU-nun Tədris Cərrahiyə Klinikasına daxil olmuş 28 uşaqda aparılmışdır. SHİMADZU
FLEXAVİSİON rəqəmsal aparatında ön-arxa və qurbağa (Lauenşteyn) proyeksiyasında çəkilmiş R-qramlarda
xəstələrdən 15-də LCPX aşkarlanmışdır.
Müzakirə: Rentgenoloji diaqnostika vasitəsilə LCPX-nin mərhələsinin və prosesin yayıldığı sahənin təyin
edilməsi xəstəliyin proqnozu haqda fikir yürütməyə imkan verir. Xəstəliyin proqnostik faktorlarının bilinməsi isə
müalicə seçimində əhəmiyyətidir. Rentgenoloji müayinə zamanı I mərhələdə (erkən, nekroz) zədələnmiş tərəfdə
epifizin ölçüsünün kiçik və sklerotik olması, oynaq səthlərinin kobudlaşması və oynaq yarığında genişlənmə
aşkar edilir. II mərhələnin (fraqmentasiya) əvvəllərində rentgenoloji olaraq crescent sign aşkar edilir, subxondral
sınıqlar əmələ gədikdən sonra bu əlamət itir. Bu mərhələdə epifiz fraqmentasiyalara ayrılır, bu isə bud başının
kürəviliyini itirməsinə, epifizin horizontallaşmasına səbəb olur. III mərhələdə (reossifikasiya) sümüyün sıxlığı
normallaşmağa başlayır. IV mərhələ sağalma mərhələsidir, bu zaman artıq budun başı deformasiyalı görünür.
LCPX-nin müalicəsində əsas prinsip bud başının acetabulum daxilində tutularaq, kürəviliyini qoruması dayanır.
Gecikmiş mərhələlərdə bu mümkün olmadığından, LCPX-nin erkən mərhələdə diaqnozunun qoyulması vacibdir.
Nəticə: LCPX-nin diaqnostikasında və xəstəliyin mərhələsinin təyinində rentgenoloji müayinə effektivdir.
Dostları ilə paylaş: |