FƏS L 1. XƏBƏR AXTARIŞINDA
Mən əvvəlcə tapıram, sonra axtarıram.
P. Pikasso
Bu fəsildə
açıqlanacaq suallar:
•
Xəbər nədir?
•
Xəbərin elementləri
hansılardır?
•
Xəbəri necə
dəyərləndirməli?
•
Auditoriya nə üçün
önəmlidir?
100 il əvvəl redaktorlar Xəbər barədə belə deyirdilər...
“ t insanı qaparsa, bu, xəbər deyil. nsan iti qaparsa, bu, xəbərdir.
Əlbəttə, qələmə alınanda”.
Con B. Boqart,
“Nyu York San”qəzetinin şəhər redaktoru
“Mənə orijinal, fərqli, dramatik, romantik, sarsıdıcı, unikal, maraqlı,
qeyri-adi, duzlu, dildən-dilə gəzə biləcək xəbərlər gətirin”.
Cozef Pulitzer,
“Nyu York Völd” qəzetinin naşıri
Olayı xəbər edən nədir?
Bir-birimizlə görüşərkən salamdan sonra ən çox soruşduğumuz sual
“Nə var, nə yox ?”dur. Cavabdan razı qalmayanda qayıdıb təkrar soruşuruq:
“Təzə nə var, nə yox ?” Bir sözlə, biz olay axtarışındayıq. Olay “ol”
sözündəndir, yəni yoxdan var olan.
Elə olayın məkanı da var ilə yoxun arasındadır, daha doğrusu, yox ilə
varın arasında. Olay məhz bu məkanda meydana çıxan yenilikdir. Sadəcə,
“Biri var idi, biri yox idi” deyəndə bu yeni bilgi nağıla, “Sabah
respublikamızın əksər bölgələrində havanın yağmurlu olacağı gözlənilir”
deyəndə bu, hava haqqında təxminə, “Bu gün Bakıda yerli vaxtla saat 12:00-
da metronun “Bakı Soveti” stansiyasında qəza baş vermişdir” deyəndə isə bu
olay Xəbərə çevrilir.
Xəbər olaydır. Amma hər olay xəbər deyil. Elə buna görə də istənilən
olayın xəbərə yararlığını aydınlaşdırana qədər redaktorlardan tez-tez bu
sözləri eşitməli oluruq: “Mənə nağıl söyləmə”, “Bunu balaca uşaq da bilir,
hətta “Hə, nə olsun ki?”
Elə isə olayı Xəbər edən nədir? nformasiya nə zaman Xəbərə
çevrilir?
Üçölçülü Xəbər
stənilən olayın Xəbər ola biləcəyini yoxlamaq üçün üç əsas parametr
mövcuddur.
1.
Aidlik və ünvanlılıq. nformasiyanı alarkən özünüzdən soruşun: “Bu
informasiyanın əhəmiyyəti nədir? O, oxucuya aiddirmi, oxucuya
ünvanlanıbmı? Bu xəbəri mənim oxucuma çatdırmaq lazımdırmı ?”
Məşhur jurnalist Nəriman Zeynalov deyirdi ki, xəbər auditoriyaya
hesablanmalıdır. Həqiqətən də, Argentinada prezident seçkisinin
nəticələri öz-özlüyündə mühüm xəbər olsa da, Azərbaycan oxucusu üçün
yerli bələdiyyələrə seçkilərin nəticələri barədə xəbər bundan daha önəmli
ola bilər. Çünki Azərbaycanda baş verən hadisələr Azərbaycan
oxucusunu daha çox maraqlandırır. Beləliklə, Argentinada prezident
seçkisi xəbərini argentinalılara, Azərbaycanda bələdiyyə seçkilərinin
nəticələri xəbərini isə azərbaycanlılara ünvanlamaq daha düzgündür.
2.
Lazımlılıq. Bu informasiya lüzumludurmu, yaxud o, oxucuya nə verir?
Oxucu informasiyadan yararlana bilirmi? Bu xəbər ona qərar verməkdə
yardımçı ola bilirmi? Argentinada kimin prezident seçilməsi Azərbaycan
oxucusunun qərarlarına təsir etmir, amma Ceyranbatan bələdiyyəsinə
kimlərin seçilməsi bu rayonun sakinlərinin qəbul edəcəyi qərarlar üçün
önəmlidir.
