90
çəkiləcəkdi? Belə anlaşılırdı ki, Bakıda qırğın törədib
ondan 7 saat sonra fövqəladə vəziyyət elan edən
Moskvanın əsl marağı məhz birincidə olub.
Bəli, məhz qırğın törətmək, millətin gözünü qor-
xut maq idi Moskvanın məqsədi. Elə ona görə də
dövlət televiziyası sıradan çıxarılmışdı. Elə ona görə
də ağır tanklar, silahlı əsgərlər heç bir xəbərdarlıq
etmədən dinc insanların üzərinə hücuma keçmişdi.
Bu hərəkət heç savaş qanunlarına da uyğun deyildi.
Lakin imperiya başkəndi Moskvadakı başbilənlər 20-
ci yüzilin sonunda min il öncənin insanlarının belə
etməyəcəyi namərdliyi etmişdi o gecə...
...Olmurdu, alınmırdı. Onlar rahat ola bilmirdilər.
Yorğunluq, yuxusuzluq öz sözünü desə də yata bil-
mirdilər. Gözləri qapanırdı, amma düşüncələri, be-
yinləri oyaqdı.
Niyə belə oldu? Olmaya bilərdimi? İndi kimlər
öldü, kimlər sağdır görəsən? Doğmalarımız, dost-
larımız sağdırmı heç olmasa? Şəhərdə dağıntılar
çoxdurmu?
Bu suallar onlara dinclik vermirdi. Heç şübhəsiz,
onları rahatsız edən suallar ölkənin hər tərəfində ağlı
kəsən hər kəsi rahatsız etməkdəydi o anlarda.
91
Beləcə yarıaçıq, yarıqapalı gözlə saat 9-dək bir tə-
hər “dincəldilər”. Sonra ayağa qalxıb özlərini səli-
qəyə saldılar. Boğazlarından çörək keçməsə də yün-
gülvari qəlyanaltı edib yola düzəldilər.
- Biz gərək Kamillə Mehdini tapaq. Onlar da ka-
zar maların ətrafında olmalıydı bu gecə. - Azər Na-
zimə üzünü tutdu.
- Gedək də. Nə gözləyirik? Mən hazıram. Görək,
haradan tapırıq onları. - Nazim cavab verdi.
...Kamilgil haradasa Cəfər Cabbarlı kinoteatrı
tərəfdə bir evdə kirayədə qalırdı. Azər onların qal-
dığı yeri təxmini bilirdi. Ona görə də ora yollandılar.
Yol boyu gördükləri onları axşam olduğundan
da artıq dəhşətə gətirirdi. Dünənə kimi səliqəli,
təmiz olan şəhərin küçələri bir savaş meydanına
bənzəyirdi. Hər tində bir zirehli maşın, üzərində
də əli avtomatlı əsgərlər dayanmışdı. Sifətlərindən
zəhrimar yağırdı. Hər kəsə qəzəblə baxırdılar. Sanki
qarşılarından keçənlər eyni dövlətin deyil, hansısa
düşmən ölkənin vətəndaşları idi.
Şəhər nəqliyyatı da işləmirdi. Yollarda demək
olar ki, maşınlar da gözə dəymirdi. Küçələrdə heç
adamlar da çox deyildi. Seyrəklik idi əməlli-başlı.
92
Görünür, insanlar baş verənlərin ciddiyyətini anla-
dığından, artıq ehtiyac olmadan küçəyə çıxmaqdan
çəkinirdi. Düz də edirdilər. Çünki əsgərlər ən kiçik
bir bəhanəylə əliyalın, dinc insanlara atəş aça bilərdi.
Bir neçə dəqiqədən sonra onlar Kamilgilin qaldığı
evə çatdılar. Amma boşuna. Qapı bağlı idi. Dostlar
bir qədər narahat olsalar da, “Tanrı yar olsun!” - de-
yib geri qayıtdılar.
Nəsə etmək lazım idi: öncə durumu öyrənmək,
digər dostları axtarıb tapmaq, lazım olacağı təqdirdə
səfərbərliyə hazır halda gözləmək. Azərin ağlına
gələn bunlar oldu yalnız.
Bir qədər də gəzib dolaşdılar. Gecə baş verənlərin
dəhşətini bu dəfə daha bariz şəkildə gördülər. Doğ-
rudan da böyük faciə yaşanmışdı o gecə.
