46
Aba, Ərzən ər-Rum hakimi Fəxrəddin, əmir Səltuq və başqa əmirlər də öz qoşunları
ilə ona qoşuldular. Eldənizin qoşununun sayı 50 minə çatdı və 558-ci ilin səfər ayında
(yanvar, 1163) əmirlərin birləşmiş qüwələri Gürcüstana hücum etdi. Eldənizin
qoşunları ilə gürcü ordulan arasında hərbi əməliyyat bir ay uzandı.
Hicri 558-ci ilin şabanında (iyul, 1163) müsəlman əmirlərinin birləşmiş qüvvələri
Eldənizin başçılığı altında yenidən gürcülərə qarşı yürüşə başladı. Eldəniz yandırılmış
(kül edilmiş) Dvini gürcülərdən geri aldı və III Georgini ağır məğlubiyyətə uğratdı
1
.
Bu yürüşdə iştirak edən ibn əl-Əzraq əl-Fariqi yazır: " Gürcülər ən həqarətli
məğlubiyyətə uğradılar. Onların varidatından o qədər çox qənimət götürülmüşdü ki,
onu təsvir etmək və ya saymaq mümkün deyildi. Çarın axuru gümüşdən qaynlmış ilxı
tövləsi ələ keçirilmişdi. Çarın anbarı və onda nə varsa, böyük gümüş çəlləklər də daxil
olmaqla, hamısı zəbt edilmişdi. Bu gümüş çəlləklərdən biri sultana göndərildi. Onu və
o cür başqa birisini daşımaq üçün bütöv bir araba lazım idi. Sultan onu və o dövrdə
dövriyyədə olan dinar hesabı ilə iki min dinarlıq qəniməti öz sarayına göndərdi. O, qızıl
və gümüş su qablarını göndərdi, adamların su içməsi üçün onlar Həmədan cümə
məscidinə verildi. İkinci çəlləyi türkmənlər götürdü və onu tikə-tikə doğradılar.
Müsəlmanlar çox böyük sayda qənimət əldə etdilər və çoxlu adam qırdılar, Abxaziya
çarı qaçmağa üz qoydu və qalın meşədə gizləndi.
Şah-ərmən üç tay yük ələ keçirdi; birində qızıl və gümüş qablar var idi,
ikincisində tayı-bərabəri tapılmayan, müxtəlif qiy mətli daş -qaşla örtülmüş, ölçülməz
dəyərdə qızıl və cavahiratla bəzədilmiş qızıl və gümüş xaçları olan çar sovməəsi, üçüncü
yükdə qızıl, gümüş və cavahirat olan çar xəzinəsi var idi ki, onların bəzilərinə qiymət
vermək mürnkün deyildi". Əl-Fariq i yazır: "Mən 549-cu ildə abxa z çarının xid mətinə
gələndə həmin meşədə [gələcəkdəki] döyüş yerini görmüşdüm"
2
.
Demək olar ki, bütün mənbələr gürcü qoşunlarının məğlubiyyə-tini Eldənizin
yanına qaçıb, gürcü qoşunlannm mövqeləri haqqında ona xəbər verən hansı bir
gürcününsə xəyanəti ilə izah edirlər. Bu gürcü guya ki, Eldənizə derhişdi: "Əgər sən
mənə qoşun versən, onda mən onu tanıdığım yolla aparar və gürcülərə arxadan elə
yaxmla-şaram ki, onlar bunu sezə bilmə zlər"
3
. Eldəniz onun doğruluğuna inandı və
onunla qoşun göndərdi. Onlar birgə hücum günü haqqında [qabaqcadan] şərtləşdilər.
Həmin gün gəlib çatanda, hər iki yandan sıxışdınlan gürcü qoşunu darmadağın edildi.
Geriyə qaçan gürcüləri üç gün təqib etdilər
4
.
Alban tarixçisi Mxitar Qoş qeyd edir ki, gürcü qoşunlarının mövqeləri haqqında
məlumatı atabəy Eldənizə gürcü çan İvanenin sipəhsaları Smbat oğlu Orbeli vermişdi. O,
"[bu xəbəri] atabəyə və sultana gizlincə çatdırmışdı, belə ki, onlar ilə ittifaqda idi və
1
Vardan, 156, Stepannos Orbelian, səh.219; Müq. et: Histoire de la Georgie, 1/2, p.255.
2
İbn əl-Kalanisi (İbn əl-Əzraq), səh.361-362. Müq. et: V.Minorsky, Studies, pp.93-94.
