484
Bundan sonra yalnız kiçik bir mcşəcikdən keçmək qalır. Bemardo çaldığı qələbənin sərxoşluğundan
ayılmadan, dərhal hərəkət etməlisən. Mənsə başqa bir işlə məşğul olmalıyam. İki vəzifəm vardı, birincisi
iflasa uğradı, heç olmasa, ikincisi uğurlu olsun. Bir adama yetişib, bir kitabı ələ keçirmək istəyirəm. Əgər
hər şey yolunda getsə, səni axtarmağa başlayanda buradan çox uzaqda olacaqsan. İndi isə əlvida”. O,
qollarını açdı. Ubertino mütəəssir halda ona bərk-bərk sarıldı. “Əlvida, Vilhelm. Sən dəli və qudurğan bir
ingilissən, amma geniş ürəyin var. Görüşəcəyikmi?”
“Görüşəcəyik, - deyə Vilhelm cavab verdi. - Allah qismət edərsə”.
Amma Allah qismət eləmədi. Daha əvvəl dediyim kimi, Ubertino iki il sonra naməlum şəxsin əli ilə
öldürüldü. Çətin, dəyişkən dövrdə coşqun və əyilməz mübarizin həyatı belə tamamlandı. Bəlkə o,
doğrudan da, övliya deyildi: amma ümid etmək istəyirəm ki, özünün övliya olduğuna duyduğu pak bir
inamı Tanrı mükafatlandıracaqdır. Qocaldıqca və özümü Tanrının ixtiyarına daha çox təslim etdikcə, dərk
etməyə can atan ağıla və fəaliyyət göstərmək istəyən iradəyə daha az dəyər verirəm və yeganə xilas yolu
kimi, səbirlə gözləyən və gərəksiz suallar verməyən inama daha çox baş əyirəm. Şübhəsiz ki, Ubertinonun
çarmıxa çəkilmiş Həzrəti-İsanın qanma və çəkdiyi əzablara böyük inamı vardı.
Bəlkə də bütün bunlar hələ o zaman ağlıma gəlmişdi? Bəlkə sirli qoca mənim fikirlərimi oxuya
bilmişdi? Bəlkə də gələcəkdə məhz belə düşünəcəyimi təxmin etmişdi? Mehribanlıqla gülümsəyib məni
bağrına basdı, lakin əvvəlki günlərdə bəzən olduğu kimi hərarətlə deyil. Baba nəvəni necə qucaqlayırsa,
o də məni elə qucaqladı, mən də oxşar həyəcanla ona sarıldım. Vidalaşma bitdi. O, Mikele ilə birlikdə
abbatı axtarmağa getdi.
“İndi nə edəcəyik?” - Vilhelmdən soruşdum.
“Cinayətlərimizlə məşğul olacağıq”.
“Ustad, - dedim, - bu gün bütün xristianlığın taleyini sarsıdan hadisələr baş verdi və bizə verilən
tapşırıq iflasa uğradı.
485
Lakin görürəm ki siz, papa və imperator arasında gedən mübarizədən daha çox, bu müəmma ilə
maraqlanırsınız”.
“Dəlilər və uşaqlar həmişə həqiqəti deyərlər, Adso. Görünür, imperator müşaviri kimi dostum
Marsilio məndən daha yaxşıdır, amma inkvizitor kimi əksinə, mən ondan yaxşıyam. Tanrı bağışlasın
məni, hətta Bemardo Guidən də yaxşıyam. Bemar- donu günahkarların tapılması deyil, müttəhimin
yandırılması maraqlandırır. Mənsə ondan fərqli olaraq, ən dolaşıq düyünü açmaqdan böyük zövq alıram.
Bəlkə də bunun səbəbi ondadır ki, mən bir filosof olaraq dünyanın bir nizamı olmasından şübhələnməyə
başlarkən, varlığın ən kiçik sərhədləri daxilində nizam deyilsə də, ən azından səbəb və nəticələr
zəncirinin mövcud olduğunu sübut etməkdən çox sevinirəm. Bundan başqa, yəqin ki, daha bir səbəb var:
bu hadisənin içində Iohannla Lü- doviqin savaşına nisbətən, daha böyük və daha qorxunc şeylər cərəyan
edir...”
“Lakin burada söhbət pozğun rahiblər arasında olan oğurluqdan və nifaqdan gedir!” - deyə şübhə
içində qışqırdım.
“Bunlar hamısı qadağan olunmuş bir kitab üzündəndir, Adso, qadağan olunmuş bir kitab üzündən”, -
deyə Vilhelm cavab verdi.
Rahiblər artıq axşam yeməyinə gedirdilər. Yeməyin ortasında Sezena Mikele də gəldi və yanımızda
oturub, Ubertinonun monastırdan getdiyini xəbər verdi. Nəhayət, Vilhelm rahat nəfəs ala bildi.