Haqverdiyev küçəsinə qayıtdılar. Ehtiyatla “Sal-
yan kazarmaları”na doğru hərəkət etdilər. Əli silahlı
əsgərlər hər tərəfi nəzarətdə saxlayırdı. Ağır texni-
ka da öz yerində. “Xəzər” kinoteatrı tərəfə hərəkət
edib oranı görmək üçün üzü aşağı yollandılar. Gecə
Azərin qarşısında vurulmuş maşın hələ də yolun or-
tasında idi. Qapıları da taybatay açıq qalmışdı. Heç
kim cürət edib maşına yaxınlaşmırdı.
93
Transportyorun əzdiyi maşınlar. Foto: S.Rasim
94
Bir qədər də aşağı gedəndən sonra çox dəhşətli
mənzərəyə rast gəldilər. Sol tərəfdə, ara məhəlləyə
ayrılan yolda iki minik avtomobili yerə yapışmışdı.
Maşınlar yan-yana, köndələn şəkildə yolun ağzında
saxlanılmışdı. Kazarmaların arxa qapısından çıxan
zirehli transportyor heç nəyə məhəl qoymadan on-
ların üzərindən keçmişdi. Görünür, maşın yiyələri
sadəlövhcəsinə düşünürmüş ki, bu yolla ağır tex-
nikanın qarşını ala bilərlər. Amma nəticə göstərirdi
ki, işğalçı əsgərlər heç nəyə məhəl qoymadan Bakını
bir anın içində tam nəzarətə götürmək üçün hər cür
hərəkətə hazır imiş.
Azərlə Nazim həmin küçəyə girib növbə çəkdikləri
yerə baxmaq istəsələr də rus əsgərləri onların qarşı-
sını kəsdi. Sərt baxış, kobud ifadə və soyuq üzlə, av-
tomatın lüləsilə onlara yolu göstərən əsgərləri başa
düşmək çətin deyildi. Yəni, “ya itilib gedin, ya da
indi biz sizi cəhənnəmə vasil edərik” demək idi bu.
Burada artıq hərəkətə yol vermək olmazdı. Ona görə
də dostlar üzü aşağı, Energetika Texnikumuna doğ-
ru getməyə məcbur oldular.
Bir qədər aşağıda bir ZİL maşını vurulmuşdu. Sü-
rücü tərəfdən qapısı açıq qalmışdı. Adamlar yaxınla-
şıb maşının içinə baxır, çox kədərli və qəzəbli baxış-
95
larla oradan ayrılırdılar. Deməli, nəsə bir səbəb vardı
bunun üçün.
Azərgil də maşına yaxınlaşdılar. İçinə baxdılar.
Doğrudan da dəhşətli mənzərə idi. Maşında heç kim
yox idi. Amma bir tay çəkmə vardı. Kişi çəkməsi. İçi
də qanla dolu. Anlaşılan bu idi ki, maşının bu qədər
qanı axmış sürücüsü artıq həyatda qala bilməzdi...
Texnikuma gəldilər. Burada tələbələr, müəllimlər
bir yerə yığışıb olanlardan danışırdı. Hər kəsin
üzündən kədər yağırdı. Elə bil bir gecənin içində in-
sanların üzərinə qara çökmüşdü.
Öyrəndilər ki, gecə səhərə qədər şəhərin başqa
səmtlərində də rus əsgərləri qanlı qırğın törədiblər.
Rəqəmlər dəqiq deyildi, amma söz gəzirdi ki,
yüzlərlə insan öldürülüb. Minlərlə də yaralı var. İn-
sanlar öz yaxınlarından, qohum-qardaş, dost-tanış-
dan xəbər tuta bilmirlər. Xeyli sayda insanın itkin
düşdüyü deyilirdi. O da deyilirdi ki, xəstəxanalar
yaralılarla doludur. İmkanı olanların xəstəxanalara
gedib qan verməsi lazım idi.
Belə şəraitdə hər kəsin sorumluluq hiss etməsi,
çiynini yükün altına verməsi lazım idi. Azərgil də
boş dayana bilməzdilər. Ona görə, Nazimlə birlikdə
metroya yollandılar.
Dostları ilə paylaş: |