27
mərkəzə tabe olmalarını istəyirdi. Bu səbəbdən Bakı xanı bu savaşda Azərbaycan
Ordusunun yanında bulunur və Abbas Mirzə ilə iş birliyi içində idi. Bu maddi
çıxarıların ötəsində ortaq tarixi xatirələr və dəyərlər bu xanları Rusiyadan daha çox
Qacar dövlətinə yaxınlaşdırırdı.
Soyuq qış gecələrinin birində Bakı xanı Hüseynqulu Xanla Sisyanov
arasında görüşün sağlanması üçün zaman bəlirlənmişdi. Xan və əmisi oğlu İbrahim
Xan və bir də iki başqa əsilzadə bu görüşə çox hazırlıqlı gedirdilər. Qalanın dənizə
sarı açılan darvazasına tərəf yola düşdülər. Görüş üçün nəzərdə tutulan yerdə
General Sisyanov və üç zabit silahlı vəziyyətdə bəkləməkdəydilər. Mübahisələr
başladı. Çox qısa zaman içində hər iki tərəf yüksək səslə danışmağa başladı. Bir
neçə zəfərindən dolayı məmnun və məğrur olan Sisyanov onlardan qalanı təslim
etmələrini istəyirdi. Başına çığırılmasına alışmamış Hüseynqulu Xan, əmisi oğlu
İbrahim Xana öncədən aralarında anlaşdıqları işarə ilə atəş əmri verdi. Sisyanovun
üç gürcü cangüdənləri güllələnib yerə sərələndilər. Sonra da Sisyanova atəş açıldı.
Yaralı Sisyanovu qalanın içinə gətirib başını kəsdilər və zəfər ərməğanı kimi
Abbas Mirzəyə göndərdilər ki, o da Fətəli Şaha göndərsin. Abbas Mirzə
Sisyanovun başının bu şəkildə kəsilməsindən rahatsız olmuşdu. O, savaş
kurallarının dəyişilməsindən yana idi. Azərbaycanda qorxu və fəlakət yaradan
Sisyanovun öldürülməsi hər kəsi məmnun etmişdi.
FRANSA - QACARĠYYƏ MÜNASĠBƏTLƏRĠ
GĠRĠġ
Hindistana hücumun hazırlığı üçün bir çox məsuliyyəti üstlənən birinci
Fransa konsulu dost və müttəfiq olan Qacar dövlətindən arxayın olmaq istəyirdi.
Bu üzdən də Birinci Konsul ayrıntılı şəkildə bilgi əldə etmək istəyirdi. Bu
dönəmdə Fransanın Qacariyyə ilə bağlı bilgiləri İstanbuldakı Fransanın Birinci
Konsulluğu vasitəsi ilə sağlanırdı. Skalon adında bir fransız bəzirgan İstanbula
varmadan bir neçə kərə Qacariyyəyə getmişdi. Fransanın İstanbuldakı səfiri Marşal
Bron onun aracılığı ilə bu dövlət haqqında bilgi əldə edə bilmişdi. Eləcə də
Fransanın Bağdaddakı əski konsulu Rosso dolayısıyla da bir çox bilgi sağlamışdı.
1805-ci ildə birinci Konsul Şahla görüşmək üçün iki nümayəndə göndərdi. Bu iki
nümayəndənin Şahla görüşlərinin gizlin qalması konusunda anlaşma sağlanmışdı.
Ona görə bu nümayəndələrə Rusiya və İngiltərə casusları törədilə biləcək hər tür
təhlükənin önlənməsi üçün tədbirlər alınmışdı. Fransa elçilərindən biri General
Rumio idi. O, Hələb-Bağdad yolu ilə Qacariyyəyə gəlməyi tərcih etdi. Bağdaddakı
ingilis konsulluğu onun Qacariyyəyə gedişindən xəbər tutdu və onun ölkəyə
girişini önləmək istədi. Ancaq Rumio bu əngəlləri aşaraq səfərinə davam etməyi
başardı. 1805-ci ilin oktyabr ayında Tehrana çatdı. Rumionu Fətəli Şahın
dərbarında çox hərarətlə qarşıladılar. Ancaq o dərbarda bir az ümüdsüzlük yaratdı.