Yeməyi bitirincə Bemardo ilə söhbət edən abbatın yanında yubanmaq istəmədik və tez Bensionu
yaxaladıq. O, əyri-əyri gülümsəyərək bizi salamladı və qapıya doğru getdi. Lakin Vilhelm onu saxladı
və bizimlə mətbəxin bir küncünə çəkilməyə məcbur etdi.
“Bensio, - Vilhelm ona dedi. - Kitab haradadır?”
“Hansı kitab?”
“Bensio, ikimiz də axmaq deyilik. Bu gün səhər Severinin laboratoriyasında axtardığımız kitabdan
danışıram, mənim bilmədiyim, amma sənin dərhal tanıdığın və dərhal da götürməyə getdiyin kitabdan”.
486
“Onu mənim götürdüyümü haradan bilirsiniz?”
“Bilirəm. Son də bilirsən. Haradadır?”
“Deyə bilmərəm”.
“Bensio, əgər deməsən, hər şeyi abbata danışaram”.
“Məhz elə abbatın əmrinə əsasən deyə bilmərəm, - Bensio itaətkar görkəmlə cavab verdi. - Bu gün,
bizim görüşümüzdən sonra, bilməyiniz gərəkən bir hadisə oldu. Bercnqarın ölümündən sonra kitabxana
köməkçisinin yeri boş qalmışdı. Bu gün Malaxia bu vəzifəni tutmamı mənə təklif etdi. İndicə, yarım saat
əvvəl abbat bunu təsdiqlədi. Ümid edirəm ki, sabah səhərdən etibarən kitabxananın sirlərini mənə də
öyrədəcəklər. Mən, doğrudan da, o kitabı götürdüm və ona baxmadan belə hücrəmdə saman döşəyin
altında gizlədim, çünki Malaxianın məni izlədiyini bilirdim. Çox keçmədi ki, Malaxia mənə bayaq
dediyim təklifi etdi. O zaman bir kitabxana köməkçisi kimi hərəkət etdim: kitabı ona verdim”.
Artıq özümü saxlaya bilmədim və söhbətə qarışdım:
“Vay səni, Bensio, axı sən dünən... Axı siz dünən öyrənmək eşqi ilə yandığınızı, kitabxanada heç bir
şeyin gizli qalmasını istəmədiyinizi və elm adamının bilməyə haqqı olduğunu söyləyirdiniz..”
Bensio qızarmışdı və cavab vermirdi. Lakin Vilhelm məni saxladı:
“Adso, bir neçə saat əvvəl Bensio əks düşərgəyə keçdi. İndi o, əvvəl açmaq istədiyi sirləri özü
mühafizə edir. Onları mühafizə edərkən, oxumağa da vaxtı çox olacaq...”
“Bəs qalanlar? - dedim. - Axı Bensio hamının adından danışırdı!”
“Dünən”, - deyə Vilhelm cavab verdi. Və Bensionu tərəddüd içində buraxıb, məni özü ilə sürükləyib
apardı.
“Bensio, - sonralar Vilhelm mənə dedi, - qurbandır. Bcrenqarın da, keların da ehtirasından fərqli olan
bir ehtirasın qurbamdır. Başqa elm adamları kimi o da öyrənmək ehtirası ilə alışıb-yanır. Sırf bilmək üçün
öyrənmək. Biliyin hər hansı hissəsindən xəbərsiz idisə, məhz bu hissəsini öyrənməyə can atır. İndi,
nəhayət ki, onu əldə edib. Malaxia onun necə adam olduğunu bilirdi, kitabı geri qaytarmaq və Bensionu
susmağa məcbur etmək üçün on düzgün yolu seçdi. Başqalarına açıqlamaq hüququna sahib olmadan, belə
bir bilik ehtiyatını mühafizə etməyin onun üçün nə faydası olduğunu soruşacaqsan. Mənim ehtiras
haqqında danışmağımın səbəbi də budur. Rocer Bekonda belə ehtiras yoxdur. O, elmi Allah bəndələrinin
ixtiyarına verməklə onları daha xoşbəxt etmək üçün çalışırdı. Deməli o, sırf öyrənmək xatirinə bilik
dalınca qaçmırdı. Bensioda isə yalnız doymaq bilməyən maraq və təkəbbürlü ağıl var. O hərisdir. O, bir
rahib kimi dolayı yolla baş qaldırmış öz cismani istəklərinin şəklini dəyişdirmək və onları sakitləşdirmək
üçün yaxşı üsul tapmışdır. Başqalarını din, ya da küfr uğrunda mübarizə aparmağa sövq edən də ehtirasdır.
Görürsən, ehtiraslar yalnız cismani ehtiraslardan ibarət deyildir. Bcmardo Gui də hərisdir. Onunku - təhrif
edilmiş və iyrənc hala salınmış cəzalandırmaq və bağışlamaq hərisliyidir ki, bunu da hakimiyyət hərisliyi
ilə eyniləşdirmişdir. Müqəddəs, amma artıq Romalı olmayan papamızınkı - zənginlik ehtirasıdır. Kelarınkı