3
İbn əl-Əsir, IX, səh.80; İbn Xaldun, V, səh.171.
4
Мхитар Гош стр, 19.
47
rüşvət onun gözünü tutmuşdu"
1
. Orbeli çar III Georgiyə qarşı qəsd düzəldən iri gürcü
aznaurlarının dəstəsinə başçılıq edirdi. Qəsdçilər "çar taxt-tacını mənimsəmiş" III
Georgini devirmək, taxta Georginin qardaşı oğlu, İvane Orbelinin kürəkəni və
yetişdirməsi (İvane Demnənin atabəyi sayılırdı) Demnəni çıxarmaq istəyirdilər.
Tarixçi Stepannos Orbelian əmir-sipəhsalar İvane Orbelinin xəyanətini məhz
belə bir planda təsvir etmişdir: "İvanenin ona qarşı münaqişələrinə çar Georgi son
qoymaq istədikdə İvane Lori qalasında gizləndi və oradan öz qardaşı Lipariti atabəy
Eldənizin yanına göndərib xahiş etdi ki, öz qoşunları ilə Gürcüstana gəlsin"
2
.
Çar III Georgi Lorini bir neçə aylığa mühasirədə saxladı, İvanenin tərəfdarları
tədricən qalanı tərk etməyə və Georgiyə təslim olmağa başladılar. Georginin
düşərgəsindən İvaneyə təslim olmağı təklif etdilər, "belə ki, onlar atabəy Eldənizin
gəlməsindən qorxurdular". Şahzadə Demnə də qaladan qaçdı. Bundan sonra İvane
Georginin onun həyatına toxunmayacağı andına inanıb təslim oldu, ancaq çar öz sözünə
xilaf çıxıb İvaneni, onun oğlanlarını və qohumlarını tutmağa əmr etdi. O, İvanenin
gözlərini çıxartdırdı, şahzadə Demnənin gözlərini kor etdi, onu axtaladı, başqa
qohumlarını isə öldürməyi əmr etdi
3
.
İvanenin göndərdiyi və "öz oğulları Eliku m və İvane ilə atabəy Eldənizin
yanına gələn" Liparit "60 minlik fars ordusunu çoxlu süvari ilə gətirib qardaşın ın
kö məyinə gəld i"
4
.
Gü rcüstanın məğlubiyyətindən sonra Liparit atabəy Eldənizin yanında
qulluqda qaldı. Onun oğullarından biri - Eliku m Eldənizə xid mət etməyə başladı,
başqa oğlu İvane isə Atabəyin Gəncədəki can işininin yanında qulluğa girdi.
Stepannos Orbelian ın dediyinə görə, Eliku m Eldənizin və onun oğulları
Pəhləvanla Qızıl Arslanın sarayında yaşadı, "onlardan farsların ölkəsindəki bütün
kübar əyanlardan daha artıq mənsəb aldı. Atabəy böyük Hamian (M iyanə - ?)
şəhərini ona verdi, onu öz oğlu adlandırırdı, ona tuğra mülkiyyəti təhkim etdi və
həmçinin onu 12 illiyə Rey, İsfahan və Qəzvin kimi böyük şəhərlərə vali və əmir
təyin etdi"
5
. Daha sonra tarixçi göstərir ki, sultan Eliku mu məcbur edird i ki, o,
islamı qəbul etsin və qızın ı ona ərə versin. Ancaq Eliku m mü xtəlif bəhanələrlə
bundan boyun qaçırır və xahiş edir ki, onu Naxçıvan vilayətinə qulluğa
1
İbn əl-Əsir, IX, səh.80; İbn Xaldun, V, səh.171-172; S.Anetsi (səh.138) satqınların adlarını
sadalayır və Eldənizin qoşunlarının erməni təqvimi ilə 613 (09.02.1163)-cü ildə hücum etdiyini
göstərir; Matevos Urfetsi, səh.362-365; İbn əl-İbri, səh.286-287. Gürcü salnaməsinin (1/1, səh.390-
395) bu hadisələrə və ümumiyyətlə, Georginin hakimiyyət dövrünə aid məlumtaları olduqca qarışıq
və anlaşılmazdır.
2
Stepannos Orbelian, səh.217-219; Tacidarların tarixi və mədhi, səh.29.
3
Stepannos Orbelian, səh. 220; Tacidarların tarixi və mədhi, səh.29. Müq. et: Gürcüstan tarixi, I,
səh.193-194.
4
Stepannos Orbelian, səh.220.
5
Yenə orada, səh.221.
Dostları ilə paylaş: |