28
Çünkü yetkisi çox sınırlı idi. General Rumio Tehrana gəldikdən bir neçə həftə
sonra xəstələndi. Onun xəstəliyini müalicə edəcək təbib bulunmadığı üçün ordaca
da öldü. General Rumionun özəl qələm müdiri (katibi) olan Udre onun bütün
qeydlərini Fransaya aparmağı başardı. Rumionun notlarında Fransanın Qacariyyə
yolu ilə Hindistana girmə planına işarələr edilmişdi.
Digər elçi isə ünlü şərqşünas Jauber idi. Jauber Misir savaşında Birinci
Konsulun yanında bulunmuşdu. Bu elçi Azərbaycan yolu ilə getməyi tərcih etdi.
Azərbaycanda ilk öncə Abbas Mirzə tərəfindən qəbul edildi. Bir neçə ay sonra
Qacariyyə və Fransa arasında yapılan Finknaştayn anlaşmasının gerçəkləşməsində
onun böyük təsiri oldu. Finknaştayn anlaşmasından sonra Napoleon Bonopart
General Gardanın başçılıq etdiyi heyəti Fətəli Şahla görüşmək üçün Qacariyyəyə
göndərdi. Bu ittifaq anlaşmasına görə Fransa özünü Rusiya qarşısında müdafıə
etməsi üçün Qacar dövlətinə hərbi yardım etməli idi. Lakin Rusiya və Fransa
arasında imzalanan Tilsit barış anlaşması nədəni ilə bu ittifaqda qeyd olunanlar
həyata keçmədi.
Bu ortamda İngiltərə önəmsəmədiyi Qacar dövləti ilə yaxın münasibət
qurmağı planlamağa başladı. Qacariyyə və Fransanı bir-birinə yaxınlaşdıran
anlaşmaların imzalanması Londonda və Kəlkətədə rahatsızlıq yaratmağa
başlamışdı. O zaman Hindistanın hakimi olan Lord Minto, Con Molkolmu
görəvləndirib, Qacariyyəyə göndərdi. Ancaq Con Molkolm Buşəhrdən irəli gedə
bilmədi. Çünkü o zaman Tehranda bulunan və Qacariyyədə böyük etkisi olan
General Gardan, Fətəli Şahı Molkolmu qəbul etməməsi mövzusunda razı salmışdı.
Bu uğursuz səfərindən əsəbiləşən Molkolm təhdidlər yağdıraraq Bəsrə körfəzi yolu
ilə ölkəni tərk edib Kəlkətəyə getdi. Kəlkətədə Lord Montonu inandırmağa çalışdı
ki, Bəsrə körfəzində bir neçə adanı işğal etməsək Qacariyyəyə yol tapa
bilməyəcəyik. O, Fətəli Şahla görüşüb və anlaşma yapa bilmənin ancaq zor istifadə
etmək yolu ilə mümkün olduğu qənaətində idi. Hindistan hakimi Molkolmun bu
önərisinə müsbət yanaşırdı. Lakin London hərbi müdaxilədən yana deyildi. London
Harfurd Conzlərigezi görüşmələr yapmaq üçün Tehrana göndərdi. Əgər Rusiya-
Fransa arasında barış anlaşması imzalanmasa idi, bu elçinin durumu necə olardı
əcəba? O da Molkolm kimimi qarşılanardı, yoxsa durum fərqlimi olardı?
FRANSA - QACARĠYYƏ MÜNASĠBƏTLƏRĠ
1806-cı il may ayının əvvəllərində Amedee Jauber (Amade Juber)
İstanbuldan Tehrana doğru hərəkət etdi. Xoy ovalığından keçən Jauber insanların,
xüsusən kəndlilərin çox mutlu və sevincli olduğunu görürdü. Çünkü Abbas Mirzə
bölgəni kürd quldurlarının hücumundan qurtarmış və kəndlərdə tarımın gəlişməsi
üçün bir çox reformlar gerçəkləşdirmişdi. Kəndlilərdə və əkinçilərdə çalışmağa,
əməyə olan həvəs açıq şəkildə sezilməkdə idi. Abbas Mirzənin bölgədə yaratdığı
güvən və istiqrar çalışmaq üçün imkan yaratmışdı. Osmanlının Qacariyyə ilə sınır
Dostları ilə paylaş: |