3.
Maraqlılıq. Xəbərin maraqlı olması yuxarıdakı iki parametrin
varlığından doğur. Əgər hadisə oxucuya hesablanmış və lazımlıdırsa,
onda o, maraq doğurmalıdır.
Aşağıdakı xəbərin bu parametrlərə nə dərəcədə cavab verdiyini
birlikdə aydınlaşdıraq.
Örnək 1. Qəbul imtahanlarının vaxtı açıqlandı. Bu il imtahanlarda
105537 abituriyent iştirak edəcək. R. Manaflı, “EXO”, 14 iyul 2006.
Tələbə Qəbulu üzrə Dövlət Komissiyası (TQDK) Azərbaycanın ali
məktəblərinə qəbul imtahanlarının vaxtını açıqlayıb. Dövlət Komissiyasının
ictimaiyyətlə əlaqələr sektorunun yaydığı press-relizə əsasən, imtahanlar I
ixtisas qrupuna iyulun 29-da, III ixtisas qrupuna avqustun 3-də, II və V
ixtisas qruplarına avqustun 8-də, IV ixtisas qrupuna isə avqustun 12-də Bakı
və Naxçıvanda keçiriləcək.
Ali hərbi məktəblərə və liseylərə qəbul imtahanı iyulun 29-da
keçiriləcək. mtahanda iştirak etmək üçün abituriyentin iki sənədi –
mtahana buraxılış vərəqəsi və Abituriyent vəsiqəsi olmalıdır. TQDK-nın
press-relizində bildirilir ki, bu sənədləri sənəd qəbulu komissiyalarından
(SQK) I qrup iyulun 26-dan 28-dək, III qrup iyulun 31-dən avqustun 2-dək,
II və V qruplar avqustun 5-dən 7-dək, IV ixtisas qrupu isə avqustun 9-dan
11-dək saat 9.00-dan 18.00-a kimi ala bilər.
Sənədləri almaq üçün abituriyentlər şəxsiyyət vəsiqəsini və sənədləri
verdiklərini təsdiqləyən arayışı təqdim etməlidirlər. TQDK bildirir ki,
Abituriyent vəsiqəsi xüsusi holoqramla qorunur. Press-relizdə xəbərdarlıq
edilir: “Bu sənədləri itirmək və ya korlamaq olmaz. Onların əsli əvəzinə
dublikatları verilmir”.
mtahana buraxılış vərəqəsində abituriyentlərə
imtahan verəcəkləri yerin ünvanı və saatı göstəriləcəkdir.
Cavab kartını necə doldurmaq və sınaq zamanı özünü necə aparmaq
barədə suallara ətraflı cavabları abituriyentlər mtahana buraxılış vərəqəsi və
Abituriyent vəsiqəsi ilə birlikdə pulsuz alacaqları “Abituriyentin yaddaş
kitabçası”ndan tapa bilərlər.
ndi isə görək bu xəbər yuxarıdakı üç ölçüyə uyğun gəlir, ya yox.
1.
“Bu informasiyanın əhəmiyyəti nədədir? O, kimə ünvanlanıb ?”
Tələbə Qəbulu üzrə Dövlət Komissiyasının açıqlamasından
göründüyü kimi, bu il abituriyentlərin sayı 105537-dir. Bu rəqəmə
onların ailə üzvlərini, müəllimləri əlavə etsək, xəbəri gözləyənlərin
sayı bir neçə dəfə artar. Minlərlə insan bu xəbəri oxuyub işlərini plan-
layır. Demək, informasiyanın cəmiyyətə ünvanlanması şübhə
doğurmur.
2.
“Bu informasiya oxucuya nə verir? Oxucu ondan yararlana
bilirmi ?” nformasiyanın yararlılıq dərəcəsini hesablayaq: 1. Qruplar
üzrə imtahanların keçiriləcəyi vaxt və şəhərlər dəqiq açıqlanır. 2. Ali
hərbi məktəblərə qəbul imtahanlarının vaxtı bildirilir. 3. mtahana
Dostları ilə paylaş: |